** أصابع الكنافة بالجبنة من يدين عشوقة **

[иσᴚч ♥~]

السلام عليكم ورحمة الله وبركاته

مبارك عليكم الشهر جميعاً

وصبحكم ربي بالخير يارب



حبيت أنزلكم هالحلا لأنة يناسب رمضان

وطعمة يجننننننننن

وطريقتة مرة سهله

وتقدرين تسوين كمية كبيرة منه وتفرزلينة


المقـــــــــــادير :

كيلو كنافة الي تباع بالكيلو عند محلات الحلويات



جبن كيري



شوية زبدة


* لتحلـــــيه :

شيرة (( قطر ))


* الطريقــــــة :

تاخذين كمية تكفي ل 4 حبات بس والباقي تخلينه بالكيس عشان ماتنشف عجينة الكنافة وتتكسر

وتقصينها مقدار طول10 سم تقريباً مثل هالشكل



بعدين تاخذين منه شوي وتدهنينها بشوية زبدة عشان تلينها شوية بس



بعدين تحطين باأطرفها قطعة جبن كيري



بعدين تلفينها وانتي تشدينها شوي يعني مو مره مشدودة ولا مرتخية لا وسط



بعدين تصفينها بعلبة



ومن محاسنها تقدرين تسوين كمية كبيرة منها وتفرزلينها هذولي العلب مطلعتها انا من الفريزر



وقبل ماتدخلينها للفرن تطلعينها من الفريزر بـــ نصف ساعه بس بعدين صفيهن بصينية فرن



بعدين دخليهن لفرن درجة حراتة 180 درجة مئوية لمدة تقريباً نصف ساعة

وإذا تشقروا من تحت شقرينهم من فوق

بعدين أول ماتطلعينهم أسقيهم بالشيرة مباشرة وهم حارات عشان تتشربها



وتصفينهم على الشكل الي تبين

واعتذر عن البساطة بالتقديم

لأني أنا الي مسوية الحلا بس أختي الحلوة هي الي صافتة

وهذا شكله النهائي



وبالعافية على قلوبكم

اختكم : عشوقة (: