رحم الله الأمير نايف رحمة واسعة وأموات المسلمين اجمعين
الشاعر إبراهيم المغامس صح لسانك على هذه المرثية ولاهنت ، واسمح لي أدون كلمات القصيدة حسب ما سمعته من المنشد
الحزن خيم في المشاعـر ولا طــاب
وللحين جرحه في سما الآه مكبوت
يرثي ودمعه من على الخد منساب
والحزن في وجهه مقيل ومبهوت
يرثي عضيد الخير لا صكت أبواب
ويرثي مقيم الحق في كل ماقـــوت
ويرثي من اللي للمعادي بدا نــاب
ولاجل المواطن قدم النفس للموت
يومه تمـدت يد حـثــلات الاذنــاب
بتّر يديهم وانقطع عنهم الصـوت
نايف سليل المجد والمجد ماجاب
مثله عضيد الجـود لا فاتنا فـــوت
كن الزمن صابه من الفجع نحــاب
وكنه يقول بصوت ضايق ومبهوت
قد مات من هو للمـعادين مزهــاب
وقد هو تكفن سيفكم وسط تابوت
وأقول كلنا فقدنا نايف الله يغفر له وحتى الوطن فقده الله يغفر له ويرحمه ، وأسأل الله يحفظ لنا خادم الحرمين الشريفين أبو متعب وولي عهده الأمير سلمان واخوانهم ويطول بأعمارهم على طاعته ويبارك لهم ، ويحفظ وطننا من كل مكروه ويديم علينا نعمة الأمن والأمان
تحيتي