¨° الـديـرة °¨ أخبار مدن سدير - تغطيات - نقد هادف ... |
|
أدوات الموضوع | انواع عرض الموضوع |
26-08-2002, 10:40 PM | #1 |
عضو نشيط جداً
|
أدب الرحلات .....مع العربجي !!!!!!!
انطلقنا من الرياض متجهين شمالا ً قاطعين طريق الملك فهد الذي لا تكون الزحمة فيه جميلة |
26-08-2002, 11:55 PM | #2 |
عضو جديد
|
اخوي العربجي
على كل حال لو كنت أعرف أسدير ردات عليك ولكن حضك قوي عللا كل حال لك مني أحلا تحية ودوماعلى الخير نلتقي |
27-08-2002, 12:28 AM | #3 |
عضو فعال
|
ويوم وصلنل لعشيرة قلت للشباب لازم تقلطون عندنا في المجمعة وتوجهنا لديرتي حبيبتي المجمعة وعلى قولة العربجي كود تدق لطمة عشان ماحد يعرفك ويلزم عليك ,ودخلنا احد المساجد عشان نبي نصلي فيهاومن سوء الحظ ذاك المسجد مافيه دورات مياه وقلت للشباب الله يخلي لنا البرحة اللي جنب المسجد نقضي بها اللازم وتوضينا وتوجهنا للمسجد وحنا طبعا داقين لطم ويوم شافنا الشايب (المذن) وحنا كذا (اغلب ماذنة المجمعة شياب رجل في الدنيا ورجل في القبر) قال ياعييلي سلامات عساما شر مروحين00000000وانا مادري جيت ابصرفها انا وجيت اكحلها وعميتها قلت ياعم لا ابد الشباب مزكومين ويخافون يعدونك قال مهوب مشكلة (والله اللي حجرنا) نطفي المكيفات ةفكوا لطمكم ويوم قال كذا اشرت للشباب (الهجة) وهجينا وماتشوف واحدنا الاغبرته وراه ونعاله تحت ابطه ونهج ونركب السيارة وصلينا في والله مادري نسيت (من عوامل التعرية)وقلت للشباب مالنا الامزرعتنا نبي نزبن فيها لاينشبن لنا احد ونروح للمزرعة ولافيه واحد من الجماعة قال ابصيد لكم ونتغدى جميع قلنا خلاص والله الوهقة وراح وصاد الرجال وهومعروف بالبخل عند الجماعةويوم جاء ويقرب ويطبخ وكل ماقالنا شي هزينا روسنا تقل هنود(ايه) ويوم خلصت الطبخة الله لايعيدها منطبخة وكان حصة الواحد منا ثلث دخلة (مع الكرم) واحترينا متى نقضي من الغداء قصدي المجاعة وشكرنا الرجال على المجاعة ومشينا وانا اقول للشباب معليش استروا ماواجهكم(الله يفشله هالدبشة) الله لايعيدها من جية في المزرعة:: |
27-08-2002, 01:19 AM | #4 |
مشرف سابق
|
ونفر الموتر متجهين للروضة عشان يقالكم نستجم تحت شلالات نيقارا المهم صلنا والشلال يدهر قلنا نجلس ساعتين نهضم هالطبخة وتسدحنا في الثيل ولا درينا الا ويجون شباب عليهم بناطيل ينفخون علينا وياهوشون فينا انا ما قهرني الا واحد لابس تكميله بنطلون برتقالي وفنيله كم طويل وحنا في القيض وسره طالع من زين الطبايع واخوايي فقو خششهم وطارت بوهتهم ( افا امحق شنبات ) !! وجى يسحب كرشته ويقول(انتئم ايه اللي مئعدكم يالله فزو اوومو دا المكان بتاعنا ) وجى الثاني وينافخ ( ايش فيه هازا فيه مكان انا ورفيق بس ) وجى الثالث ( يا زول اختشي على دمك وقوم ) المهم طلعوا لوحات احتجاج ويهتفون ويقولون المتنزهات في سدير عيب يجيها اهل سدير بس من حق المقيمين , ايوالله ونتذكر انه عيب وندق اللطم مره ثانية لاحد يشوفنا من اهل الديرة واللي عض ثوبه وركب السيارة واللي في التنده من الروعة ودحيم عشق الموتر بالاول ويمشي مليون ...................... |
27-08-2002, 11:24 AM | #5 |
عضو نشيط جداً
|
نشكر المشرف المميز على تثبيت الموضوع ............. |
27-08-2002, 02:51 PM | #6 |
مشرف سابق
|
ألين وصلنا مزرعتهم وجلسنا فيها المغرب |
27-08-2002, 03:11 PM | #7 | ||||||||
عضو سوبر
|
. |
||||||||
27-08-2002, 09:34 PM | #8 |
عضو نشيط جداً
|
شكر من اعماق القلب لكل الأعضاء اللي شاركوا ............. |
09-09-2002, 05:05 AM | #9 | ||||||||
عضو سوبر
|
. |
||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|