اشكر الأخ الغالي يزيد على دعوتي لهذا المنتدى وهذي القصيده اهداءعام للمنتدى, وخاص لشاعر(وارث الطيب)
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وجه الشبه مابين حبري والأحـداق=كلٍ كتـب مـن دمعتـه مايلوعـه
امّا الشبه مابين وجهـي والأوراق=أن الحزن يفضح خفايـا ضلوعـه
حالي مثل شمعه طفت لحظة ارهاق=نوري لمن حولي ونفسـي قنوعـه
أي والله إني محرقٍ نفسي احـراق=لعيون من خلاّ المشاعـر تجوعـه
الظامي اللي اتعبـه نشف الأريـاق=ماغير يستسقي دعـاوي رجوعـه
الليل هو صبحي تعوّدتـه اشـراق=همٍ يبيّـن فـي ظلامـي سطوعـه
والحزن فج القلب من بين الأعماق=فتّق خفوقـي ليـن بيّـن طلوعـه
يزور مجلس هاجسي طيف الأشواق=وبيبان ويلي فتّحـت لـه جزوعـه
حسبي على الذكرى بلحظات تنساق=ويّا الجروح الناقعـه مـن نبوعـه
من يستره صوتٍ تعرى من افراق=بانت به البحّـه تبيّـن خضوعـه
دام الفرح مشلول مايمشي بسـاق=بزف انا حزني وبمشـي بطوعـه [/poem]
شعر فــهد مفلـــــح