استفسار ياشباب سدير لو تكرمتم

[مسافر بيتوتي]

السلام عليكم ورحمة الله وبركاته
يسعد مساكم او صباحم جميعا .... كل واحد والوقت اللي يقراء الموضوع فيه

انا ضيف عليكم هنا واول مشاركه لي هذي المشاركه وإن شاءالله تكون البدايه .

استفساري بسيط عليكم وعلى كرمكم وصعب علي ......

اريد ان اعرف جميع اماكن التمشيات والكشتات اللتي تنصحون بها وتمون قريبه من الحوطه .. بحدود 50كيلومتر ..وياليت لو تكرمتم بالأسم والوصف الدقيق للمكان ونوع المكان اذا ماعليكم كلافه .. اوديه طلح وغيران ( جمع غار ) .

ولكم فائق التقدير ..

وارجو ان ماتبخلو علي

تحياتي

[عبدالعزيز]

ياهلا ومرحبا

وزارتنا البركة

بالنسبة لاستفسارك فانا بعرض بعض الشي عن بران العودة لاني اعرفها اكثر من غيرها

الطلح فيه شعيب الودي ورا العودة ب 25 كيلو تقريبا

الوصف تتعدى العودة مع الطريق العام وجهك جنوب تقريبا تتعدى مفرق وراط ( ضاحك) بعدها يجيك مزرعه لابوحيمد بعد 20كيلو تقريبا تدخل بعدها على طول يمين وتمشي شوي ويجيك الشعيب

اما الغيران فيه غار الاول غار ضاحك تلف مع وراط اللي بعد الصيانه تطلع طلعه بعدها على طول تنزل يسار وتلقاه يسارك

والثاني غار ابا ثليمه تتعدى مفرق وراط حق ضاحك ويجيك قصة جبل تتعداها بعدها قصة جبل الثانية تلف يمين ثم تمشي 3 كيلو وتلقاه في وجهك

اتمنى اني افدتك

[مسافر بيتوتي]

الله يبارك فيك شيخ شمر
وبيض الله وجهك .. والله لايهينك على تجاوبك السريع

وننتظر المزيد

[ابو هاجر]

ودي افيدك بس للأسف ما أعرف الاماكن المناسبة هناك وموفق يالغالي

[مسافر بيتوتي]

لاهنت اخوي حيدره
ودخولك وردك على الموضوع بحد ذاته كرم منك .

تسلم

[ابن الاجواد]

شعبان الطلح والسدر والسلَم :

الودي بالعودة

وراط بالحوطة

المحالب بالروضة

مزيرعة بجلاجل

الأرطاوي بالشحمة

كلهن عن الحوطة دون الخمسين بالتأكيد ..

الودي ووراط والمحالب قريبات مرّة من حوطة سدير

[أبو زياد]

[align=center].. يا هلا وغلا وحياك ربي وما عندي علم والشباب إنشاء الله بيفيدونك ..[/align]

[يـــزيـــد]

السلام عليكم

الله يحييك

فيه في جلاجل قرابة 5 غيران كلها بجنب بعض

وتدخل لها مع سد جلاجل وممتازة ومهيئة للجلوس وبعضها مزوده بتانكي ماء

[ابن الاجواد]

عندك أيضاً روضة عيدة ( بين التويم وجلاجل .. يمين الخط وأنت متجه شمال )

وعندك بعد روضة مزيرعة ( غرب جلاجل وأنت ماسك طريق الداهنة قبل النزلة الأخيرة تلقى مكتوب مزيرعة ومربوبة على يدك اليمين .. تمسك الخط الترابي إلين يذبك في الروضة )

طبعاً ميزتهن إذا جاء ربيع ..

روضة عيدة ما بها شجر

لكن روضة مزيرعة .. ما شاء الله تبارك الله .. مليانة طلح وسدر على كيف كيفك

[هاجوس.]

.. يا هلا وغلا وحياك ربي وما عندي علم والشباب إنشاء الله بيفيدونك

[مسافر بيتوتي]

الأخوان الكرام

ابن الاجواد

أبو زياد

حمد

يـــزيـــد

هاجوس.

الله لايهينكم جميعا ويعطيكم الف عافيه على المعلومات
بس ياليت يكون الوصف ادق وبالنسبه للغيران ياليت الوصف الدقيق مع ذكر اساميها
واسف على الاطاله وتحملوني

وشاكر لكم مقدماً

[قلم رصـــاص]

ان شاء الله الشباب يفيدونك

[سهم محترف]

الله يبارك فيك شيخ شمر
وبيض الله وجهك .. والله لايهينك على تجاوبك السريع