== راحـت ==

[سليمان بن سريع]

احبابي بعد غياب يسرني مصافحتكم بهذه المتواضعه التي اتمنى ان تنال اعجابكم وتستحق وقت قرائتها


راحت وخلـتني بوســـط الرياضي === ومن بعــــدها ما كـــن عندي مخـــاليق
لولا همومي قلت خــالي الوفاضي === لكــــن هـــمومي كنــــهن الــــزرانيق
وأصبح طمع عيني تشوف البياضي === مــــن كــثر ماهلت دمـــوعٍ ٍمحـاريق
والله ورب البـــيت ما نــيب راضــي === إلا إذا جـــت ســيدة نجــد وطــــويق
وان كان ما جت وزرق الدمع غاضي == لا بـــاس لـــو حــــزني يهد المعـاليق
مالي على همي وحزني اعتراضي === ولا الشحــوب اللي معه نشفت الــريق
في غيابها معـــهم بعيش بتراضي === ولا جت ظـــلامي صار مثل المشاريق
وغديت أنا للـــهم والحـــزن قاضي ==== واحــكم عليهم مثل بعض المطافيق
بالطـــرد والأبعـــاد حاضر وماضي === ومستقبل أيامي بقــــربه توافـــــيق
وأنسى همومي والحزن وامتعاضي === وابني السعادة فوق روس الشواهيق
ولعيونها لو كنت مشغـــــول فاضي === ولعــــــيونها مـــالي بكل المـــخاليق

واسف على سؤ التنسيق

[المعنّى]

شاعرنا الكبير سليمان بن سريع

وغديت أنا للـــهم والحـــزن قاضي ==== واحــكم عليهم مثل بعض المطافيق
بالطـــرد والأبعـــاد حاضر وماضي === ومستقبل أيامي بقــــربه توافـــــيق
وأنسى همومي والحزن وامتعاضي === وابني السعادة فوق روس الشواهيق
ولعيونها لو كنت مشغـــــول فاضي === ولعــــــيونها مـــالي بكل المـــخاليق

اسمح لي ان اكون اول من يرد على هذه الابيات الجميلة العطرة وان اكون اول من يسجل اعجابه بها

وصحيح من طول الغيبات جاب الغنايم وصح لسانك والله لا يحرمنا من ابداعاتك .


اخوك المعنى

[سعود الخليل]

سليمان بن سريّع


يا هلا ويا مرحبا بك والله يا ابو سعد ....

والحمد لله على السلامه ..


ومن طول الغيبات جاب الغنايم وهذا ما تعودناه من شاعر بحجم سليمان بن سريع ....


صح لسانك ولا هنت يالغالي .

[القيصـــر]

السلام عليكم


سليمان بن سريع إسم رائع
يحمل في طياته الكثير
غياباه كثير ومشاغله كذلك
ولكن عندما يأتِ كالمطر يعم الخير على أرجاء الأرض
وفقك الله لكل خير .

[ناصر العبيد]

الزميل الشاعر سليمان السريع ياهلا فيك وصح لسانك على القصيدة الجزله


تقبل تحيات محب الجميع