/
/
/
اليوم نبي نطلع عن المواضيع الروتينيه يعني مآإرآإح اجيب قصه علشان محد يطفش ولا راح اكتب موضوع عن السحالي والتماسيح وينها فيه حديقة حيوآإن معد باقي الا صورة ديك وتصير حديقة حيوآإن رسميه << تراه قآإعد يذب على اللي يكتبون زي ذي الموآإضيع
اليوم نبي نتكلم عن شي في حيآإتنآ اليوميه وراح نعطيكم مواعض عنه طبعا مآإراح اتكلم عن التدخين والمخدرات وذي القروشه بالعكس راح اتكلم عن شي يستانس عليه الشعب السعودي راح نتكلم عن التسليكـ التسليكـ في المجتمع السعودي شي وآإجب لكن بحدود . . يعني الانسان مو مشكله يسلكـ لكن لايسلك وآإجد علشان مايتعب وهو يعطي العالم جوهم
ماهو التسليك :
التسليكـ : هو ان تعطي المتحدث جوه يعني تمشيله وتحسسه انك مهتم ومتحمس لسالفته وانت منتب يمه او دآإري انه تسذوب او سآإمج
احكام التسليك :
فيه احكام لـ التسليكـ . . خلنا ناخذها بالترتيب
1- تسليكـ واجب [ هذا التسليكـ لما ابوك ولا امك قاعدين ينكتون وانت تضحك وتسلكلهم غصب . . حتى لو كآإنت النكته سامجه لكن واجب تضحك لان لو ماضحكت يعتبر من عقوق الوالدين ]
2- تسليكـ واجب [ مثلا لو خويك قاعد يتلاسن هو وواحد ثاني وجاء خويك وذب ذبه على اللي يلاسنه . . في ذا الوقت واجب انك تضحك حتى لو كانت الذبه سامجه لانه خويكـ ]
3- تسليكـ مستحب [ هذا لما تقابل واحد من زمان ماشفته او تقابل واحد اول مره تشوفه او واحد توكـ متعرف عليه وقال لك نكته . . المستحب انكـ تسلكله حتى لو هي سآإمجه ]
4- تسليكـ فرض كفايه [ هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلكـ طالب واحد سقط التسليكـ عن الطلاب الباقين ]
5- تسليكـ حرآإم [ هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حرآإم لانه من الغيبه ]
متى تترك التسليك وتبدأ بالتزبيد :
يعني فيه شي يخليك تترك التسليك وتقعد تزبد لـ العالم . . مثلا واحد دايم يفقش عليك ويعطيك من الرخيص وانت عارف انه كذوب بس تسلكله . . عاد انت طفحت من كثر ما يكذب . . في هذي الحاله اتركـ التسليكـ
واقعد ازبدله وقله مع احترامي لك انت كذاب << بالله وين الاحترام فيه . . يعني هذا النوع ماينفعله الا التزبيد انت سلكله في البدآإيه بس اذا شفته زودها علطول ازبدله
فلسفة :
التسليكـ شي حلو ويجعل المجتمع مترابط اكثر واكثر ويعم بالسعاده على افراد المجتمع لأنك تعطي المتحدث جوه وهو يحبكـ لانه يحسبك متحمس مع سالفته . . وهذا الشي يجعل المجتمع يسود بين ارجآإئه المحبه والألفه . . انا شخصيا احب اللي يسلكلي بس مو مره يعني يسلكلي في وقت الازمآإت . . [ زي مره قلت نكته في فصلنا وماضحك منها الا وآإحده طبعا واضح انها تسلكلي بس اهم شي انها طلعتني من الاحرآإج . . وبصرآإحه حبيتها من بعد ذآإك اليوم ]
ما يستفاد :
1- لازم تسلكـ بس مو مره يعني على خفيف
2- لاتنكت وآإجد ولاتسولف وآإجد لان بيجي اليوم اللي يزبدون لك الناس فيه
3- يجب عليكـ التحلي بـ الاخلاق السعوديه
26-04-2009, 12:31 AM
التسليك
؟
، تفاعلت وحزّنت معها
..
العرض العادي
