~*¤ô§ô¤*~حدود الصعب ~*¤ô§ô¤*~

[طالبة المعالي]

~*¤ô§ô¤*~حدود الصعب ~*¤ô§ô¤*~

تجهز و انطلق و أثبت وجودك وأهجر الخـذلان

تخلَّص من حواجـز ضعفـك الكـاذب ودمرهـا

على نار الطموح اشرب من دلال الأمـل فنجـان

ومن هيل التحدي .. قِمْ.. وعود العـزم بَهِّرهـا

أبيك تفصّل بنفسـك ثيـاب الصبـر والإيمـان

وحاذر من (مقص اليـاس) حـاذر لا يقَصّرهـا

أنا ما أبيك تحبس نفسك بنفسك ورى الجـدران

و باسم (إنك معاق) تحطِّم أحلامـك و تهجرهـا

إذا عجزك (عمى) كوّن من أسماعك صور وألوان

تـرى نـور البصيـره ظلمـة الدنيـا ينوّرهـا

و إذا عجزك(شلل) فالروح ما تنشل عند إنسـان

تَحَرَّك.. سافر بفكرك و لـفّ الأرض و اعبرهـا

وإذا عجزك (بَكَم) خَطّك لسانك... والعيون أحيان

هي أبلغ حرف يحكي عن أحاسيسـك وينشرهـا

وإذا عجزك (صمم)سمعك كتابك... والفؤاد أحيان

يسَمّعك الحقيقـه قبـل مـا غيـرك يصوّرهـا

ألا يا صاحبي دام إن لك عقـلٍ و لـك وجـدان

معـك نعمـه حـرام بعالـم الإحبـاط تقبرهـا

وإذا بك نقص صدق صاحبي ممكن ترى ما يبان

إذا تبـرز مواهـب نفسـك الحـره وتِظْهرهـا

تأمـل نفسـك وحـاول تعـدّل كفـة الميـزان

و دَوّر داخلـك عـن موهبـه تقـدر تفجّـرهـا

تخلي الناس عن نقصك و عجزك صاحبي عميان

و بِـك مايذكـرون إلا فعـالٍ طـاب مَخْبَـرْهـا

لا تَبْني في خيالك سجن فيه المجتمـع سَجَّـان

و تجلس خلف قضبانه دموع الضعـف تنثرهـا

و لا تحزن إذا ما انفض عنك الأهـل و الخِـلان

ما دام الله معك عينك بشـوف السعـد بَشّرهـا

أنا ما أبيك يوم تقول أنا عاجز و لا لـي شـان

و لا أبغيّـك تزجـر ذاتـك بعجـزك و تأسرهـا

أبيّك أقوى و أصلب من جنود الضعف و الشيطان

تِقَوِّي نفسك بنفسك علـى العجـز و تِصبّرهـا

تحرّر من قيودك ما نبي (لخيل الطموح) عنـان

و زيّن صفحـة التاريـخ بأمجـادك و سطّرهـا

و عمِّر لك سفينه و أنت لهْ يا صاحبـي ربـان

و بسم الله تشق أمواج حزنـك بـه و تَكْسِرهـا

أبد ما هو معاق اللي تحدى العجز مهمـاً كـان

إذا بالله تـحـدى إعاقـتـه لابــد يقهـرهـا

أبد ما هو معاق اللـي يحـاول يفتـح البيبـان

و يكْسر قيد عجزه لجـلْ مـا روحـه يحرِّرهـا

تأكد إن لا الوحده /و لا الغربـه /و لا الخـذلان

تِعَكِّـر صفـو روحٍ دوم ذكــر الله يعطّـرهـا

ما دام اليأس ما يعرف لقلبك صاحبـي عنـوان

(حدود الصعـب) بالله ثـم بالتصميـم تعبرهـا

الـشـاعـرة:ريـوف الـشــمــري

[خفوق إنسانة]

الله يعافيك ع القصيده الرائعه تسلمين

[طالبة المعالي]

هلا حياك الله أختي الفاضلة دانة المجمعة .. أشكر لك حضورك الرائع والمتواصل .. أدامه الله وأدام عليك نعمة الصحة والعافية ..

[عمر بن عبدالعزيز]

قصيدة ذات معاني جميلة

أشكركِ على الإنتقاء

بوركتِ

[طالبة المعالي]

العفو أخي الفاضل .. شاكرة لك وحياك الله ..