رحلتي المصورة الى النمسا وألمانيا 2007م ...

[ابو عبدالإله]

[align=center]






السلام عليكم





وصلنا الى المحطة الثانية من رحلتي الى النمسا




[glint] زيلامسي[/glint]




بداية احب أذكر بعض النقاط المهمة اللي نسيت أذكرها سواء نقاط عامة او بخصوص زيلامسي:






1- اخواني واخواتي لو أقولكم اني بغيت أموووووووووووت قهر من موقف صارلي وانا في زيلامسي هذا الموقف

خلاني أندم أني ماسمعت كلام بعض الأعضاء بخصوص الدعوة الى الله وانت في السفر لو على الاقل تاخذ

معك مطويات بالانجليزي او بالالماني او بحسب الدولة اللي انت رايحلها ....

يأخواني كنت طالع انا وزوجتي من سوبرماركت بيللا وفاجأني واحد وعطاني كتيب يوم ناظرت فيه واذا هو يبتسم

وحطّه في يدي وقالي ( دانكي ) يعني شكرا بالالماني وراح ... يوم ناظرت في الكتيب الا مكتوب عليه














صار هذا الرجل من المُبشّرين ( النصارى الذين يدعون الى ديانتهم )


فقلت لزوجتي آآآآآآآآآآآآآآآآآآآآآآآآآآآه يالقهر ليتني جايب معي كتيبات عن الاسلام وعن الرسول عشان اعطيه

ياخواني والله حنا أولى من هذا الرجل بالدعوة .. قال تعالى {كنتم خير أمة أخرجت للناس تأمرون بالمعروف وتنهون عن المنكر وتؤمنون بالله******

ويا أخواني هذا قصة ثانيه والله العظيم ما كان ودي أذكرها خوفاً من الرياء ولكن رأيت ان في ذكرها مصلحة وفائدة ...

كان ساكن جنبي في فندق سي فيلا واحد بريطاني وراح تشوفون صورته .. دقيت أنا وياه صحبه وبعد يومين قالي عندك نسخة من القرآن

قلت اللحين لا .. لكن عطني عنوانك وأنا أرسلك ... وتمنيت لو معي كتيبات عن الاسلام عشان اعطيه .. ولكن الحمدلله على كل حال ...

عشان كذا ياخواني أطلببببببببكم طلب خذوا معكم كتيبات ومو شرط تعطونها اي أحد اذا شوفتو احد ارتاح لكم وسولف معكم عطوه ترى والله انها خير من الدنيا ومافيها ( لآن يهدي الله بك رجلا خير لك من حمر النعم )

هذي نقطة حبيت اذكرها .... والله من وراء القصد




------------------------------------------------------------------------

2- لاتنسون البوصلة العجيبة لتحديد اتجاه القبلة وتلقونها في مكتبة جرير صراحة انها رهيبة وسهلة وهذي صورتها









طريقة استخدامها سهههههههلة في كتيب معها ومكتوب فيه رقم حنب كل مدينة وتشوف انت كم رقم مدينتك وتحرك البوصلة بحيث تخلي المؤشر الاخضر (اللي هو الشمال ) على رقم مدينتك وبكذا تكون القبلة بإتجاه السهم الابيض ... في الصورة المؤشر على 24.5 على فيينا ....


----------------------------------------------------------------------

3- يوجد بالقرب من زيلامسي مسجد يُصلّى فيه الجمعه ... وانا صليت فيه الجمعه وهو مسجد أتراك من أهل السنة والجماعة .. صحيح ان عندهم بعض البدع في صلاة الجمعة لكن يضلّون من أهل السنة والجماعة ... وهذا صورة للمسجد وعنوانه ونبذة عنه







----------------------------------------------------------------------


4- الجو في زيلامسي بارد في الليل .... وخصوصا اذا كان الجو غيم ومطر فحتى النهار يكون بارد فانصح بالجاكيتات ....


--------------------------------------------------------------------

5- زيلامسي ماتحتاج تكاسي مررررة لان كل شي جنبك وتقدر تلفها كلها على رجولك ماعدا الرحلات فتكون بالباصات وراح اذكر كل رحلة ورقم باصها وكيف تعرف عنها وتروح لها ...


--------------------------------------------------------------------

6- وفي نقطة مهمة عشان تبرمجون جدولكم اول ماتوصلون روحوا للأنفرميشن ( مكتب الاستعلامات ) اللي جنب مكتب البريد وهذي صورته






واطلبوا منهم مطويات فيها مواعيد وأرقام الباصات اللي تروح للمناطق السياحية مثل : الشلالات ومرتفعات كابرون والزحليقة ... وهذي صورة للمطويات





تلاحظون مكتوب رقم الباصات في الدائرة البنفسجية ... وبخصوص كيفية الذهاب لمحطة الباصات وشراء التذاكر راح اقولها في التقرير ...


