¨° بوح القوافي °¨ خاص بشعراء المنتدى النبطي والفصيح (يمنع المنقول) . |
|
أدوات الموضوع | انواع عرض الموضوع |
31-07-2009, 05:22 AM | #1 | |||||||||
شــــاعـــرة
|
( ديرة سعود ) لليتيمه "دانه"
صباحكم ورد يالغالين هذي كتبتها وأنا خارج المملكه كان الجو ممطر ورايق وتذكرت ديرتي وأهلي (ديرة سعود ) *جعل السحاب اللي وسم بارقه سود ........ يسقي ديار"ن"نورعيني سكنها *تمطر ديارالعز ويذعـذع النـود ...........يروي عواليها ويسقي طمنها *تربع ديارالمملكه ديرة سعود ..........تصبح خضار ويبعد الشرعنها *ويارب ياللي تاهب الخير وتجود ......... تجعل بساط الخيرقمـة حسنها *يالله وأنصرها على كل حاسود .........حقــق أمانيها وباعــد فتننــها *ويارب تعطيها من الخير وتزود .........يارب يالمعبــود تمــم أمنـها *من رادها بالشرعساه مايعود ........عساها تحت أقدامها عن وهنها *عساه مايذكرمع الناس موجود .......ياعل عينــه للعمى لاشحنــها *عدوها عساه يموت ملهود .......... وصديقــها عساه يعزف لحنها *يعلها من خيرفي خير"ن"يزود ..........خيل ويسلم من تقضب رسنها *أهل السعوديه تراهم هل الجود ..........ناس على أمرالرب تامر وتنها *حكامها مع درب شايبهم العود ..........اللي عطاهم عهــدها وأتمنـــها *ساروا على نهجه عقب حطوا حدود .........شرع"ن"على السنه ولايحاد عنها *البادي الله وحكم منهاجه عهود ........ومن خالف السنه حياته طعنــها *دستورنا القرآن والحق منشود ............مليكنـــا للـــدار نفســه رهنــها *تكاتفوا بالعز شباب وجدود ...........وبرايــة التوحيــد لفــوا بدنـــها *يدا بيد حبلا على النصر ممدود ........ الـنفس دون الدار نرخص ثمنــها *والله على ماقلته وخلقه شهود ....... الشمس ماأحد"ن"بأختياره دفنها *أنشهد أن معادي الحق مقرود ...........ياللي تعــادي ديرتي كف عنها *أرض الحرم أرض الكرم تصعد سنود .............أرض الكرامه عز منهو قطنها *من دونها نصخي بالأرواح ونجود ...........الروح دون الدار نشري كفنـها *ولاتلوموني الا أغليتها بزود ............ مهوب عيب البنت تمدح وطنـها *عسى السحاب اللي به الخير ماجود ..........يسقي ديااااار العز واللي سكنـها وسلامتكم اليتيمه
"دانة القصيد" |
|||||||||
مواقع النشر (المفضلة) |
|
|