الله عليك يــا سديــر

[كـل ـآلغلـآ]

[frame="1 70"]

السلام عليكم ورحمة الله وبركاته . .
أخواني اخواتي أسعد الله أوقاتكم

لارحت انا لـ سدير يرتاح بالي
................ اشوف تقديري من اللي أوده

الله عليك يـا سدير اول و تالي
................ شف من يودك بيح اليوم سده

أقضي انا وقتي و الوقت غالي
................ من أجل من اغليه محدٍ بقده

يـا زين طاري سدير حلم الليالي
................ لي ذكرياتٍ فيه من عهد جده

طفولتي و ايام حلو(ن) عسالي
................ يـازين زمان أول ليت من يرده

إلا ذكرت اول دموعي همالي
................ تسيل دموع العين من فوق خده

يـا حظ منهو فيه داله و سالي
................ عايش على ذكراه ماعنه صده

انا اشهد ان سدير منبع رجالي
................ من بين خلق الله مافيه قده

ارثي انا وقتي و ارثي لحالي
................ من القهر و الغبن واصلٍ حده

لا شفت انا اهل سدير يرتاح بالي
................ يا بعد منهو بيح اليوم سده

ساس الكرم و الجود اهل الطوالي
................ فيهم كرم حاتم لـ الضيف بده

قولت هلا و اهلين مرحب توالي
................ انا اشهد انه لـ البخل صار ضده

يا عـزتـال القلب ياهمـلالي
................ من ها الزمان اللي يكفيه شده

الله يكفينا شر غدر الليالي
................ من يقسي بـ قلبه و يطعن بيده

هذا اسلوب الغدر اول و تالي
................ من مـا يخاف الله محد(ن) يرده

ناس على حسابك تسكن بعـالي
................ و ناس تعفف ما وراها مكدّه

تسأل عفو ربي والعقل خالي
................ مـا تضمر الا الحب جزيل مدّه

ترا الزمن غدار يغدر بحالي
................ و الكل يشوف الخير يتليه ضده

يزول عني الهم و ألوم حالي
................ و أعد لـ المشوار مليون عده

ودي يطيب الوقت لاجاء مجالي
................ و اروح يم سدير و ماعاد اهده

و اشوف اغلى الناس اللي ببالي
................ و اشاهده مرتاح من ضي خده

يالله يا والي توفق عيالي
................ و اشوف زمان يسعد القلب مده

من بعد ما راقت و زانت ليالي
................ و الهم زايل و التعب كان هده

يالله يـا معبود ترفق بحالي
................ حال اللذي يرجيك ما ذاع سده

مع تحيـات . . كل الغلـآ

[/frame]