الضـــــــــــــــــــــــب

[مفتون صيد]

السلام عليكم ورحمة الله وبركاته

ودي اتكلم على الضبان لان موسم صيدها قرب تقريباً ما بقا الا اسبوعين.....
طبعاانتم عارفين الضب وما يجهلكم من ناحية شكله وتصنيفه بين الحيوانات
وماله داعي اني اتكلم عليه بشكل موسع بس ودي اقول ان هناك ثلاث او اثنتين
من الطرق لصيد هذا الحيوان الوديع اللي ما ينفخ ابد ولا يقول شيء:







لطريقه الاولى:طبعاً هي الطريقه التقليديه والاولى في هذا المجال وهي طريقة
الغربالماء..... تجيب لي الماء وتصب على الجحر ثم تجي باصابعك وتدف على
بيته بعض التراب مع الماء علشان يحسبه انه السيل جاه ... اذا امتلأ الجحر
بالماء ابعد اليّ حق الماء وتسمع صوته وهو يبي يطلع ... بعد ماتحس انه بادي
يطلع راسه صب على راسه الماء وعلى خفيف بحيث انه ما يشوفك ثم يدق الريوس
ويرجع لبيته ويموت فيه.... المهم اذا طلع راسه وصبيت فوق راسه الماء لاتتأخر
واجزم على طول على انك تسحبه من جحره ثم بعدها اضحك عليه وقله ياغبي... مالها
داعي يرد عليك ويقول الغبي اللي يتكلم ... بعدها صفقني ان جلست محلك.






الطريقه الثانيه: هي الرمي عليها بالبندق الناريه مثل الخرازه او الهوائيه
القويه وتكون من مسافه قريبه لكن الجاري هي الخرازه... وهي انك تهبده مع
الراس ثم عقبها تقول ياحلاوه... ويفضل ان الرصاص حق الخرازه ما يكون من النوع
اللي يتفجر بل العابر.

الطريقه الثالثه: يقال انها الشكمان وانا والله اسمع بها ولكن ماعرفت احد
يسويها وبعض الاحيان اقول انها مبالغه من اللي يقولها او انه ينكت.



لكن بودي اقول نصيحه للي بيصيدون ... ارفقوا عليهن ترى الناس اعدمتهن من
كثر الصيد اللي ماله سنع وحالات الصيد ذواقه مهيب شبعه وطغى فيه ... على
سبيل المثال ذكر لي سخص انه صايد حوالي 50 صب ومكيسها ومنظفها وحاطها
عنده في الفريزر( يعني هاذي شفاحه ) ومثل ما انت تبي غيرك يبي ...وعلى
فكره ترى كثرته مظره لانه يعتبر اعلى نسبة كالسترول في اللحوم كلها


بودي ان الاعضاء يفيدوني بما هو عندهم عن هذا الموضوع... وشكراً