قصيدة في جميع القبائل السعودية والنعم

[طالبة المعالي]

[align=center]

قصيدة في جميع القبائل السعودية

--------------------------------------------------------------------------------


يالله ياخالـق ارضـيـن وابـحـار
الواحـد المعـبـود رازق عبـيـده

الخالـق الغفـار عـلام الاســرار
وفرق شعوب الارض في كـل يـده

وابدي واسولف من عذيبات الاشعار
ابيـات شعـر والمعانـي وكـيـده

اشري وابيع واعرف كيـف بختـار
واختار من جـزل البيـوت الفريـده

وذكر تراث وعز وامجـاد وافخـار
قبائـل تومـن بـديـن وعقـيـده

وصلت حضارتنا على سطح الاقمـار
ابنـا الجزيـر والجزيـره مجـيـده

في ظل حكـام لهـم فعـل واشـوار
ال سعـود اللـي تفـك الضهيـده

نسل الزعيم الحاكـم العـادل البـار
مجـدد امجـاد الجزيـره بجـيـده

حتى اصبحت حره وحنا لـه انصـار
في ظل اخو نـوره هنـوف سعيـده

وصارت لابو تركي بطولـه وتذكـار
والفخـر والامجـاد تبقـى شهيـده

وخلف لنا ملوك لهم فعـل واخبـار
الشعـب واحـد والقيـاده رشـيـده

والامن بانينه على سـاس وجـدار
وقرو على العابـث عقوبـه شديـده

وحنا حماة الـدار مـن كـل غـدار
وما همنـا بطشـه وخبثـه وكيـده

قبـائـل مالحقنـاهـم اوعـــار
وعشنا بهذي الدار عيشـه رغيـده

والحمـد لله نحمـده سـر واجهـار
شعب تكاتـف مـن سنيـن مديـده

ودون الوطن جيش على كل معبـار
لارفـرف البيـرق ونـادى عقيـده

بشرق البلاد وغربهـا دوم حضـار
وارض الشمال اللي نفـوده مديـده

وارض الجنوب اللي تخيضر بالاشجار
جزيـرة فيهـا القبـايـل عـديـده

ارض بها قحطـان وافيـن الاشبـار
وياعـز منهـم بالشدايـد بسـيـده

واذكر عتيبه يـوم للطيـب مغـوار
لا ثـارت الهيجـا وقـرب ضديـده
وشمر هل الطولات والجـود مقـدار
اهل الكرم واهـل الفعـول الحميـده

وقوم اعنزه مروين الاخصام الامرار
اولاد وايـل مـن عصـور عهيـده
ومطير قوم تكـرم الضيـف لا زرار
وياويل خصم فـي حراهـم وعيـده

واذكر قبيلة حـرب يانعـم الاخيـار
وتاريخهـم يحكـي سطـور مجيـده


وسبيع نعم القوم ووجيـه الاسفـار
زبن الدخيل ليا زبـن مـن طريـده


واذكر قبيلـة يـام والطيـب ينـدار
اهـل العلـوم الوافيـه والرشيـده

ثم الدواسر تجعـل الخصـم منهـار
عيـال زايـد عـز منهـم سنيـده

ثم السهول اللي لها الطيـب مـدرار
وعن منهج العادات ماهـي محيـده

ثم اذكـر العجمـان حمايـة الجـار
والمرجلـه والجـاه فيهـم عتيـده

واذكر بني مـره طويليـن الاعمـار
مـا ينقـد المـري ولا لـه نقيـده

ثـم الهواجـر لابـة تقـدح النـار
اهل الركـاب اللـي خطاهـا بعيـده

واذكـر بنـي خالـد قبيلـة وامـار
قوم لهم في المجـد قـول ورصيـده

وبني تميم اللي لها الطيـب مصـدار
بنـي تميـم وكـل فعـل تجـيـده

ثم الزعوب اللي بها الخصـم يحتـار
شجعان ماترضـى سـوا ماتريـده

العازمي وافي وفي الطيـب بيطـار
روحه على كل المصاعـب صميـده

ثم الظفيري في المصاعيـب جبـار
والطيب والامـداح باصلـه وطيـده

ثم اذكر الاشـراف بجـلال واكبـار
اهل الحجـاز اللـي تفـك الزهيـده

ثم الهذيلـي لـه مواقـف ومنـدار
راعي الفخر راعي العلـوم السديـده

ثم البقوم اللي لهم جيـش وامهـار
ريف الضيـوف ليـا لفاهـم وليـده

واذكر ثقيف اللي لهم مجـد وآثـار
ومهما حسبنـا مـن كـلام نعيـده
وبلحارث اهل العز بشهـود واقـرار
ا لحارثـي ياطيـب فعلـه وجـيـده