------------------------------------------------------------------------------------------

7- موضوع ازعاج القطار صراحة مبالغ فيه ..... صحيح انك تسمعه وانت في الغرفة لكن لما تجي تنام وتسكر البلكونه تسمع صوت خفييييف ومو مزعج .... والقطارات هناك قلييييييييل ما تمر في الليل ....

--------------------------------------------------------------------------------------------------------------------------


نبدا اللحين في التقرير عن


زيلامسي


اولا احب اذكر المشكلة اللي حصلتلي في محطة سالزبورغ :

يوم وصلنا الى سالزبورغ كان لابد اننا نغيير القطار وبسب تأخرنا في النزول وعدم معرفة المحطة وكان الموضوع فيه نزله ورقيه بالمصعد تأخرنا على القطار الثاني وراح علينا ...

تنبيه مهمممممم : اذا حجزتوا تأكدو ان الوقت بين وصول القطار وتحرك الثاني يكون طويل عشان يمديكم ..

في سالزبورغ اول ماتوصل تلقى المصعد امامك اذا نزلت راح تكون في الصالة الرئيسية تلقى اللوحة الزرقاء دور اسم ZELL AM SEE وتلقى مكتوب جنبها رقم المسار انطلق بسرعة حسب اللوحات الارشادية اللي مكتوب فيها أرقام المسارات .. واذا ماعرفت اسأل الانفرميشن وهم يدلونك ...

انا يوم تأخرت على القطار أظطريت اني اخذ قطار ثاني يطلع على محطة وبعدين غيرت القطار وطلعت على زيلامسي



وهذي صور للمحطة زيلامسي











(( اللي معاه شناط خفيفة وتنسحب بإمكانه يروح للفندق مشي لان المحطة قريبة من الفنادق والسيتي سنتر ))






** فندق سي فيلا **


كانت تكلفة التاكسي لفندق سي فيلا 5 يورو وهذي صورة الفندق اول ماوصلنا






ودخلنا عالرسبشن وسوينا التشيك ان وكان سعر الغرفة 980 ريال واستقبالهم رائع


وبعدين طلعنا على غرفتنا في الدور الثاني






وكان رقم غرفتنا






ودخلنا الغرفة






وكان فيها دورتين مياه ( أعزكم الله ) وحدة للمرحاض ووحدة للمغسلة والمروش ( أعتذر لعدم وضوح الصورة )






وهذي صور للغرفة










(( الغرفة مافيها سيفتي بوكس ولا مكيف ولا طاولة كوي ولا مكواة بحكم ان الفندق 4 نجوم ، وفي سيفتي بوكس عند الرسيبشن))





ويوم طلعت للبلكونة ابي أشوف المنظر سمعت واحد يسلم علي والتفت لقيته جاري ديفيد اللي قلتلكم عنه






وبعد ماسولفت معه شوي قعدت أتأمل في المنظر اللي قدامي وما صدقت اللي اشوفه شي شي شي خياااااااال ...

منظر عجيييييب ... يالله الفردوس يارب العالمين ... وهذي صور من البلكونة ....






















(( أبغى اوريكم صورة توضيحيه قبل ما أوريكم صور الحديقة لتحدد السي هوتيل القديم والسي فيلا الجديد ))








وهذي صور من الحديقة














وهنا غرفتنا اللي في الدور الثاني في الوسط






















وهذي صورة لي مع احدى البطات المتسكعات في الحديقة










وهذي صور للمطعم وللافطار






















[glint](( اذا كتب الله لي زيارة اخرى لزيلامسي لن أتعدى فندق سي فيلا ))[/glint]









وبعد ماريحنا شوي رحنا نتمشى ...



