|
المشاركة الأصلية كتبت بواسطة راعي الروضة
المعازيم
[poem=font=",5,teal,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يحق لك ياطير تلعب مع الديم=ومن نشوتك تبدع بحلو اللحوني
جوٍ جذبك لعزف عذب التقاسيم=وأغريت في صبح الوجود الفنوني
كنك تداعب بالطرب دمعة الغيم=وتلعب على حد الصخب والسكوني
نسمة صباح .. وديم .. عندك معازيم=وقولة هلا منك أنت لجت بكوني
تقبل وتقفي وأنت بأفراحك مقيم=تحت الرذاذ .. وفوق لين الغصوني
لاشاكيٍ فرقا .. ولاخالجك .. ضيم=ولاجاك من سود الليالي طعوني
ولاذقت هم صدود عنقاً من الريم=ريمٍ كساها الله بزينٍ فتوني
اللي سبت عقلي بحلو التباسيم=وعنقٍ .. وخد .. وسود ذيك العيوني
من عقبها وآنا مع العالم .. أهيم=وأضحك إلى شفت العرب يضحكوني
أضحك وفي قلبي لناره .. مراسيم=وأدفن بضحكاتي ملامح حزوني
ودي بشوفه لحظةٍ لو أنا .. نيم=بالحلم يقبل لي سوات المزوني
ويروي ضما المحروم .. من حالي الديم=ويستر قلبي به .. وأردد لحوني
[/poem]
راعي الروضة
|
|
في قمة الذوق
في قمة الاحساااااس
في قمة الابداااع
باذن الله دووم منور صفحتك
سلمت يدااك
تقبل تحياتي