ذكرياتنا ..ومواقفنا الدراسيه ..ياليت نستمتع بها ..

[الأم الحنون]

المشاركة الأصلية كتبت بواسطة راعي الأوله   موضوع جميل جداً ويذكرنا بأيام الدراسة الجميلة ..... ذكريات المدرسة الأبتدائية كثيرة ولكن ما اتذكره جيداً مدرس القراءة في صف ثاني ابتدائي( .......) الله يذكره بالخير والله ياهو يجلد الطلاب جلد يحط القلم بين اصابعي ويرصه ويقول يالله طلع القلم ثمين انواع الصياح ..!! تربية صح والذكرى الثانية طبعاً ما أنسى اني كنت جيد في الإبتدائي وخذت الأول في صف رابع وخامس ( بس)....... والموقف اللي ما انساه أبد يوم كنت في صف ثالث متوسط كان معنا ناس منسمين من جد ولا همتهم الدراسه وحنا اللي نتورط مع المدرسين دايم بسبتهم ... المهم جا ذاك اليوم مدرس الإنجليزي ( .......) الله يذكره بالخير الحين صار دكتور ومنصب كبير المهم (العرابجه) اتفقوا يسوون مقلب عليه لانه مهب يعطيهم وجه قاموا وشالوا السفنج حق كرسي المدرس وحطوا تحته شوك ( قطب) وجلسوا كنهم ما سوو شي ..!! وياويل اللي يعلم المهم جا المدرس وبدا بالشرح يوم خلص وراح يبي يجلس على الكرسي وينقز ذيك النقزه من حرة اللي جاه .. وتقفل معه ويجلدنا كلنا وينقص علينا درجتين نستاهل اكيد ..!!

الأستاذ الفاضل راعي الأوله ..

اسعدك الله بكل خير ..اشكر لك هالذكريات الجميله واقدر لك مشاركتك معنا في طرحها

اجل خذت نصيبك استاذنا من العنف المدرسي ياكود رص الأصابع بهالطريقه ..الله يهدي مدرس القراءه

شكله مكود عليك ..

ماشاء الله متميز في الأبتدائيه تبارك الله...والأول الله يزيدك ..

اما الموقف الثاني استاذنا بصراحه قمة في المشاغبه والشطانه !!!

مسكيييين ذا المدرس عساه بس يحللكم عن الضرر اللي وقع عليه ...




كل الشكر

سعدت بهالذكريات الجميله

وفقك الله