[poem=font="Simplified Arabic,5,black,bold,normal" bkcolor="transparent" bkimage="../backgrounds/13.gif" border="double,5,seagreen" type=2 line=0 align=center use=ex num="0,black"]
( سدير من الفرح غنّت )
هلا يا مرحبا ترحيبةٍ تسقى بدهن العود=تراحيب الوفاء والطيب .. لوجه الخير نبديها
تراحيب الغلا بسدير تستقبلك يابو سعود=ترحبك سـديـر من الفرح واللي سكن فيها
عدد ما طار طير وعد برق ومقتفاه رعود=وعـدد ما يركع الراكع وعـبّـادٍ .. تصليها
هلا يا مرحبا يامير يامير السعد والجود=يامير الخير لك جـل التحايا اليوم .. نهديها
فرحنا بك وفرحتنا تعلت فوق .. دون حدود=سعادتنا بشوفـك مالـها شيٍ .. يـوازيـها
مشاعرنا من الفرحة تسابق والفعول . شهود=سـديـر من الفرح غنت فرح بلسان أهاليها
ألا يا حر نسل أحرار ما عادوا سوا المنقود=ولهم فالخير بصمة في أول الدنيا .. وقاصيها
على الاسلام منهجهم سعوا لرضاية المعبود=حبابة . عدل . حزم وعزم . والسنة مماشيها
ترانا للوطن ياسيدي خدام .. واله جنود=سعوديين حبا الدار .. تزهابه وكاسيها
عسى التوفيق دربٍ لك من المنان والمحمود=إلـهٍ جل شانـه خالـقٍ الخلـق .. محصيها
وهلا يامرحبابك عد مافينا الفرح موجود=تحيات الفرح في جيتك يامير .. نبديها
راعي الروضة[/poem]