سر ياقلم مالي على الصبر طاقه
،،،،،،،،،،،،،،،،،،،، صبري تعدى الحد ماعاد ينطاق
اكتب لمثلي قصته واشتياقه
،،،،،،،،،،،،،،،،،،، في خطك الواضح على بيض الاوراق
قصة حزين صافي الحر ذاقه
،،،،،،،،،،،،،،،،،،، أنا بذكره ماصله خاطري ضاق
باقو به الأصحاب والوقت باقه
،،،،،،،،،،،،،،،،،، وصار الضحيه بين باير وبوااااق
يمشي وهو ماحسّ في كسر ساقه
،،،،،،،،،،،،،،،،،،، أمسى على ساقين واصبح على ساق
وهذي سواة الوقت شين اصطفاقه
،،،،،،،،،،،،،،،،،،،، الوقت لو يصفا لك ايام درّاق
لاشك يامن معك عقل ولباقه
،،،،،،،،،،،،،،،،،،،، بنصحك كان انك للامثال تشتاق
صادق رجال يعرفون الصداااقه
،،،،،،،،،،،،،،،،،،، يقفون صفك يوم يبسات الارياق
ومن يرغب افراقك فعجّل فراقه
،،،،،،،،،،،،،،،،،، جاز اللذي يجزيك افراق بافراق
يقوله اللي جاير الوقت عاقه
،،،،،،،،،،،،،،،،، ولازال في غيبوبة الهم مافاق
حظه على اقشر شي للنفس ساقه
،،،،،،،،،،،،،،،،،، بقبور الأحياء ينتظر يوم الاطلاق
الشاعر // بندر بن سرور
05-03-2007, 05:48 PM
العرض الشجري