الذهـــــــــــــــــــب,,,,,,,

[خفوق إنسانة]

الذهب
يا كثر ما رافقت خلان واحباب
ويا كثر ما في شدتي هملوني
على كثر ما أعدهم ستر وحجاب
على كثر ما احتجتهم واتركوني
من صارت الخوه ثمن حفنة تراب
نفس الوجيه اللي نصوني... نسوني
من غير ذكر فروق، وعروق، وأنساب
كانوا ثلاثة ...والثلاثة جفوني
علمتهم وشلون الأهداف تنصاب
ولما سواعدهم قوت... صوبوني
عشاني أصغرهم عمر صاروا أحزاب
عشاني اصدقهم قصيد اظلموني
اللي نجاح اسمي زرع فيهم أنياب
حتى النصيحة ما بغوا ينصحوني
دام العطايا عندهم دين وأتعاب
والله لو أطلب ذنبهم ما عطوني
طالب نصيحة، كني طالب أرقاب
وهي نصيحة؟!كيف لو زوجوني؟
كنت أكتب لنفسي مشاريه وعتاب
ولا ادري إن اللي قروني... قروني
تضاربت من دوني عقول وألباب
واجد بغوا غيري... وواجد بغوني
أقفل هدب... تسهر على شعري أهداب
كني حبست إرقادهم في جفوني
لو شفتهم واحد... يشوفوني اسراب
من وين مالدوا نظرهم لقوني
أثري وجودي بينهم محرق أعصاب
ومزعل بعضهم من بعض لو طروني
يا كبري بعيني وأنا توني شاب
واهم كتاب الشعر حاربوني
حتى ولو يهوي على نجمي شهاب
يكفيني إن إسمي كبير بعيوني
كد قال ابوي: ان هبتهم قول: ما هاب
لو يقدرونك قول: ما تقدروني
مادام قبري محتضن راس مرقاب
على كثر ما تقدرون ادفنوني
لو ماني بذيب إنهشت عظمي ذياب
لو ما عرفت اثبت وجودي لغوني
لو ما سكنت وجيههم مت بغياب
لو ما قدرت أمحي ورقهم محوني
أصبحت الأصعب لأنهم كانوا اصعاب
جننتهم مثل ما جننوني
ماجيت أبدبل كبدهم شعر وخطاب
لين أدبلوا كبد الذي خلفوني
يا ويل وجهي كن للدمع مخلاب
ما جف ماه ولا استحى من طعوني
كل ما طرالي منظرمريب وأرتاب
كان الوحيد اللي يحرك شجوني
قبلة صلاة،وذكر، وخشوع، وكتاب
وأمي على سجادة النور دوني
تدعي لي الله يفتح بوجهي أبواب
تتوسله بالشده يكون عوني
من كثر ما خفاقها بالدعاء ذاب
صارت تحس إن زملاي اكرهوني
بشرتها: يمه معي ربع وأصحاب
ماني لحالي واجد اللي يبوني
من يوم ما حاز قلمي كل الالقاب
قلطتهم في دفتري واحفظوني
الله وهبنيهم بني عم وأجناب
من يوم جيت اعجبتهم واعجبوني
واعجابهم فيني ما هو بأيه اعجاب
باسلوبي، بشرحي، بطرحي، بلوني
لوقلت عن نفسي( بشر)..صرت كذاب
لو قلت : ( دمي من ذهب) صدقوني
لو بكيفهم كان ازرعوا دربي أعشاب
لوبيدهم يتشبهون اشبهوني
من كثر ما صاروا من طبوعي اقراب
حتى بلبسة شمغهم قلدوني
واجد دعوني واغلقوا دوني الباب
واكثار ناس أبكي لهم ما بكوني
لوطالوا لهدمي مناسيب وأطناب
كان وغلاتك من زمان اهدموني
مدام حطوا فيني عيوب وسباب
جنبت عنهم مثل ماجنبوني
أصلا لو أن بخوتي شي ينعاب
ذبحت نفسي قبل لايذبحوني
أنا يدي لو ماكست متني ثياب
نذر ٍ على لقطع يدي من متوني
موعيب أجي مدعو ولا أشوف ترحاب
العيب لو إني رجعت إن دعوني
مادمت اجي ولا يحسبون لى حساب
حرمت اروح اذا يبوني يجوني

