علوش بن ظويهر رحمه الله

[النبع]

السلام عليكم ورحمة الله وبركاته
طرت على بالي قصة بن ظويهر في احد المجالس وحبيت انقلها لكم

علوش بن ظويهر..من قبيله عنزه..
علوش كان في مضافه بن رشيد ..وفي
أحدىالايام..وكان الديوان مليان..من الرجاجيل والضيوف..وهو يقول بن رشيد صاحبالديوان..

القهوه..وهم يقومون الصبيان يدورون على الضيوف..ويقهونهم..وشويوهو يوصل الدور لابن ظويهر..ويومه شرب الفنجال وهو ما يعجبه..وهو يكبهوراه..

في اللحظه هذي شافه بن رشيـد وماعجبه فعل بن ظويهر..وهو يقولله..

وش نوحك سفيـت الفنجال ياعلوش..===>>> يعني وراك كبيتالفنجال..

وهو يقول علوش ..ابد طال عمرك مالي نظر في القهوه اليوم..طبعاهالكلام ما اقنع الشيـخ..وهو يقول له ابداً انت لك يومين عندنا..وتشرب من قهوتنا وشنوحك اليوم..

والمهم وهو يضغط عليه بالكلام..الين ماقاله علوش..ابد طال عمركبس قهوتك صايده اليوم..وهو يقول بن رشيد..وش يعني صايده..وهو يلتفت على اللي جنبه
وهو يسألهم وش رايكم بالقهوه..وهم يقولون ابد طال عمرك ماذقنا اطيب من قهوتك .


المهم..وهو يسأله بن رشيد وش هي صايده قهوتي..وهو يقوله ابو عوف طالعمرك..ابو عوف هذا اكبر من النمله ..ويسمونه القعيس بعد
طبعا الامير ما عطاهبال ولا صدقه..ويومه علوش شاف السالفه كذا وهو يقوم
ويقول رقبتي لك رهينه طالعمرك اذا ماكانت القهوه صايده ابو عوف..

وهم يروحون يكبون ==>>الدلهالكبيره اللي مسوين فيها القهوه..

ويجدون فيها ابو عوف..وهو يستغرب بن رشيدقال وشلون عرفت..

وهو يقول علوش..ابد طال عمرك القهوه صار فيها طعم حموضه منابو عوف..

وقام بن رشيد وهو يسأل الصبيان اللي عنده كم بقى له بن ظويهر فيالمضافه عندنا..وهم يقولون له يوم والا يومين..وهو يقول لهم لا تخلونهيمشي..ابيه..

وذهب الامير ويسأل اللي عنده ويقولهم وش اللي لو خلطناه فيالقهوه مايبين؟؟؟ وهم يقولون له ورق العرفج..وهو يأمرهم انهم يحطونه في القهوه اللييتقهوى منها علوش ويومه تقهوى وهو يسأله بن رشيد ها ياعلوش..
تتطعم بقهوتنا شيء؟وهو يقول ايه طال عمرك القهوه صايده ورق عرفج .
وقام بن رشيد ويسأل ربعه نبي شئما يعرفه..المهم وهو يقولهم يحمسون(( فنجال محروق)) وفنجال ((ني))..ويخلطونهمويسوون القهوه منها..وهم يسألونه وهو يقولهم بها طعم ((نياه ))وطعم ((حراق))
..


وهم يفكرون بشئ مايكشفه..وهم يحطون الأراك ..قشرالمسواك..وهو يسأله بن رشيد ها يا علوش تطعم بقهوتنا شئ؟؟..وهو يقوله ايه طالعمرك..بها طعم مسواك..


وهو يقوله بن رشيـد تدري ياعلوش..كل ماشفت الهلالمثل الباكوره في القبله وجهك واشوف..====>>>يعني تعال عندي.. وترى كلماينوب قهوتك ومعاميلك علينا ..
وكان من المتواجدين محمد الذويبي من قبيلة حربفقال :

هذه القصيده :

تستاهل الكيف الحمر يابن وايل=انت الذي تستاهلالكيف كله
اللي نقدته وسط ديوان حايل=لولاك ياعلوش محدن فطن له
بدلال من يقعدصغا كل عايل=الضيغمي ريف الايدين المقله
الضيغمي مردي المهار الاصايل=يامنقطع فيساقته من سجله
يابن ظويهر مابها قول قايل=تستاهل الفنجال لا جا محله
ياناقدالفاقد بحكم الدلايل=ياريف هجنٍ والمزاهب مقله
ربعك بني وايل مذاد القبايل=اهلالجموع الراسيه والمظله
زبن الدخيل اللي تواطاه طايل=الجمع دونه والرمكمنكهله

