بصوت الشاعر محمد السكران- مرثيه القصر واخيه سعد

[سلطان العضيدان]

[align=center]


[rams]http://www.eqla3.com/sh3r/voice/sk01.ram[/rams]

مرثية الشاعر محمد السكران - يرحمه الله - في اخيه سعد وكذلك يرثي قصر ابن سكران بعد وفاة اخيه
والحقيقة قصيدة محزنه والاحزن صوت الشاعر المعبر بلهجة شعبية .. واترككم مع القصيدة ,,,

[poem=font=",4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] يا الله يا رب عليً و نرجيك = تزول عنا الشر والمكرهيه
يا رب يا معبودنا والخلف فيك = تجبر مصيبتنا عليك الشكيه
يا ربنا نركع ونسجد ونرضيك = تعوض فاللي ما رجينا مجيه
صلوا عليه الصبح يا قصرنا فيك = صلاة ميتٍ ما شرعله تحيه
شا لوك من قصرك لقبرك وبانيك = للموت ما لي يا سعد مقدريه
ما هو بلا هوش ولا مال نشريك = هذي تدابير الإله الرضيه
والموت لو أمهلك ايام قافيك = وليا وصلك الموت جتك المنيه
يا قصر ابن سكران هو وين راعيك = قال ارتحل والغرس خلاه ليه
قصراً لابن سكران حامي نواحيك = يومٍ علي موجود حامي مديه
يا قصر لا تبكي ترى العود يوحيك = العود يوحي ابكاك ما لك ادعيه
يا قصر لا تبكي ليا جيت ناصيك = ابكاك يبكيني ولا به زريه
يا قصر لو شديت والله ما اخليك = إني لزورك كل صبح وعشيه
تبكي على اللي شد يا قصر وابكيك = اليا ذكرت ابك العلوم الطريه
لا تحسبني يا قصر زاهدٍ فيك = و الله ماني ناسيك والروح حيه
يا قصر هذي دبرة الرب واليك = هذي تدابير الإله الخفيه
يا قصر يا زينك ويا زين إهاليك = والجار ما قد جاه منهم شكيه
يا قصر يا زينك ويا زين طاريك = طاريك يبرج روحي اللي خفيه
يا قصر يا زينك وما احسن سوانيك = يوم محاليك السباع الضريه
يا قصر يا زينك وما احلى قهاويك = كيف وسواليف الجماعه طريه
سوالفٍ مع الجماعه اتسليك = ما صبوا الفنجال من زمزميه
وانا اشهد إن الرب يا قصر حاليك = لا قالوا ان الصبح عيد الضحيه
يا زين شمس الصبح وإن شعشت فيك = عقب صلاة العيد ذبح الضحيه
ويا ما حلا نشر الدبش في مفاليك = من العرق إلين القصر كله ارعيه
يا قصر يا مابركن النضا فيك = يا ما برك فالسوق من صيعريه
فقيرهم عند المواجيب يقريك = وانفوسهم عند اللوازم غنيه
خلوك اهلك اللي تشيد مبانيك = يا ما اغرسو بك واحفروا كم ركيه
واللي حفر ساسك احفرله مقاديك = اهل السخا والدين واهل الحميه
دفنوا بحزم المقبره في نواحيك = يا الله عساهم للأجنان العليه
حياتهم راحت سواليف وانبيك = خذهم من السكران عجل المنيه
تقاصروا بالحزم عيوا ما هم فيك = تقاصروا ولا لهم فيك نيه
يا قصر لو شديت أنا لي رجا فيك = يشهد علي الله وتشهد ايديه
شالوني اعيالي وانا رغبتي فيك = شالوني اعيالي مع البندريه
لو قلت انا ما روح قالوا انخليك = وانا كبير السن حالي ونيه
لا شك جعل السيل يملى مغانيك = من بارقٍ من مزنةٍ عقربيه
يسقي اغروس فيك واثلك واراضيك = يا ما حلا ذيك الرجوم العذيه
يا قصر واللي واطي الناس واطيك = واللي قعد هاليوم يرحل قفيه
واللي كوى قلبي من الهم كاويك = والموت ما خلى حدٍ مرحميه
وصلاة ربي عد ما حل طاريك = صلاة ربٍ خص فيها نبيه [/poem]
[/align]

[سعود الخليل]

يامال العافيه يا ابو أحمد ...

انتقاء رائع وقصيدة اكثر من جميلة للشاعر المبدع محمد السكران رحمه الله واسكنه فسيح جناته ...

له عدة قصائد وقصص جميله كانت عندي في شريط وكان ملتقي معه الراوي محمد الشرهان ،،،ولعل اجمل قصائدة غير هالقصيدة طبعاً قصيدة مرثية زوجته رحمها الله ..

[سلطان العضيدان]

راعي الأوله

رحم الله الشاعر الكبير محمد ابن سكران شاعر مجيد وشاعر جزل

وقصيدته في زوجته بكل صراحه محزنه ,, واجادة في التعبير الشعري
وهذا ليس بغريب على شاعر كبير مثل محمد بن سكران ..

ولعل ان وجدناه نطرحها ان شاء الله

وشكر لك على راعي الاوله على مرروك