السلام عليكم ورحمة الله
تذكرت الثنايا يوم لاح البرق يا فتان
وجاوب شعقة البراق جرحن وسط خفاقي
ابد جرح الهوى باقي ولو طالت به الايام
ولوطال الغياب بصاحبه لابد يشتاقي
حضيض اللي عدل عن سكة الاحباب والخلان
الى منه بغى يرقد يجيه النوم منساقي
ولكن وشيقول اللي مشى في سكة الحرمان
تشهواه السراب بمنظره وابعد عن الساقي
انا البارح يابوراشد سهرت لصاحبي ولهان
اهوجس به الين الليل راح وبان الاشراقي
حبيبن لاتذكرته يفز القلب له شفقان
غلاه بخاطري ماقد تغيرثابتن باقي
الاياوجد حالي وجد من خلوه بالصمان
وحيد مامعه مويه وبه كسرين بالساقي
مشوربعه ولاردوا وهو في ماقعه حيران
عذاب الشمس من فوقه ورملن يحرق احراقي
انا حالي مثل حاله ولاادري وش حصل وش كان
مشيت بدربي مغرب وهو في درب مشراقي
دفين الجرح ،،،،
15-12-2001, 03:49 PM
العرض الشجري