يا طير ياللي شايل صوت الأفراح

[فقيدة امها]

يا طير ياللي شايل صوت الأفراح
لاقيت نفس ٍ من عناها حزينه

لا تربك احد ٍ داخلة داوي اصياح
خل المآسي في ثراها دفينه

هـ القلب ما هو من مجافيه مرتاح
الله يفرج كل همّ و يعينه

احمل و آداري بالحشا كومة اجراح
و ارقب بزوغ النجم بـ اقصى حنينه

لكن وكاد الحب للسر فضاح
ياللي خفايا صدّته محتوينه

ان كنت لجلي ترسم الحب بـ الواح
أو كنت تخفي شرهتك و الضغينه

و ان جاك قلبي عاصف ٍ كله رياح
ما هزّ حبل ٍ بين قلبك و بينه

ما اظنّ تطلب حيرتك بعض الإفصاح
عن قلب تجهل زين حاله و شينه

فيني حكيم ٍ حاذق الذهن لمّاح
تفهم شعوري دون ما افضح ونينه

خليت قلبي في روابيك سوّاح
يقضي لمده سلوته بـ الغبينه

مدري غرامي باقي ٍ فيك أو راح
أو صرت تسكت بالخفا عاذلينه

ذا ورد قلبك باهي اللون فواح
يا حظ من هم بالغلا قاطنينه

[خفوق إنسانة]

متميزة كعادتك بالاختيار
بشعف نحن لجديدك دائماً

[فقيدة امها]

التميز عندي هو مروركِ هنا يالغلآ
تسلمين ولا ننحرم من مرورك العذب
تحيه عطره لكِ