فجاوبه علوش ابن ضويهر وقال :

يا بن الذويبي يا رفيع الحمايل = لاهنت يا زين الهليب المتله

ان جاء نهار فيه صايل وجايل = والكل سيفه ممنجفيره يسله

يوم يخوف به رجيف الاصايل = وتبينت بالقوم ريبهوذله

والدم من ضرب المزاريج سايل = والسيف هامات الجماجم عشا له

كمراس فرز من علابيه مايل =من كف شغموم ابشلفاه شله

يا درع من صكت عليهالدبايل = يا ملحقه من بين قوم امفله

يا حامي المظهور يوم الهوايل = يوم بهالديان ياخذ افضله

طير مجرب ما يصيد الهزايل = سوه على الخرب المطرف عشله

يا معجب بالسوم راعي العدايل = وان جن في المنكاف مثل الاهله

منلابة لها فعول جزايل = الطيب يظهر والفعايل مدله

ارجو ان تكون اعجبتكم لكم تحياتي ,,,

[النبع]

المشاركة الأصلية كتبت بواسطة حمد   ما شاء الله عليك اخي النبع متميز دااااائما القصه والقصيده من أشــهر القصص اللي نسمع عن القهوة والحين من النادر تلقى الشخص اللي يقدّر فنجال القهوة و يشربه بكيف يعطيك العافيه على هالإختيار المتميز

اخوي حمد اشكرلك مرورك ومداخلتك وفقك الله ,,,

[بن جعيثن]

أسمح لي يالنبع ...

و الله إن العبرة خنقتني و أنا أقرأ أبيات المجاراة ...

شكرا على هالإيراد ...

و أسمح لي بس .. أقول ليتك ناقله بإملاء و كتابة صح بس ...

شكرا يا النبع .. ألف شكرا ...

محبك ...

بن جعيثن ...

[أبو حمـد]

المشاركة الأصلية كتبت بواسطة بن جعيثن   أسمح لي يالنبع ... و الله إن العبرة خنقتني و أنا أقرأ أبيات المجاراة ... شكرا على هالإيراد ... و أسمح لي بس .. أقول ليتك ناقله بإملاء و كتابة صح بس ... شكرا يا النبع .. ألف شكرا ... محبك ... بن جعيثن ...

بارك الله فيك أخي النبع ،، وهي قصة تتداول حولها ثلاث روايات مختلفة ،، وكل منها يجزم راويها ،، أن روايته هي الصحيحة ،،

وما ورد أعلاه ،، يعتمد على رواية الراوي المعروف محمد الشرهان ،، والتي دار حولها الكثير من الجدل ،،

وللأخ أبو فارس أشكرك على غيرتك على اللغة ،، ولعل السبب هو ما ذكره الأخ النبع بنقلها من المنتديات ،، لذا فيما يبدو أن النص الأساسي المنقول منه ،، لم يراعي العناية بالأخطاء الإملائية ،،

وشكراً ،،

[طالبة المعالي]

وعليكم السلام ورحمة الله وبركاته ..
بوركت أخي القدير النبع على هذا المنقول الرائع ..

بالنسبة للأخطاء أعتقد هو فقط تشابك الحروف فلو تركت مسافة كافية بين كل كلمة وأخرى حتى لايحدث هذا التشابك << يحصل معنا أحياناً هذا الشيء

[النبع]

اشكر جميع الاخوه والاخوات على مشاركاتهم ومداخلاتهم ويقولون القاري يغلط والاخطاء الاملائيه من تشابك الحروف على كلام الاخت هند وسامحوني ها المره لان عندي امتحانات بس ادخل ماودي افقدكم الله لايفرقنا بشر لاني اعتبر كل اللي في المنتدى اسره وحده جمع الله شمل الجميع بالخير لكم مني ازكا التحايا واعطرها دمتم بخييييييير ,,,

[أبو حمـد]

ياهلا النبع ،، وموفق إن شاءالله ،، وشد حيلك ،، وركز على المراجعة السريعة قبل الإمتحان ،،

فهذه تظل بالذاكرة ،، لقرب عهدك بها ،،

بالتوفيق إن شاءالله ،،

[النبع]

المشاركة الأصلية كتبت بواسطة حمد ولد أبو حمد   ياهلا النبع ،، وموفق إن شاءالله ،، وشد حيلك ،، وركز على المراجعة السريعة قبل الإمتحان ،، فهذه تظل بالذاكرة ،، لقرب عهدك بها ،، بالتوفيق إن شاءالله ،،

اخوي حمد ولد ابوحمد اشكرلك مرورك ويالله التوفيق ,,,