نعيد أيام الطفلة ( إبتهال ) للشاعر أحمد بن مناور الميموني ...

[فتى حائل]

( بسم الله الرحمن الرحيم )

بنتٍ صغيره عمرها أربع سنيـن

امن البـراءه تبتسـم للخلايـق

عن بيت ابوها روحت بس مترين

بنتٍ صغيره ماتعـرف الحقايـق

ماتدري ان الناس فيها شياطيـن

كم واحدٍ شبـو بصـدره حرايـق

رحتي بريه ياابتهـال الرحاميـن

على يدين اللـي للاطفـال بايـق

ناسٍ بلارحمه خسـاسٍ خبيثيـن

عن والدينك واضعيـن العوايـق

خذوك ثم رحتي ولاادري على وين

وابوك وامك يحسبـون الدقايـق

من يوم غبتي يالصغيره عن العين

والأم تبكي والأبـو صارضايـق

ويالله تعين الوالديـن المساكيـن

ايشوقهم لمشاهد البنـت شايـق

نخو جميع الناس والبحث لالحين

البحث جاري من جميع الطرايـق

والآن انا ابدعي وابي قول آميـن

رد البنـيـه يـاالـه الخـلايـق

رد البنيـه سالمـه لرحيمـيـن

للوالدين اهـل القلـوب الرقايـق

ويارب بدل عسر الاجواد بالليـن

الصبر طال ولا له اليـوم طايـق

والوالدين اليوم صارو مريضيـن

مافيهم اللي عقبها صـار رايـق

الفكر مشغولٍ يبـا قـرة العيـن

والنوم راح وصار ماهوب لايـق

يارب فرجهامضى اليوم عشريـن

عشرين يوم مسجلـه بالوثايـق

على الأبو والأم واللـي قريبيـن

واللي بعدمما حصل صارضايـق

وصلاة ربي عد نبـت البساتيـن

وعدالمزون اللي مطرها حقايـق

على نبيٍ علـم النـاس بالديـن

واكبر مصيبه موتتـه ياالخلايـق