عن اللي بالهواء مملي حشاها

[عبدالله الشويمان-الرعد]

اليكم ايها القراء الاعزاء هذا النص الشعري اتمنى ان يلاقي استحسانكم..
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""] عن اللي بالهواء مملي حشاها=وقل الفود مكسب من هواها
ببين ما جنتها من مساوي=على عشَّاقها واللي رعاها
دمارٍ تشبه الحرب الشنيعه=على اليابس والاخضر جاء بلاها
أذاها بين الاخوه والاحبه=وما بين الشعوب اشقى لضاها
لضاها شب ببلاد الكنانه=وبلد مليون شهيد الهب فضاها
لماذا النار تسعر في اهلها=حطبها من التعصب في حماها
هداك الله يابن العرب قاوم=تخلص من مساويها وشقاها
ترى الكوره خساره ما تربِّح=محاسنها يفسِّدها خطاها
خذ من اللي حصل عبره وتسلم=ترى الفتنه حرام الله نهاها
فلا والله يجنا من التعصب=سوى الفرقا تجي في منتهاها[/poem]
عبدالله الشويمان-الرعد

[ذياب العصيمي]

الشاعر عبدالله الشويمان_ الرعد

صح لسانك مبدع

والرياضه هي لعبه مسليه للتنافس الشريف

وإن صارت كالحرب الشنيعه لابارك الله فيها

[poem=font=",7,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

مادام الشمس حيه في سماها=لا تنظر دونها والا وراها
ترى الدنيا رحاةٍ مستديره=ولا تتعب على الناس ورضاها
رضاهم غايةٍ ما أحدٍ وصلها=لكن أحرص على النفس وتقاها
ولا تحزن على قوم الضلاله=بلادي ماأبي دوله سواها
[/poem]

[القصب]

صح الله لسانك يابن شويمان..

نص جزل وطيب..من حرفه لتمه..!

[عبدالله الشويمان-الرعد]

المشاركة الأصلية كتبت بواسطة ذياب العصيمي   الشاعر عبدالله الشويمان_ الرعد صح لسانك مبدع والرياضه هي لعبه مسليه للتنافس الشريف وإن صارت كالحرب الشنيعه لابارك الله فيها [poem=font=",7,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] مادام الشمس حيه في سماها=لا تنظر دونها والا وراها ترى الدنيا رحاةٍ مستديره=ولا تتعب على الناس ورضاها رضاهم غايةٍ ما أحدٍ وصلها=لكن أحرص على النفس وتقاها ولا تحزن على قوم الضلاله=بلادي ماأبي دوله سواها [/poem]

صح بدنك يا اخ ذياب..وبلا شك الرياضه فيها اتصال وتعارف بين الشعوب.ولها محاسن.زولكن اذا غطت مساوئها على محاسنها فهي مذمومه.

وابياتي انا قلتها بمناسبة ما حصل بين مصر والجزائر والكل يعرف ما حصل...
وهي عبارة عن توصية ونصيحة للجماهير المتعصبه .وامنيتي ان يستفاد من مضمونها.
وهدفها.

اخي العزيز اشكرك على اطلاعك..

دمت بخير وصحه وسلامه

[عبدالله الشويمان-الرعد]

المشاركة الأصلية كتبت بواسطة القصب   صح الله لسانك يابن شويمان.. نص جزل وطيب..من حرفه لتمه..!

صح بدنك عزيزي واشكرك على الاطلاع وما عليك زود يا الغالي

دمت بخير وصحه وسلامه

[قلم رصـــاص]

وعليكم السلام و رحمة الله و بركاته ,,

ماشـاء الله

صح لسانك أخوي عبدالله

على القصيدة الجزله ولاهي غريبه منك ياشاعرنا المتميز

لاتحرمنـا من إبداعك ,, شكراً لك

[راعي الروضة]

أبو بدر


وفيت وكفيت يالغالي
هُنا وضعت لنا درس رائع شعراً وحكمة وإرشاد

لاغرابة أن يأتي هذا النص من شاعر بقامة .. عبدالله الشويمان
فهو من تعلمنا من حروفه أبجديات الشعر

دمت ياعزيزي وداااااااام تميز طرحك الرائع بروعة فكرك

وتقبل مودتي الداااااائمة


أخــــــــــوك

[أبوإبراهيم الشويعر]

[align=center]
عبدالله الشويمان ـ الرعد
نصك يفيض حكمةً وينبض بحسٍّ غيور ...
لله درُّك من شاعرٍ فذٍّ عملاق ...
نصٌّ شامخٌ بشموخ ناظمه .
بارك الله فيك وأسكنك فسيح جناته .
[/align]

[الود طبعي]

السلام عليكم ورحمة الله وبركاته

الله لايهينك على هالقصيدة وصح لسانك قرأنا واستفدنا شكرا اخوي عبدالله

[عبدالله الغانم]

نصٌ شعري رائع يحمل في طياته
درساً تربوياً مفيداً
شكراً أيها الشاعرالنبيل الحكيم
دام قلمك منارة خيروعطاء
تقبل مني وافرالتقدير

[يكفيني شموخي]

يعطيك العافيه