[poet font="Times New Roman,14,black,bold ,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
ويلكم ياهل البدل ياهل البشوت = تحملون الاثم في دمٍ يباح
يسفكون الدم وانتم في سكوت = وين فزعات العرب وين الكفاح
تصرخ الاطفال من هدم البيوت = والنساء ويا العجايز في صياح
الجثث متناثره جرحا وموت = والقذايف فوقهم ليل وصباح
لا أمان ولا شراب وقل قوت = ولا علاج ولا دكاتر للجراح
تأكلون الموز والمنجا وتوت = فالحين ان قالت العربان طاح
ما تعرف شفاهكم غير الشروت = وان طلبتوا شئ تلقونه متاح
تركبون البنز والكدلك وحوت = وللمسافات الطويله أم جناح
تسافرون وتسكنون (بماريوت) = وترقدون الليل متعه وارتياح
ما تركتو لشعبكم رايٍ وصوت = ما سلم من بطشكم راعي الفلاح
اتركو اهل المساجد بالقنوت = ما لهم في وقتنا غيره سلاح
لي متى وانتم يوجّهكم (ريموت) = لي متى ذلٍ وخوفٍ وانبطاح
عبدالخالق البعيجان(ابن شارخ)
[/poet]