قصيدة ترحيبية ألقيتها في ملتقى أهالي التــويــم

[ناصر العبيد]

بسم الله الرحمن الرحيم

هلا وغلا بجميع اعضاء والضيوف المنتدى الشامخ
هذه قصيده القيتها على الحظور في ملتقى أهالي التويم في ثاني أيام عيد الفطر للعام الماضي يشرفني مروركم وتقييمكم للقصيدة بدون أي مجامله

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام الله على الحضار في حلة قروم القـــوم = سلام أحلى من الشهد المصفى يستحقــونـــــه
سلام ٍيرضي اللي شرفو بالملتقى ذا الـيـوم = من الطفل الصغير إليا الكبير اللي على شونــه
هلا يامرحبا بظيوفنا واللي حظر مـحــشــوم =عدد رمل الـنفــود الاحـمــر والــلي يدوســونــه
وعدد ماهب نسناس ٍ يوافق في سماه غـيوم = وعدد ماحرك أوراق الـشـجـر لامـالــت غـصونه
ولعل اللي تكفل في تكاليف الحفل مــرحوم = لعله في جـنــان الـخـلــد والصبـيه يـخدمــــونه
أهنيكم واعايدكم بعيد الفطر بعد الـصـــــوم = بعد صمنا وقـمـنـا الـشهــر والارزاق مـــظمونه
حظرتو بالتويم وديرتي مقدارها مـعـلــــــوم = ومـاضيـها وحـاظــرها كــبـرقٍ لاح بـمـــزونــه
ديار اللي حموها يومها فتنه وعرك خـشــوم= ودون تـــويـــم كـم راس ٍ يفارق مـجـمـع متونه
ثنينا دونها بالحال والامـــوال وروس قـــروم = رجال ٍعــهــدهـــم لا عاهــد وبه ما يخـونـــونه
رجال ٍ ردت الطاغي على داره وهو مـهــزوم = بعد فكر دخول تويم شـاف الــمـــوت بعيــــونه
وذا تاريخ في بطن الكتب من لاقرى محـروم = لـزوم يـراجـع الـتـاريـخ يـلـقـــى المجد فبطونه
بلا قاصر وكل سدير سكانه صـقـور تـحـــوم =من اقصى سدير لا ادنى سدير والغازي يردونه
وإذا وقت الفتن يوم الامن وسط البلد معــدوم = بعـدها وحـد الـدولـه أبو تــركــي تــعــرفـونه
وذي فرصه بعزي في رحيل القايد الشغموم = لعـله فـي جنان الخـلد يتمـشـى عـلـى هـــونـه
أبو فيصل حكم شعبه تلمس حاجت المحكـوم = سعى في نهضت الدوله وحــب الشعـب مكنونه
ولعل الله يبارك في عضيده ناصر المــظلـوم =صويب الراي كان الوقت الأقـشــر كش بسنونه
بعد سلطان ماننساه عينه مهتنت بـالــنـــوم = بـنا صـرح الـدفاع وأجــبر الـعـالم يـهــابــونه
جمع جيشٍ كبير يفوق جيش الفرس وإلا الروم = ولـو يـامـر عـلى أكبر جـيـش بالعـالم يـبـيدونه
يقوله شاعر ٍ سخر بيوته وأكـمـل الـمـلـزوم = لـيامـنه وقـف بتين الملا مـاتــرجـــف ركـــــونه
واقول المعذره لا صار زله ماني بمـعـصــوم = أنا حــاولــت أكــمـلـهـا لـكـن الـنـقــص مادونه[/poem]
وســـــــــــــلامــــت الــجـــمـــيــــع

[سعود الخليل]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بلا قاصر وكل سدير سكانـه صقـور تحـوم=من اقصى سدير لا ادنى سدير والغازي يردونه[/poem]

صح لسانك يا أبو ابراهيم ومشاركه رائعه ...

ويسعدني بأن أكون ممن استمع واستمتع بها في الحفل ...

بالتوفيق ..

[يـــزيـــد]

السلام عليكم

قصيدة روعة

وصح لسانك ياشاعرنا المميز

ولك تحيــا تيــ

[سعود أبوحيمد]

[poem=font="Simplified Arabic,4,white,normal,normal" bkcolor="coral" bkimage="backgrounds/21.gif" border="double,9,sienna" type=2 line=0 align=center use=ex num="0,black"]
وذا تاريخ في بطن الكتب من لاقرى محـروم=لزوم يراجع التاريـخ يلقـى المجـد فبطونـه
بلا قاصر وكل سدير سكانـه صقـور تحـوم=من اقصى سدير لا ادنى سدير والغازي يردونه [/poem]

أخوي ناصر لله درك على هاالأبيات وصدق من سماك شاعر .
الله يعطيك العافيه

[سلطان العضيدان]

رائعة من روائعة ناصر العبيد

صح لسانك .. ولا عدمناااك

[ناصر العبيد]

راعي الاوله والاخيره حياك الله وصح بدنك وأسعدني إنك كنت حاظر


أخوي يزيد وعليكم السلام وصح بدنك وهذا من ذوقك


أهلا فيك أخوي سعود أبو حيمد ومشكور على هالمدح اللي أعتقد إنه أكبر من حجمي وماعليك زود يالغالي


أخوي الغالي راعي الغاط صح بدنك ويسعدني مرور الغالين لكن وين باقي الاعضاء

أشكر كم جميعاً على مروركم المحفز

[وارث الطيب]

ياسلاااااااااااام

صحححححح قبك يا ناصر العبيد

واهل التويم وسدير يستاهلون كل خير


اشكرك على بوحك الابرز

[ناصر العبيد]

ياهل وغلا وصح بدنك ياشاعرنا الغالي ومششششكوووور على مرورك الذي اسعدني


تقبل تحيات محب الجميع

[لهفة الخاطر]

[align=center]قصيده رائعه اخي ناصر ويعطيك العافيه

اشكر لك هالترحيب الرائع والكلمات الأروع

سلمت وسلمت يمناك

تقبل شكري[/align]

[بدر]

اشهد انك شاعر...

الف شكر على القصيدة...

[علي القديري]

الأخ ناصر ، صح لسانك والله لايهينك

تحياتي

[ناصر العبيد]

قلبي المتيم أشكرك على مرورك الذي اسعدني والعفو

أخوي بدر ياهلا وغلا بك والعفو ماسوينا شي

أخوي أبو لافي صح بدنك ولك مني كل الشكر والإمتنان

أشكر الجميع على مرورهم المشرف

تقبلو تحيات محب الجميع