( حــــدب الأضــــــــــــــــلاع ) ..للدانه,,,

[دانة القصيد]

مســــــــــاكم الله بالخير يالغالين..

٠( حدب الأضلاع )٠

[poem=font="Arial,7,purple,bold,italic" bkcolor="deeppink" bkimage="http://www.sudeer.com/vb/mwaextraedit2/backgrounds/7.gif" border="solid,1,deeppink" type=1 line=1 align=center use=sp num="0,black""]
يا مل قلبٍ حابساته ضلوعه=يبا المطير وحدب الأضلاع صلاب


يكفخ كفيخ وكن ضاربه روعه=كفخة كسير الطير لا صار منصاب


يكفخ ودقاته تسابق دموعه=لا لد له صاحب ولا لدوا أحباب


يكفخ كما ذيبٍ قنب حر جوعه=يحبل على صيد الفريسه ولا صاب


الجوع طاغي والفيافي منوعه=ولا طاب له نوم مع الجوع والناب


ولا كما رجلٍ جلى عن ربوعه=حده شقى وقته على دار الأغراب


عاف المنام وعاف لذة هجوعه=ولهٍ على شوفة ربوعه والأحباب


عزآآآه يا ضيمٍ أخذته قطوعه=ضيمٍ يطعن فالحشى كنه حراب


أجاوب الورقى وألحن سجوعه=سبة حبيبٍ صار للقلب نهاب


اللي جرح قلبي وشانت طبوعه=جرح تجدد به من العام ما طاب


عجزت أميز فالمخاليق نوعه=يشوفني مجروح ويزيد ما تاب


من لامني يعل بقعى تصوعه=عسا بدرب الحب ترميه الأسباب


أبكي ونفسي من فراقه جزوعه=أبكي ودمع العين بالحزن صباب


على الذي مدد بقلبي فروعه=طوق بها حدب المحاني ولا هاب


هذا وصده ما تعدى سبوعه=الدمع حر العين وألهب بالأهداب


كيف الشهر لو تم وأقبل طلوعه=وأنا على المحبوب شفق وطلاب


علمٍ أثني به وياصل سموعه=يلحق على قلبٍ به الموت قضاب


يلحق على قلبٍ تصده ضلوعه=يبي المطير وحدب الأضلاع صلاب

[/poem]

وسلامتكم
دانة القصيد