دقيت بـاب الحـزن شايـل اللـوم والعتب بيدينـي للأحـزان هديـه
رد على صوتـي صـوت مكتـوم يا من تدق بابـي اصبـر شويـه
قلت مليت الصبـر وكثـر الهمـوم اللـي بصـدري أكـبـر بــــــلـيـه
جيت أترجـاك وأحـب الخشـوم أبعد عن حياتـي مـا عـاد فيـــه
عاشرتنـي سنيـن ماهـو بيـوم يكفيني ماجاني مـن سواتـك بيـه
تكفى لا ترد واحد من الفرحةمحروم يدور عن شتـات أحـلام ورديــــة
ما تشوف الجفن عيا يجيـه النـوم من كثر سود الليالي اللي مرن بيـه
وماتشوف الدمع ساكن بعيوني دوم هذا وأنا داري السعادة ماهي ابديـه
الله يفرج هم كـل مهمـوم مغمـوم وهو أعلم باللـي بالصـدر والنيـه
يعطي الانسـان رزقـه المقسـوم واجـب عليـه يشكـر العطــــــــــيـة
آه ياحزني أشكيلك ولاأبكي وألـوم الحــــزن نفسـه شـفـق علـيــــــــه