(((( وراح اوصف لكم الطريق من السي فيلا الى القراند وشارع المشاة والسيتي سنتر بالصور ))))







اول ما تطلع من الفندق تروح يسار مع هذا الشارع الصغير






هذا الشارع بين البحيرة وبين سكة القطار ويمتد حتى محطة القطار في آخر زيلامسي ... اذا مشيت مع هذا الشارع وطلعت الطلعة الخفيفة اللي واضحه في آخر الصورة اللي فوق راح يجيك هذا المسبح على يسارك






وبعد المسبح يجيك مطعم اسمه









بعدين تمشي شوي تجيك عاليسار حديقة أطفال فيه مراجيح وكلها أشجار كبيرة










بعدها يجيك فندق القراند على يسارك










اذا أعطيت ظهرك لمدخل القراند يكون قدامك شارع المشاه اللي يوصل للسنتر وعليه القهاوي والمطاعم

(((( لاحظوا فندق القراند في آخر الصورة ))))







في الصورة اللي فوق وانت واقف تناظر القراند إلتفت على يمينك وراح تشوف هذا الشارع


8
8
8
8
لاحظو سوبرماركت بيللا باللون الأصفر عاليمين في اخر الصورة اللي فوق


اذا خليتو بييلا على يمينكم ولفيتو بعدها يمين تجيكم ساحة فيها فندق نيو بوست







واذا خليتو بيللا على يمينكم ورحتو قدام يجيكم هذا الشارع اللي كله محلات وقهاوي..














ونهاية الشارع تجيكم محطة القطار عاليسار ... ومقابلها مطعم شاورما حلو وهذي الصورة....


(( اعتذر عن عدم وضوح الصورة ))











وموقع محطة الباصات اذا خليتو فندق نيو بوست على يساركم بيجيكم تقاطع تعدوه تجيكم المحطة عاليمين





وهذا شباك التذاكر حق الباصات




8
8
8
8
تشوفون الاوراق اللي معلقة تحت بعض على شباك التذاكر هي نفسها المطويات اللي صورتها فوق في اول التقرير اللي فيها مواعيد انطلاق الباصات ...


ومكتب الانفرميشن مع نفس التقاطع اللي بعد النيو بوست بس تروح يسار يجيك عاليسار ..








**** مطعم علي بابا ****













هذا المطعم لي معه ذكريات جميلة ماراح انساها طول عمري وهذي الذكريات كانت مع صديقي وحبيبي ابو هاشم












هذا الرجل النبيل والكريم والخلوق بمعنى الكلمة نشأت بيني وبينه صداقة مدتها 4 ايام فقط

وذلك من خلال معرفتي لقصته وسبب مجيئه الى زيلامسي والتي لا استطيع ان اذكرها لعدم أخذ الأذن منه ..
وهو المسئول عن قسم المأكولات في المطعم ويقدم جميع الأكلات العربية من مشويات ومقبلات وحلويات وجميع انواع الارز واللحم وايضا يقدم الافطار مثل الفول والشكشوكة واللبنة وجميع انواع الجبن والزيتون وهو الذي يطبخ بيده وأكله لذيييييذ ... وأسعارة معقولة بالنسبة للأسعار في النمسا صراحة انا اول يوم افطرت في الفندق والباقي عند ابو هاشم

ويوم من الايام وانا رايح العصر اتمشى مع زوجتي مريت وسلمت على ابو هاشم و قالي لاتتعشى اليوم يابوعبدالاله انا راح اسوي غوزي لحم وابيك تجربة .. قلت اوكي يابوهاشم بس اذا ما صار تمام ماراح أحاسب .. قال : اوكي..



ويوم جينا في الليل قدم لنا هذا الصحن












انا وزوجتي كنا جوعانين ويوم شفنا الصحن بهالشكل ما انتظرنا على طول سمينا وطبينا في النعمة



وبعد 10 دقايق شوفو وش صار للصحن





7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7














صراحه اكلة لذييييييييييييييذة ...






اخواني لا أوصيكم رحوا لأبو هاشم وكلوا عنده وراح تنسو فطور الفندق والمطاعم واشربو شاهي اخضر وادعولي...



-----------------------------------------------------------------------------------------------------------




والحمدلله على توفيقه واحسانه





انتظروني في الجزء الثاني من تقرير زيلامسي المدعم بالصور الخيالييييييييييية والفاتنة


واللي راح يشمل على



[glint]رحلة شلالات الكريميل


رحلة الزحليقة الصيفية


القارب الكهربائي


واجمل حاجة في زيلامسي رحلة الطائرة فوق زيلامسي [/glint]



وراح أذكر السبب اللي حرمني من رحلة مرتفاعات كابرون ( والحمدلله على كل حال )



وهذي الصورة الجايّه تصبيرة لين الجزء الثاني




وهي أحلى صورة التقطتها في حياتي ..






[glint]اهديها لأعضاء منتدى سدير الغالي[/glint]



















اخيرا وليس آخراً اتمنى ان يكون التقرير قد حاز على رضاكم وسامحوني على التقصير



وانا جاهز للاسئلة

محبكم



ابو عبدالاله [/align]