هذي رحلتي إلى تمير(الشوكي).مع اتيكا

[أبو ماهر]

.


السلام عليكم ورحمة الله وبركاته


في يوم الجمعة الموافق 6/12/1423هـ
ذهبت انا واخي ابو عادل وكانت وجهتنا إلى سدير فشاهدنا لوحة باقي على تمير 46 كم ثم تذكرت اخوي اتيكا وقلت هو من سكان تمير وادق عليه والله ويرد علي واواعده عند البلدية ويجيني الرجال واسلم عليه واسولف انا وياه وفي بداية الامر عزمني وقالي مشينا للشوكي قلت له والله اني مستعجل وبروح للقصب مواعد لي كم واحد بمرهم المهم قلت له وش كثر يبعد الشوكي قالي قريب ونركب معه اناوابو عادل في موتره ومشينا ولحسن الحظ انه كان معه كميرة وصورنا بعض المناطق في الشوكي وسوى لنا رحلة شبه شاملة على بران تمير وسع صدورنا بسواليفه ودانا لأماكن مدري وش سماها بس اماكن لايعلا عليها وانشهد انه رجال كفى ووفى وتقهوينا الشاهي وجلسنا على البساط الاحمر (فيه صورة لها بينزلها اخونا اتيكا) وجلسنا على الغدير وش ذيك الجلسة بس...


وانا أشكره من اعماق قلبي على الرحلة الي سواها لنا وعلى ظيافته لنا واقوله جزاك الله الف خير وكثر الله من امثالك...


وأتيكا مستعد لكل من يجيه في تمير ونقابله ونسولف معه ونسمع اخباره والي يبي يجي لتمير ينسق مع اتيكا ويعطيه رقم جواله على الرسايل الخاصة
وان شاء الله اتيكا بينزل صوره الشوكي وحنا معه وصور اخرى للشوكي...