[POEM="font="Arial,5,black,normal,normal" bkcolor="transparent" bkimage="" border="none,7,gray" type=0 line=0 align=center use=ex num="0,black""]السلام عليكم قصيده بعنوان إلايازمان اتعبتنى بالمطاليب
إلايازمان اتعبتنى بالمطاليب = وتعبت رجليه بروحه وجيه
غديت مثل الذيب بعالى المراقيب = يجر صوته ولاله مقدريه
ماكل من يغزى يجيب المكاسيب = ولا كل من يقنص يجيد الرميه
ياداخل السوق ماعينت سيد الرعبيب = إللى جعل بالقلب كيه بكيه
أبوجديلا ً عديم العذاريب = مسلوب الحشاء مافيه زيه
الخد براق الغمام المساكيب = والعين خرص زادها الله مزيه
ياغصن موزً مايلاً للتلاعيب = تلعب به الغربى صبح وعشيه
عمهوجتاً مستورتاً ماتعرف العيب = بنت الرجال المخلصه والوفيه
مايستمع فى قول اهل الكواذيب = نقاله الهرجه ولو هى شويه
أرسلت له مرسول ويحمل مكاتيب = وابطى جوابه يامحمد عليه
وافرح ليا هبت نسيم الهباهيب = وقول لعلها من ريحته تضفى عليه
بحملك ياطير السعد للمعازيب = أهل الوفاء والطيب واهل الحميه
بلغ سلامى قبل ماتهرف الشمس وتغييب = ورد الجواب وان شفت خلى عليه
بعض العرب دايم حيانه طلاليب = ولا هروجاً كلها مالها قابليه
ابغا علومً ثابته ماهى تجاريب = دامى سديد الراى والعقل فيه
مانى من يجلس بوسط المجابيب = ولانى من يمشى مع الخندريه
حنا هلا الطولات واهل المواجيب = وأهل السيوف الرادعه والقويه
ياما وياما صبرنا على فيح للواهيب = وياما غزينا فوق هاذى وذيه
ربعاً تعسف الخيل مابهم ريب = وتاريخهم معروف ميه بميه
وليا غزو فوق عوج العراقيب = عدوهم بالخوف جته المنيه
وان جيتهم بالطيب قدامك الطيب = حلاله الصعبات هى والقضيه
يقولها من رتب الشعر ترتيب = شاعر ويعتزى وعزوته شمريه
الشاعر / علي بن عبدالله القديرى الشمرى[/POEM]