والمالكي معروف لا صار ما صـار
في موقف اهل الطيب يبـذل جهيـده

واثني تحياتي عـدد وبـل الامطـار
علـى سليـم وكـل خصـم تكيـده

واذكر جهينه هـل مواقيـف وادوار
تلقى الجهيني راسـم الطيـب بيـده

واذكر بلي والمجدله فعـل واظهـار
وتاريخهـم يحكـي فعـول فـريـده

وبني عطيه في المواجيـب حضـار
قـوم بوقـت الجـد قـوم عنـيـده

ثم الحويطي والكرامـه لـه اشعـار
ثـم الشـراري لـه فعـول مفيـده

ثم الرشيدي في الصعيبـات صبـار
على علـوم الطيـب فعلـه يزيـده

وباقي جنوب الدار والقـاف مـادار
باقي علـى قلبـي كـلام واشيـده

زهران نعم القوم في وقت الاضـرار
والخصم عينه مـن لقاهـا سهيـده

والغامدي معروف له عزم واصـرار
راعي المراجـل والعلـوم المفيـده

وشمران قوم والجمايل لهـا اطـوار
وبلقـرن سـم للقلـوب النكـيـده

والاكلبـي والمحلفـي مابعـد بـار
والحارثـي طيبـه وفعلـه يشيـده

وبني شهر وبني عمر سيـف بتـار
قوم علـى الاخصـام نـار وقيـده

والاسمري والاحمري صيتهم سـار
بيـن القبايـل والمواقـف شهيـده

واذكر عسير الهول ذربيـن الاذكـار
وابها احتموهـا فالسنيـن الشديـده

وصلى الله على نبينا محمد[/align]

[( عابرة سبيل )]

:
:

ونعم والله بـ جميع العربــــان
واللهم صلي وسلــم على رسول اللٌه

شكرا لــك غاليتي على النقــل الطيب منـــك
استمتعتُ كثيـــراً غاليتي ... لاحرمـك الله السعاده

دمتـــي بـــ خيرات ..

:
:

[سعودي نت]

وبني تميم اللي لها الطيـب مصـدار
بنـي تميـم وكـل فعـل تجـيـده


اشكرك أختي على هذه القصيدة

[أمير سدير]

وسبيع نعم القوم ووجيـه الاسفـار
زبن الدخيل ليا زبـن مـن طريـده

أنا اشهد

[بسمة فرح]

شكرا لــك غاليتي على النقــل الطيب منـــك

[فــارس]

المشاركة الأصلية كتبت بواسطة   ارض بها قحطـان وافيـن الاشبـار وياعـز منهـم بالشدايـد بسـيـده

الف شكر لكِ

[طالبة المعالي]

[align=center]دمعة ألم..... آمين ؛ شكرآ لك غاليتي دمعة


سعودي نت..... صح لسانك بني تميم ماأحد يجاريهم


أمير سدير... والنعم فيك وانا أشهد انك رجال وابن رجال


فارس.. ارض بها قحطـان وافيـن الاشبـار وياعـز منهـم بالشدايـد بسـيـده (صدق الشاعر )

شكرآ لك أخي فارس[/align]



وتحية من القلب للقلب الى جميع القبائل

[بنت الشيوخ]

المشاركة الأصلية كتبت بواسطة   واذكـر بنـي خالـد قبيلـة وامـار قوم لهم في المجـد قـول ورصيـده

أنا اشهد


يعطيك العافيه


فمان الله
وبس خلاص

[عبدالله الفـارس]

\

أنعم وأكرم بتميم وبالجميع

شكرآ لك اخت هند

/

[طالبة المعالي]

[align=center]
[align=center]

واذكـر بنـي خالـد قبيلـة وامـار
قوم لهم في المجـد قـول ورصيـده

ماكذب الشاعر... ويعيشون بني خالد... وعلى فكرة أغلب صديقاتي من بني خالد [/align]

يعني معزتهم في القلب كبيرة........[/align]

[طالبة المعالي]

[align=center] أنعم وأكرم بتميم وبالجميع.. شكرآ لك أخي عاشق


وأنا أتوقع أن أغلب أعضاء المنتدى من بني تميم [/align]

[ام سديـم]

السلام عليكم

المشاركة الأصلية كتبت بواسطة   وبني تميم اللي لها الطيـب مصـدار بنـي تميـم وكـل فعـل تجـيـده

والنعم بالجميــــع

يعطيك العافية هنوودة

[طالبة المعالي]

[align=center]
وعليكم السلام ورحمة الله وبركاته

أهلآ رموسي نورت وشرفت لما دخلت وشاركت

بالفعل والنعم بجميع القبائل[/align]