البنات مخلوقات عجيبات !!!!!

[غيور الحوطة]

البنااات مخلوقات ....

السلام عليكم ورحمه الله وبركاته

قال احدهم البنات مخلوقات عجيبه

اذا مدحتها تعتقد انك تكذب .. واذا ما مدحتها فانت لا تصلح لشئ ..

اذا توافقها فانت ضعيف .. واذا ما وافقتها فانت ما تفهم ..

اذا زرتها كثيرا فانت غثيث .. واذا تزورها قليل فانت غير مهتم ..

اذا تلبس زين وتتكشخ فانت مغازلجي .. واذا تلبس عادي فانت رجل مهمل ..

اذا تغار تقول انك زودتها .. واذا ما ابديت غيره تقول انك ما تحبني ..

اذا تاخرت دقيقه تقولك ما تدري ان اصعب شئ هو الانتظار .. واذا تاخرت هي تقولك امور بنات ..

اذا تزور ربعك تقول انك تضيع وقت.. واذا هي تزور ربيعاتها هذا شئ طبيعي ..

اذا ما توقف لها عشان تقطع الشارع فانت ما عندك اخلاق .. واذا وقفت فانت واقف تتفرج ..

اذا تشوف بنت ثانيه فانت تغازل .. واذا شافوها الرجال قالت : انهم معجبين ..

اذا كانت تتكلم تبيك تسمع .. واذا كانت تستمع تبيك تتكلم ..


منـــــــــــــــــــــــــــــقــــــــــــــــــ ـــــــــــــــــــــــــــــــــــــــــو ل

[وراءالكواليس]

لكن انشاء الله مهوب بناتنا(اهل سدير وما حولها)

لكن الله يعينك عليهم


بيجونك هالحين


كل وحدة متتفخة من الحنقه عليك....وودهم لو يلقطونك عشان يمصعون رقبتك


والا تمعط شعرك....


او حتى تقبصك




تحياتي لكم

[Sub_Zero]

غيور الحوطه وراك علينا

بس ترى هالكلام ماينطبق على كل البنات

ببدا اتفلسف

اما بالنسبه للاولى فهي بالعكس تماما البنت ودها يمدحها الرجال
الى بكره :o

الثانيه
ازين مافي الرجال قوته وحزمه مع الحرمه مع انها تسوي نفسها ماجاز لها الوضع
بس في قلبها تقول وش هالرجال الشقردي

الثالثه مساله اللبس والتكشخ يعني هو احيانا يكون راعيه مغازلجي
بس بالنسبه لي يعجبني الرجال المحيوس

الرابعه الغيره بحدوووووود

الخامسه والسادسه شكلها صح

السابعه بالنسبه لي انا مااحتري احد يوقف لاني اوقفهم بنفسي (اذا انصدمت يوم لاتستغربون )

الثامنه هذي قويه مرررررره وقسم لو اشوف واحد يناظر حرمه ودي اروح واطلع عيونه

تعبت ادري كثرة الهرج بس موضوع وانفتح

تشكرااااااات ياغيور الحوطه

[ابو عبد العزيز]

غيور الحوطة موضوع حلو ونبي الردود باتزان ولك مني جزيل الشكر
وانت ياصب زيرو ردتس عين العقل وشكرا

[غيور الحوطة]

أخواني على تواصلكم ومروركم ( وراء الكواليس ، sub -zero ، isz ) وترى مواضيعي هنا إنما هن َّ منقول وليست من بنات أفكاري أوقراريح إبداعاتي ، ولكم وللقراء اصدق الود وعظيم الامتنان ولسديرنا كل توفيق وازدهار 0000

[ابن الجزيرة]

انت رهيب ياغيور

اذا كانت تتكلم تبيك تسمع .. واذا كانت تستمع تبيك تتكلم ..
بس هذي حبيبي صعبة جدا

ماجعل الله لمراي من قلبين في جوف

لكم مايهز الهواوي اي ريح يابنات سدير

[عاشقة سديـــر]

موضوعك رووووعه اخ غيور الحوطه


تصدق بعض الاشياء اللي ذكرتها من جد حقيقيه في البنات ....واهمها

اذا زرتها كثيرا فانت غثيث .. واذا تزورها قليل فانت غير مهتم ..


اذا تغار تقول انك زودتها .. واذا ما ابديت غيره تقول انك ما تحبني

لاني طبقت هالملاحظات على نفسي مع اخواني طبعا ومن جد كلامك يحكي الواقع

بس مسألة الغيره عند معظم رجاجيلنا السعوديين الله يهديهم ما فيها حل وسط

وهذي من جد مشكله .

يعني يخليها تسولف مع اخوانه واقاربه كنهم محارمها والا جت تطلع السوق خلاها تلبس العبايه المخصره

اللهم لك الحمد يبيها تتزين قدام خلق الله ياخي وين غيرتك عليها ترى معناتها انك ما تحبها والا لو انك تحبها

غرت عليها ..

والا ينكد عليها حياتها قال ايش ...اغاااااااااااااااااااااار

خير الامور الوسط ........واكيد انا ما اقصد الجميع ........

وفيه مسأله ثانيه وهي الكلام الحلو ........

بس تدرون ودي اخليها في موضوع منفصل عشان ما اخرب موضوع الاخ غيور الحوطه

اسفه تحمست وطلعت عن الموضوع

سلامووووووووووو

[ابو عبد العزيز]

ماعليش امسكي فرامل وارجعي للموضوع

[غيور الحوطة]

على تواصلكم أخوني ( وادي أبا المياه ، ابن الجزيرة ، عاشقة سدير ، isz) وأنتي يا عاشقة سدير خرجت عن الموضوع ونبهتي لازدواجية خطيرة في التفكير لكثير من الرجال هداهم الباري عز وجل فهم يعرفون كلمة غيرة ولا يعرفون يطبقونها على أرض الواقع فهداهم الله أجمعين آمين آمين آمين 00 وحفظ لنا القوارير وجعلهن َّ بالصحابيات مقتديات 00