ايش هو سلاحك المفضل ؟

[أبو عبد الله]

يا شباب نبي تفاعل اكثر مع هالموضوع ماني شايف الا نجمة سهيل والمولع واتيكا ومفتون صيد هم اللي يردون نبي الباقين
عشان الموضوع يستوفى من جميع النواحي
انا اقولكم وبكل صراحه انا في المنطقة الغربية ما نعرف شي اسمه الخرازة
لاكن بعد ما سمعتها منكم عرفت انها البندق اللي نطلق عليها اسم السكتون النارية أو النارية لاكن خرازة ما عرفتها ولا مر علي اسمها الا منكم ويوم سألت عنها واحد بقمي عرفت انها النارية وكمان السوجل انتم تسمونها الشوزن ولها انواع عندكم لاكن عندنا نوعين ام كسره والتماتيك حتى الخرازة لها انواع عندنا وهي البرنو الزكم الالمانية حبه كبير حبه صغير وكذا نبي نستفيد من جميع الاعضاء وانا اللي عندي راح اكتبة بمسمياتها عندنا وعندكم عشان تعرفون وانا اعرف والجميع يعرف
نبي تفاعل اكثر يا شباب
تقبلوا تحياتي
اخوكم ابو عبد الله

[مفتون صيد]

الله يرجك ياشيخ ........ بس حلوه سقراط ...... صدقني ابو عبدالله انك انسان زاخر بالمعلومات ( ما تلاحظ متعوب عليها )

[المولع]

هذي بعض الصور كما وعدتكم ، لاكن المعذره لأن التصوير و الكميره مش حالك .

هذي الصوره اهداء خاص جداَ لللأخ مفتون صيد ;) ;)


وهذي أم صتمه الالمانيه 80


الخرازه ، و صناعتها تشيكيه :

[المولع]

ام صتمه الاسبانيه هنتر 440 :

و هذي ونستار 300 الاسبانيه :

و اعذروني على التقصير ................

[مفتون صيد]

ياجعلك سالم يالمولع وخاصة الهدية قوية ورهيبه .......احرجتني بكرمك وطيب اخلاقك ...... والصور واضحه
وحلوه جداً ........بس ودي اسئل عن الصاكتون الهوائية كم سعرها وسرعتها اذا ماكان عليك امر يااحلى مولع

[اسير التويم]

سلاحي المفضل هو اربي جي

[ابو عبد العزيز]

مساء الخير ياشباب سدير
سلاحي المفضل للدخل ام صتمة 27 وللصفاري خرازة برنو اما للقميري ام خمس براونق يبانيه او ام شجرة بلجيكيه واحسن صتم العادي الالماني ولخرازة سنجر ولشوزن ابو غزال والطيور قربت وكلن يولم بندقه بس نصيحة للشباب وخاصة اهل الشوازن والخرازات انهم ما يخلو رصاص في البنادق اثناء قياده ا لسيارة لان الامان دايم يخدع ويحاول ان يجعل فتحة الماصوره برا الغماره والحذر ثم الحذر من تنظيف السلاح وهو مش متاكد من خلوه من الرصاص طلع المشط برا ووق في الماصورة وفتح عيونك زين وعسى الله يديم علينا نعمة الامن والامان ويكثر الدخل والصفاري والقميري في الشعبان .

[مفتون صيد]

اسير التويم حياك الله ونبغاك من المتواصلين معنا في هالمنتديات


=============

isz مشكور اخوي ولو اني زعلان شوي عليك ;) ياخي قطعتنا مره الله يهديك تراك طولت علينا الغيبات ..... صدقت اخوي لازم الواحد يتفقد سلاحه والخزن حق الرصاص والا يحدث شيء لا تحمدعواقبه والله يحفظنا واياكم من كل شر وقبل ما اختم المشاركه .... نصيحه لوجه الله لكم يااخوان السلاح لا ينمزح به ترى مزحه جد والله يستر هذا غير الوعيد الذي توعد به رسول الله على من رفع الحديده على اخوه المسلم ,,,, مابالك بالسلاح

تقبلوا تحيات ابوعبدالله

[أبو عبد الله]

اخوي اسير التويم مشكور على مرورك بس ما تلاحظ ان الار بي جي كبيرة شوي على الطيور خرازة وتنتفها تنتيف فمابالك بالار بي جي عز الله انها راحت ملح في ماء



مشكور يا اسايز على مرورك بس كنت اتمنى الصور مع ردك على العموم مشكور


اخوي مفتون مشكور على ردك عني في غيابي انت ابو عبد الله وانا مفتون صيد

[ابو عبد العزيز]

هلا ومرحبا باصحاب المنتدا.
بندق ام صتمه جدبده توني شاريها من الرميح قوتها350 ويقول راعي المحل اقوى من التسعين انا مبعد رميت ابها ولا صتمه بس الخف اخف اشوي من 90 وهي المانيه واسمها مقنو من قد جربها يبشرني عن فعلها وقيمتها 1650 مع جراب والف صتمه نفس قيمه التسعين مكتوب عليها 1800 بس الصدق 1650 اما 27 جديده ما لقيتها ولا في الديره بالرياض الا مستعمل وسلامتكم جميع

