بـــاء تـــاء خــــاء>>يا خراشي شوشة تدرس الأعضاء عنقليزي!(يقطع الدجه بها المدرسة )

[شوشة منفوشة]

بـــااااء تـــااااء خــــااااء>>يا خرااشي شوشة تدرس الأعضاء عنقليزي!

(يقطع الدجه بها المدرسة )

السووولام عليكوووم ..<< ردوا السلام بارك الله فيكم

بها المناسبة السعيدة مناسبة أني أبدرسكم عنقليزي ... سنفتتح مدرسة

وعنونها : يقطع الدجه .. بها المدرسة !!

وأحب أقوول لكم انه يوجد وظائف في المدرسة

الوظيفة الأولى : فراشة مدرسة ..

الوظيفة الثانية : قهوجي

الوظيفة الثالثة : طقاقات مع ددسن

عشان تسذا أبدرسكم عنقليزي بس عاد الله الله با النتايج السنعه

لا تفشلونا عند المشرفين ألحين يقولون

شوشة مرسبة الطلبة اللي عندها !!

ترى والله يحولونكم تدرسون ليلي ..

وتصير أساميكم في الصفحة الأولى في الجريدة كا العادة لم ينجح أحد !!

ومن جد وجد ومن زرع مدري وشسمه ؟؟

فا اللي يبي يدرس ،، الله يحييه يجيب كراسه وألوانه الخشبيه ووسندويشته

[align=center]<< لا تنسون فسحكم ترى ما عندنا حركات سلفوني[/align]

وابي أقول لكم انتبهوا تراني أطق بالعصا<< من البداية أخوف

وتراني (هيبه ) والنعال قبلهن في رجليني ..يعني افهموها النعله توسم في ظهرك

وأن ما نفع معكم الطق ،،ماينفع معكم إلا التهديد

والترويع بها الشوشة << الله يدومها عز

المهم

درسنا اليوووم عن ((الخلاقين)) العنقليزية !!

مثلا ..

تخيلوا أن واحد أسمه جورج قال لأمه يمه يمه وين بجامتي ؟؟

قالت شفها فيذاااااااااك ..

قال : يمه وين ما أشوفها ؟؟

قالت : جعلها تقطع على ظهرك شفها ..<< أمه ما عندها تفاهم

إذا معنا بجامه >>> ((paiamas))

. . . . . . . .

يوم نام جورج جاء الصبح و أستيقظ على مصارخ ديكهم مطلق !!

كوووووووووو ككوكووووووووو

المهم

دق عليه صديقه مبارك :

قال : هلا هلا جورج ماودك نروح للبحر نسبح ؟؟

قال : إلا والله فكرتن حلوه مشينا ..

يوم جاء يطلع تذكر صروال السباحه ما خذه ويرجع لأمه قال يمه وينه ؟؟

قالت : خذ هذا هو ..

((Swimsuits))

. . . . . . . . . .

أخته سعاد كانت مفصله ( فستان ) العيد عند الخياط ..

راحت الأوم تبي تجبه قالت وين Dress ؟؟

حق بنتي ؟؟[align=center][/align]

قال هااااااتس هذا هو خلص ..

. . . . . . . . .

رجعت أمهم من الخياط ونطلت عباتها ودخلت للمطبخ ثمين راحت تطبخ

أمممم ملوخيه و رز مصري << ما يتعاملون إلا مع صعايده

المهم وهي تطبخ وتحرك المقدور صرررخت وااااااااااااااااااااااااااع

وااااااااااااع

ساااااااااااااعدوني النجداااااااااااهـ

جاء وليدها سعد قال يمه وش فيتس تصارخين ؟؟ ترى الجيران متصلين

يقولون وش في أمكم تصارخ ؟؟سكتوها !!

قالت شف ((((فـــــــــار)))

قال : وينه ؟؟

قالت : تو ((مـــــر)) من هنا !!

إذا يا جماعه الخير ركبوا الكلمتين ((فار)) + ((مر))

تصير ((فارمر))

7

7

معناها : مزارع >>>> farmer

. . . .

طيب خذوا هالكلمة بس هاه عاد شغلوا ها الدمجه

بعد شوووي،،،طق باب بيتهم طق طق ..درررررررررن دررررررررن

راح يركض سعد يبي يفتح قال ((مين )) ((مين)) عند الباب ؟؟

قال : أنا ولد جيرانكم ((ميكي )) جايب لكم حافظة جريش !!

فتح سعد الباب وخذ الحافظة ثمين فتش الحافظة وقام وشات ولد جيرانهم !!!

قال له : كم مره قايلكم لا تحطون بصل على الجريش !!<< طرار ويتشرط !

إذا //

((مين )) تعني << mean مين= معنى = او قصد = كأنك تسأل وش معنى كلامك او وش قصدك

مثال: تسأل واحد وش قصدك ؟ what do you mean = وات دو يو مين

>>>>> بصراحة قعدت أفرفش وانا انطق هالحتسوة

:: الواجب ::

- اختاروا الإجابة الصحيحة >> لكن بدون غش لا أشقق الورقه

- يوم فتح سعد الحافظة وش اللي فيها ؟؟

( مكرونه – ربيان – مرقوق – جريش – فاضية )

- عددوا بـــ (( الإنجليزي)) ثلاث ملابس صيفية أو شتوية ؟؟ بس بشرط

غير اللي ذكرت لكم ..

واللي ما عنده ثلاثة يقولي احط الصفر ويريحني ..

وألحين ،، يـــــا لله أطلعوا صفرت ..درررررررن

هيه هيه أمطرت أمطرت والموديره فحطت !!!

يـــــا الله عاد ألي عنده سؤال عن الدرس شيء مهب مفهوم يسأل

بس عاد نادوني أبلا شوشة

و اللي يبي يشارك يرفع أصبعه لأقطعه له ألحين !!

بقلم الأبله / شوشة

جميع الحقوق محفوظة لــ شوشة منفوشة