الشـــــــــــــــــــاعر/حامد زيد

[ابن العطار]

المشاركة الأصلية كتبت بواسطة دانة المجمعه   الذهب من كثر ما صاروا من طبوعي اقراب حتى بلبسة شمغهم قلدوني الشـــــــــــــــــــاعر/حامد زيد

اعجبني كثيرا هذا البيت
مبدع حامد زيد كما عهدناه
الله يعطيك العافيه اختي دانة المجمعه

[عرق الأجواد]

جميل ..وخاصه من حامد زيد..

احس انه ينطبق علي...


واعجابهم فيني ما هو بأيه اعجاب
باسلوبي، بشرحي، بطرحي، بلوني

[الوافيـ]

اختيار موفق اختي ....وخاصه على جلب الشاعر الكبير حامد زيد...وقصيدة الذهب من القصايد الي ...الي حازة على جمهره كبيره ..وحتى الان سمعها من حامد زيد او قرائته تبلل الروح...والله القيده كلها جميله ..ومنها

من صارت الخوه ثمن حفنة تراب
نفس الوجيه اللي نصوني... نسوني
من غير ذكر فروق، وعروق، وأنساب
كانوا ثلاثة ...والثلاثة جفوني

[خفوق إنسانة]

المشاركة الأصلية كتبت بواسطة ابن العطار   اعجبني كثيرا هذا البيت مبدع حامد زيد كما عهدناه الله يعطيك العافيه اختي دانة المجمعه

الله يعافيك وتسلم ع المرور

[خفوق إنسانة]

المشاركة الأصلية كتبت بواسطة عرق الأجواد   جميل ..وخاصه من حامد زيد.. احس انه ينطبق علي... واعجابهم فيني ما هو بأيه اعجاب باسلوبي، بشرحي، بطرحي، بلوني

هلابك تسلمين يالغلا ع المرور

[خفوق إنسانة]

المشاركة الأصلية كتبت بواسطة الوافيـ   اختيار موفق اختي ....وخاصه على جلب الشاعر الكبير حامد زيد...وقصيدة الذهب من القصايد الي ...الي حازة على جمهره كبيره ..وحتى الان سمعها من حامد زيد او قرائته تبلل الروح...والله القيده كلها جميله ..ومنها من صارت الخوه ثمن حفنة تراب نفس الوجيه اللي نصوني... نسوني من غير ذكر فروق، وعروق، وأنساب كانوا ثلاثة ...والثلاثة جفوني

تزداد تألق مواضيعي بتواجدك العطر

[معشي الذيب]

تسلمين اختي على المشاركه


وننتظر المزيد من المشاركات


وفقك الله ..

[خفوق إنسانة]

المشاركة الأصلية كتبت بواسطة معشي الذيب   تسلمين اختي على المشاركه وننتظر المزيد من المشاركات وفقك الله ..

تسلم اخوي ع المرور

[ذياب العصيمي]

[align=CENTER][table1="widt95%;"][cell="filter:;"][align=center]
الاخت دانة المجمة الله يعطيك العافيه على النقل قصيدة رائعة
[/align][/cell][/table1][/align]

[خفوق إنسانة]

ويعطيك العافيه ع المرور الطيب

[قلم رصـــاص]

راائعة كروعتكًُ

أختيار موفق ,, أشكرك

[الود طبعي]

السلام عليكم ورحمة الله وبركاته

شكرا على هذه القصيدة والذهب لايقدم إلا الذهب دائما متألقة في طرحك

[الإكليل]

يعطيك العافية دانة المجمعة


تقبلي مروري

[خفوق إنسانة]

شاكرة مرور الجميــــــــــــع