بسم الله الرحمن الرحيم
احبتي في هذا المنتدى .............................. بعد التحية
الشاعر عبد الله العليوي رحمة الله رحمة واسعة شاعر خاطب الكلمة من أجل الكلمة 0 تسمع أو تقرأ قصائده فتعرف أنه لايقول شعرا ً فقط بل يقول ويمزجها بالروعة فيعزف على اوتار القلوب 0
لا يتصنع الشعر ليبني لنا قصيدة بل يعطينا القصيدة بشكلها وطبيعتها
شاعر كتب القصيدة من معاناة وبذلك ابدع 0
ولعلي هنا اعطيكم مقتطفات من قصائد لذلك الشاعر 0
يقول الشاعر 0
تذكرتك وقلبي مسرف الخطوة يبي فرقاك 00 وفي نفسي بقايا من جروح العام مدفونه
تذكرتك وفي عيني مواري حزن من ذكراك 00 تلفت يمك الخافق وجاك اخطاه مجنونه
وجيتك ثاير العبرة احبك من يقول انساك 00 غيابك نار من يقوى يشيل النار بعيونــــه
هلا باا يامك السوداء هلا بالحزن في دنياك 00 رضى قلبي بتعذيبك ابد مايطلب العونه
..................................
ويقول ايضا 0
قالوا سعيد بالهوى قلت بالحيل 00 سعادت يمايندرى وش وراها
دربي صعيب وتحسبونه تساهيل 00 محد ٍ شكى من جمرة ماوطاها
كل ٍ مريح ياعرب تــــالي الــــليل 00 وأنا بحال ٍ يـــعــــلم الله شقاها
...................................
ويقوا ايضا 0
ليتك تعيش بواقع الحب لو يوم 00 والا ّ تشوف لوضعنا ذا نهايه
بالحب أنا ياغاية النفس مظلوم 00 محتاج يالغالي لعطف ورعايه
لي السهر ولعاذلي لذة الــــنوم 00 من شان حبك ماسهرنا هوايه
ماصابني من نظرة العين مقسوم 00 اسير حبك لاتحطم رجايـــــه
.....................................
ويقوا ايضا ً
ياللي نسيت الحب مثلك نسيناه 00 جرحي يهون ولا مذلة خضوعي
قصرك بقلبي طاح وانهد مبناه 00 لاتنتظر مني لحــــبك رجـــــوعي
من عافنا ننسى غرامه وذكراه 00 لا وحسايف في غيابك دموعـــي
....................................
ويقول ايضا ً
شفتك مع اللي صار عقبي حبيبك 00 واحتارت الدمعة بعيني وصديت
مدري هي الصدفة لدربي تجيبك 00 مدري أنا اللي في دروبك تحريت
ملكتني واقفيت ربي حـــســــيبك 00 ماتعرف الــــــرحمة بقلب توليت
.......................................
ولعلي هنا اتوقف واعدكم بمواصلة روائع هذا الشاعر فنتظرونا 0