كبسة حمام بالصور .. مكشات يوم الخميس 6-11-1431هـ

[سلطان العضيدان]

الحمد لله حمدا كثيرا طيبا مبارك فيه , الحمد لله كما ينبغي لجلال وجهه وعظيم سلطانه


كبسة حمام بالصور .. مكشات يوم الخميس 6-11-1431هـ


جهزنا اغراض الكشته مساء يوم الخميس 6-11-1431هـ , ومكشاتنا هالمره ( كبسة حمام) مشتهينها الشباب ولهم كم يوم يطرون الحمام
واخذنا العزبة واهم شي الحطب وشبت الضوية , وبدات الطلعه تقريبا على الساعه خمس العصر وتمشينا على راحتنا الين غابت الشمس واظلمت العين
ووقفنا وصلينا المغرب .



وبسم الله نبدأ عرض صور الكشته ..


الوسم شرف و زان وقت المطاليع ... ما باقي الا ما نعده بالاصباع





بعد ما وصلنا المحل ونزلنا الاغراض ولعنا اللمبه





وبعدين ضبطنا البراد










وكالعادة انحشت وخليت العيال يشتغلون ورحت اصور





رجعت للعيال واثرهم مزهبين الشاهي ويتقهوون وجلست ولقطت هالصورة





بورتريه





استبرد الجوّ شوي وشبينا الضوّية





وبعد كذا ولمنا العشاء وطلعنا الحمام






وهذي صورة القدر التساتم ( الكاتم) والبداية حمس البصل






خلصنا الحمسه واضفنا الحمام بالدزدر (بالقدر) ...






وثم بعد ذلك تم اضافة الماء للدزدر( للقدر) ..






همّن (أي : بعد ذلك) .. حطينا الثوم والحبحر والبهارات






سكرنا القدر وخليناه يطبخ على راحته






صورة الضوية ...






وهذي جلسة الشباب






وهذي صورة المجمار






رجعنا لعشانا وهذي صورة للقدر بعد ما شلنا بلف الكاتم ..






فكينا الغطاء وكانت هذه النتيجة






همن <--- ( سبق ترجمتها) ..هذينا ( قطعنا) الخضرة ..






بقت هالطمامه بالصحن ومسكت معي اصورها





صورة الخضرة بعد التقطيع





المشروبات بترمس الثلج





العشاء انتهى وخلص وجهزوه الشباب الله يعطيهم العافية





مرقه يحبها قلبك





بسم الله الرحمن الرحيم ... وهذا العشاء





واخيرا يوم جينا نسري ومشينا طالع لنا أبا الحصين وصورناه

[( بسمة ألم )]

الله طلعة شهوووي ياسلالاااااااااام
يعطيك العافيه على هذه الصور
يسلمووو

[الجنوبي 2000]

تسلم ايمن هه ماقصرت رحلة حلوه وحمام بالعافيه يا الغالي

اعجبتني كمرك ما شاء الله ياليت تعطينا مواصفاتها

لاهنت حبيبي عدسة جميلة من انسان مبدع مثلك

ولكن الحبحر الله يحميكم منه خوف على سلامتكم

لك الود عزيزي الغالي

[فهد المنيع]

ماشاء الله عليكم يا سلطان






الله يهنيكم ..

[إبراهيم ابوغانم]

ماشاء الله تبارك الله


طلعة كاااايفه أخوي ( سلطان )

الله يهنيكم ويوسع صدوركم بالعافية


لاهنت

[دايم]

ياسلام كبسة اممممممممممممممممم

عوافي عليكم

ماتبون خوي الطلعة الجاية والدور علي

تقبلو تحياتي

[سلطان العضيدان]

حياكم الله جميعاً

وشاكر لكم على مروركم الكريم

المشاركة الأصلية كتبت بواسطة   اعجبتني كمرك ما شاء الله ياليت تعطينا مواصفاتها

نيكون دي 80

المشاركة الأصلية كتبت بواسطة   ماتبون خوي الطلعة الجاية والدور علي

نتشرف والله فيك يالغالي
ويا هلا بك

[غلآ الروح]

أعـــوذبآالله .. حتى هينآ ملحقنآ ..!!

هـذآ دآآيم يطلعلنآ في سدير .. السآعه 2 ..3 الفجر ..



أخخخخخخخخخ ..

هآآصوره يآآهي تدووخني .. أعشق البيبسي .. !!

هالطمامه بالصحن ومسكت معي اصورها


هــذي صوره .. رووعه ..

خوقآآقيه هآصوره هع

شسموه دآآ ..

متشنكر أقـــــوى ــــآ شي ..

[قلم رصـــاص]

مآشآء الله

كشتة رهيبة ,, و كبسة خطيرة

بآلعآفية عليكم ,, يعطيك ألف عآفية سلطآن

على الصور .. ننتظر جديدك

[عيون عسليه]

[QUOTE=راعي الغاط;1344688]

بسم الله الرحمن الرحيم ...

ماشاء الله مره طلعه حللللللللللللللوه وتبارك الله تصوير ررايق وجونان
بس الاحظ))×××<<< على هالصوره (مابه ) >>> اوما تعليقي شيء
لاسفره ولا بساط هههههههههههههههي

[مــلاك]

عوآآآفي ع الصور الآكثر من رآئعه

يامال العافيه راعي الغاط مشكور...

مــلاك

[عذب المشاعر]

عوافي

[جساس]

بالعافيه

[سلطان العضيدان]

حياكم الله جميعاً

وسعدت بتواجدكم


وان شاء الله جازت لكم صور الرحله ..