احفظ انوثتها واحفظي رجولته في حالات !

[عقلاني]

يسع مساكم

انا ابي اتطرق للتعامل مع الزوجه بعض الناس تعامله مع زوجته كانه واحد من ربعه

فمع طول فترة التعامل تتكيف المرأه مع التعامل اللي تعاملته معاها وتصير كانك متزوج واحد من ربعك

تدق عليها هلا ابو فلان هاه وينك ترى هذي الزوجه ترد موب الزوج

الزوج ابد والله بالاستراحه شوي واجي الزوجه المهم لا تبطي علينا ترانا بنتعشى

غابت الانوثه والسبب مين ( التعامل ) اللي فرضه الزوج فرض ع زوجته وكانها نست انها انثى

فبكل سؤال وبكل استفسار وبكل اسلوب مع زوجتك تاكد انها انثى تاكد ان داخلها احساس يتكيف

بتكيفك انت يعني اذا فرضت اسلوب معين معاها مع طول الوقت بها التعامل تلقائيا بتكون ردودها

والكلام معاها كانك تكلم واحد من ربعك

واقابل بذلك الزوجه

لا تعاملي زوجك وكانه وحده من صديقاتك وتكلميه كانك تكلمي خويتك ساره ولا نوره اللي تمونين عليهم

حسسيه باهميته حسسيه بحترامه حتى لو اضطررتي للتصنع بانك تحترميه وتحسبي الف حساب قبل ماتسوي الشي

الزوج الو الزوجه بانوثتها طبعا هلا والله تبون شي من البقاله ايه جب كذا وكذا طيب تبون شي ثاني لا

سلامتك الزوج الله لا يهينك شغلي التكييف والغدا اخريه شوي احس اني ماني مشتهي بعد ماقوم باكل

الزوجه افول يرحم والديك بس انا جوعانه اباكل الحين ؟؟؟ انت اذا قمت كل اللي تبي

.................................

طبعا امثله بسيطه بس حسسي الرجل برجولته وانت كزوج حسسها بانوثتها

ملاحظه : لا تفتكروو اني اقصد لا تكون ميانه بينكم ولا تكون كاصدقاء لا اقصد ان تحفض بالتعامل انوثتها

وتححفظ الزوجه بالتعامل رجولة زوجها ودمتم

تحياتي للجميع

[بنت عشيرة]

المشاركة الأصلية كتبت بواسطة   تدق عليها هلا ابو فلان هاه وينك ترى هذي الزوجه ترد موب الزوج الزوج ابد والله بالاستراحه شوي واجي الزوجه المهم لا تبطي علينا ترانا بنتعشى

>>فاااقعة ضحححك
لاعاد ماعاد أحد يتكلم بهالطريقة خصوصا هالجيل
أصلن ليه تكون بين الزوج والزوجة (أبو وأم فلان)؟؟
أحس هالكناية تحط حواااجز بينهم .. صح ممكن قدام أهل الزوج تناديه بأبوفلان
المفروض كل من الزوج والزوجة يخترع دلع حلو للثاني بحيث مايناديه/ها به إلا هو/هي

صدقت أخوي..بعض الأزواج يمزح مع زوجته ويذب عليها كأنها واحد من الربع
وهو مايدري أنه قاعد يجرحها خصوصا لو وصل المزح للتعليق ع شكلها..

أخوي عقلاني موضوع مميز
شاكرة لك جهودك في هالقسم

[رحيق الياسمين]

ههههههههههههههههههه
وربي هذا واقعنا لو يروح اخر العالم مايتغيرمع الزوجه يموت ويرفع ضغطها مايحس برجوله الابهذى الطريقه..
اعرف واحد دراس با الخارج 5 سنوات طريقته مع اهله تقولي ماعمرة سمع كلمه حلوه..طبعا موالكل
اسفه أخوي ع الاطاله بس موضيعك ماشاءالله تفتح مواجع علينا<<هه
يعطيك الف عافيه أخوي مبداع دائما بطراحك

[حُلُمٌ مُبَعْثَرْ]

مشكور والله يعطيك الف عافيہ
موضوع في قمة الروعه
تسلم

[هدوووء]

كلا الطرفين بحاجه للإحساس بالتقدير والإهتمام
حتى تمضي بهم سفينة الحياة بسلام وأمان
بورك فيك ..

[عقلاني]

شكرا على تواجدكم وتشرفت

هيــه ياهوه هذا من اول الحين البنت تقول للرجال يهيه من النعومه اللي فيه هههه

مسالة درس بالخارج ولا انولد حتى بالخارج هو مع احترامي للبيئه ومايراه من بيته

من والده ووالدته ويكون في عقله الباطن وان حاول يغير راح يغير بس لا ارادي

بيشوف بداخله الصور اللي في اهل بيته

صحيح جميع الطرفين محتاجين كلا يعطى احساسه هذا لرجولته وتلك لانوثتها

شكرا مره ثانيه للجميــــع