------------------------------------------------------------------------
محاوره بين شايب وحرمته:
الشايب
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المـره لا مـن تعـدّت اربعيـن=مثل برميلٍ خشل في المزرعـه
الصدى ماكلْه من طول السنيـن=ما يفيـدك لـو تحـاول ترقعـه
والمره هونداي للـي باخصيـن=بالمواتـر فاهميـنٍ مصنـعـه
فالمكينـه لـو توضّبهـا يبيـن=ولـو تغيّـر قيرهـا والأذرعـه
مشكل الدفرنس يفضح بالحنيـن=والبواجي مـن قربهـا تلذعـه
ولو تسمكر ما تسمكر كل حيـن=ينهفـش صدامهـا لـو ترفعـه [/poem]
الحرمه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المره بالديـن والعقـل الرزيـن=ومن خذاها لغير هذا ما اضفعـه
والجمـال ارزاق رب العالميـن=لو هي صغيره تشوفه ما ابشعه
وكل غصنٍ لو تشوف إنّه يليـن=يوم ييبـس والهبايـب تجدعـه
ارع للنعمه وحكيـك لا يشيـن=قبل هرجٍ مـا تفضّـل تسمعـه
من يبي عودٍ حنينـه والونيـن=يسمعه من مرّ من كثر اوجعـه
المره مهره على طول السنيـن=ما تغير كاالذهـب مـا انصعـه [/poem]
الشايب
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الرجل مرسدس في شدّه متيـن=لو وصل تسعين ما بـه قربعـه
لـو تقلّـب مـرةٍ أو مرتـيـن=مثـل ذيـبٍ فالتمـرغ ينفـعـه
دام سالم من طياس الشاربيـن=ومن بنات الليل واللـي يتبعـه
يعجبك لو كان عنـده حرمتيـن=كان ماله من كـروشٍ تمنعـه
وانتي يم جنيب من حقـد دفيـن=مخطرٍ مـن مـر لـزمٍ تلسعـه
محتملك سنين وطبوعك تشيـن=لا نتي لا رسن ولا انتي بردعـه [/poem]
الحرمه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شايبٍ عايب وتسمع لـه حنيـن=ولا بغى ينهض تجـوّد باربعـه
من سمع هرجه وشعره والزفين=قال توّه في شبابه مـا اسنعـه
خلك عنك الهرج كان إنّك فطين=واحترم نفسك وخـل الصرقعـه
لو ابي غيرك تراهـم جاهزيـن=من شباب ضاع وسط المعمعـه
دام لي راتـب وعنـدي ارنبيـن=منـوة اللـي نيتـه بالمطمعـه
انتقي من هالرجـال العاطليـن=ما يخالف لـو شتمتـه والفعـه [/poem]
الشايب
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
احمدي ربك ترى فكري رصيـن=ولو بغيت اعرس ترى ما اسرعه
عندي فلوسٍ ولا حملّـت ديـن=اخطب الأبكـار مثلـك اردعـه
لاتحديني تـرى ابليـس اللعيـن=كل هرجه عن جهامك ما ابشعه
انتي اقفيتي ونـا سيـفٍ سنيـن=ماندثر في الحرب ياما اشجعـه
محتسب للأجر واركع ركعتيـن=كلمـا شفـت البنـيّ مجمّعـه
وادعي الرحمـن رب العالميـن=يبعد الشيطان عنّـي مـا اتبعـه [/poem]
الحرمه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله إنّك ثعلـب يـا بالحصيـن=كلمـا جيتـك بثـوبٍ ترقـعـه
خل نتصالح ولـك منـي يميـن=ما تبي حاصل وقـدرك ارفعـه
كل ما يرضيك عندي عن يقيـن=بس لا تطـري تـزوج بجذعـه [/poem]
الشايب
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذا خبري فيك نسـل الطيبيـن=لكن الشيطان يغوي ما اسرعـه
من تحارش رجلهـا بالكلمتيـن=خاسره في كـل فعـل تصنعـه
للرجل حشمه ولو به ما يشيـن=والمره من تحتمل لو مافضعـه [/poem]
(( منقول ))
17-08-2005, 02:08 AM
العرض العادي