[مفتون صيد]

isz والله اللي قلت عنها ما ادر يعنها لانها شكلها جديده في السوق ..... لان ام صتمه الالمانيه ما عمرها وصلت الى هذه السرعه 350 ولكن هذه يمكن جديده ومنافسه لام صتمه الانجليزيه لان المتعارف عليه في السرعه العاليه تجدها في الانواع الانجليزيه <<< هي الغالب ....... ولكن زي ماقلت لك يمكن منافس جديد في السوق وصعب افتيك ولكن اللي يريحك انها المانيه يعني لاتخاف عليها بس اعتني فيها .....
اما ام 27 غريبه ما وجدت ...... وبعدين فيه حل اخر وهو الانواع الاخرى من الاسباني والبلجيكي ... عند الرماية شفت لك وحده خفيفه وحلوه تقول 27 الماني مرررررررره ولا وازين في شي وهو انك تقدر ترمي في محل مظلم ... ليه؟؟؟ لان المعالم والوزنيه مصبوب عليها باستيك فسفور ي لامع والوزنيه وكل وحده منهم بلون مختلف علشان تقدر تركز علي الهدف ....... حلوه بس ما جربتها وهالميزه حلوه ........

اي شيء تبيه لايردك الا لسانك

تحياتي

[ابو عبد العزيز]

صبحك الله بالخير يا مفتون صيد اشكرك على ردك ومعلوماتك القيمه بس انا مشكلتي اني مغرم بشي اسمه الماني او انجليزي لجميع امهات صتمه اما الانواع الاخرى اني لا اثق فيها البته وعلى طاري الانجليزي عندي وحده اسمها باتريوت وشاريها ب1800 ريال بس مشكلتها الوزنيه كل ما ترمي 20او 30 يبيك تازنهابعدين ترجف من قوي السبرنق تصدق جميع مساميرها تقطمت وانا مدريت الا يوم صارت متخلخله جيت اكرب عليهن حصلتهن متقطمات واروح لم المخرطة علشان يفكونهن قالو معصي لا زم ورقه من الشرطه قلت هذي والله النشبه علمن ان عندي تصريح المهم وديتها للرماية في الرياض وسوها ب 15 فقط بس قوية يعني قوية وتقطع الدخل تقطيع اما الالمانيات فيا كثرهن عندي بس للدخل عندي 27 قديمه بس ارم وانت مغمض وتصيد الدخل وهي احسن وحده للدخل اما الصفاري فهي عطية الله البرنو والقميري المقنو ام خمس بس اطلب الله يكثر النزل فانا والله مشتاق للمقناص .
وتقبل فائق تحياتي يالغالي

[مفتون صيد]

مشاء الله الله يطرح فيهن البركه ........ والله يجيب النزل


تقبل فائق التحيه;)

[حرمل]

السلام عليكم،

بما اني من هواة الصيد، طبعا المجرم في الامارات، والي قد تصادرت لي سيارة بسببة. حبيت اشاركم في هالموضوع الممتع، وانا حاضر لاي خدمة بما يختص بالحدود الجغرافية للامارات وعمان.


نرجع لموضوعنا، عن سلاح الصيد، وبالنسبالي افضل استخدام الديانا 85 الي تنخلع من الجنب عيار 4.5 بالفعل قوية وتجيب الحمام من مسافة 30 متر ويعيبها شدة الارتداد، وعندي ديانا القديمة شاريها من 17 سنة وبالفعل اعتبرها احسن ام صكمة مرت علي لانها بالفعل مقاومة للضروف لا وممكن تصيد القوقسي من مسافة 20 متر ونيشانها ما يتحرك ابد. اما عن البنادق الهوائية الحديثة فالقومو دلتا ممتازة للدخل تشيل 8 طلقات ونيشانها فسفوري ودقيق ومداها 4 متر خفيفة في الوزن وسعرها بحدود 350 درهم. اما بالنسبة للموديل الجديد من الديانا 350 ماغنوم فهي بالفعل قوية وتصلح للحمام الى مسافة 40 متر بس عيبها شدة الارتداد ووزنها معقول وسعرها بالامارات 1000 درهم.

وبالنسبة للخرازات فافضلها بالنسبالي مسدس النورينكو اولومبيا يشيل 8 طلقات خفيف وتصويبة ممتاز بالقياس لحجمة

[مفتون صيد]

هلابك اخوي حرمل في منتدياتك ونتمنى اننا نعجبك وتستمر معنا وتعطينا اللي عندك

وعساك على القوة ........ وودنا تعطينا معلومات عن المناطق انت اللي ذكرتها بين الامارات وعمان ..

وصراحه بالنسبه للاسعار اللي انت ذكرتها تعتبرون انتم ارخص مننا ........بلاش