السلام عليكم
الحديث عن دايم ( خالد ) السيف ( الفيصل ) يطول ..! كيف لا وهو من ينتقي أعذب الحرف وأجمله .
عندما يحضر يصمت الجميع .. تتراقص الكلمات بين شفتيه .. يداعب الخيالات بـأجمل الأحرف وأعذب المعاني .
هو شاعر .. ذا قلم رائع .. هو شاعر كيف لا وهو من صلب أب ٍ وجد شاعرين .
خالد الفيصل أو كما يحب أن يلقب ب( دايم السيف )
فإليكم مقتطفات من أروع أبياته ..!!
[poem=font="Simplified Arabic,5,white,bold,normal" bkcolor="transparent" bkimage="backgrounds/9.gif" border="solid,8,white" type=0 line=0 align=center use=ex num="0,black"]
يا عل قلب ما شكا الحـب والتـاع=تنهار من فوقـه محانـي ضلوعـه
يا ما نهيت القلب لا شك ما طـاع=ما طاع يـد لـه والليالـي تلوعـه
أثر المولّع دمعتـه تجـرح القـاع=وإلى ذكر ما فـات هلّـت دموعـه
يفـز قلبـي تالـي الليـل مرتـاع=أخاف تبعد عن ربوعـي ربوعـه
الموت كان العرف عقب البطا ضاع=والمنتحى يا سعود صعبٍ رجوعـه
في غير شوف العين ما نيب طمّاع=حقّه علي أمشي بـدرب المطوعـه
أبو عيونٍ رمشهـا سـود ووسـاع=في ذبحها العاشق فتـون وبتوعـه [/poem]
ويقول أيضــــآ
[poem=font="Simplified Arabic,5,black,bold,normal" bkcolor="transparent" bkimage="backgrounds/7.gif" border="solid,8,skyblue" type=2 line=0 align=center use=ex num="0,black"]
ضايق الصـدر بالله وسـع الخاطـر=دنيـاك يازيـن ماتستاهـل الضيقـة
الله علـى مايفـرج كربتـك قــادر=والله له الحكـم فـي دبـرة مخاليقـه
حلو العيون استهانت دمعهـا الحـادر=كف العباير حزيـن الدمـع ماأطيقـه
حرام كيف الحزن يغشي وجهك الطاهر=والورد في وجنتـك حـرام تجريحـه
يفداك قلب علـى ماتشتهـي حاضـر=يفداك باللي بقـى لـي مـن معاليقـه
مافـات خلـه ولاتهتـم مـن بـاكـر=واغنم مـن اليـوم ماساقـت توافيقـه [/poem]
ومن أبياته أيضــآ
[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="solid,8,white" type=0 line=0 align=center use=ex num="0,black"]
بشروني عنك مـا يـدرون عنـي=ما دروا باللي شغل فكري وظنـي
اتسمّـع للحكـي بـك واتحـفّـظ=خايـف دقـات قلبـي يفضحنّـي
كل ما سمّوك باسمـك فـز قلبـي=والضمايـر والمدامـع شاغلـنّـي
يا حبيبـي يـوم جنبـت الحبايـب=عفت لجلك كل مـن قبلـك فتنّـي
من عرف قربك عرف طعم السعادة=وإن تشطّرت أدرك غبون التمنّـي
في هواك من العسـل لـذّة مذاقـه=لكن حروس النحل عنهـا حدنّـي
ماعد اسمع بك ولا اوحي فيك عاذل=والعـذارى جهّـل لـو داعبـنّـي
لك عيون فعلها بـي فعـل ظالـم=من عرفتك يالغضي مـا ريحنّـي
إن تفارقنـا تغايـا لـي بليـلـي=وإن تقابلنـا دهـنّـي واخجلـنّـي [/poem]
ويقول أيضــآ
[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="solid,8,black" type=0 line=0 align=center use=ex num="0,black"]
يغار سمعي و يشـره كـل وجدانـي =لا غاب صوتك نهار(ن) ما بلغ سمعي
ياللي لقيت بنواعس عينـك أوطانـي =هي ديرتي هي ملاذ القلب هي ربعي
أملي النّظر من جمالك يـوم تلقانـي =و احبس خيالك بعيني حبسي لدمعـي
لا شفتك اعيش في عيونـك ازمانـي =وآخذ من نجومها وأشعل بها شمعـي
من نورها سالـت الفرحـه بوديانـي= ومن سحرها قام يورق بالذهب زرعي
يا واحد الحسن مالك بالعـرب ثانـي =عطني شرابك وخذ قرطوع من نبعي
غريب الاطوار و الغربـات ميدانـي =هي غربة العمر وافق طبعكم طبعـي
اصبحت تغريبتي و اصبحت عنوانـي =يا واحدي بالهوا و اثنينـي و جمعـي [/poem]
وسأنقل لكم بعضـــآ من قصائده في لقاء أخر ..!! أتمنى أن تعجبكم الأبيات المختاره .