لانى أحب البنات .....الفرق بين والدك وزوجك

[محمود الغرب]

يا ترى ايه راى البنات فى الموضوع ده ؟

مع بابا : دخلتى المطبخ ما دخلتيش .. كله واحد وممكن باباكى يساعدك
مع زوجك : مش بمزاجك .. ها تدخلى .. هاتدخلى

مع بابا : فى العيد بيديلك العيديه وفوقيها بوسه ..
مع زوجك : بيقول انت خلاص كبرتى على الحاجات دى

مع بابا : بتنامى وتصحى وقت ما انتى عايزه ..
مع زوجك : وقت ماهو عايز .. او مع مواعيد شغله.

مع بابا : بتشترى هدومك ومكياجك وكل اللى انتى عايزاه .. ويقولك حلو قوى عليكى
مع زوجك .. بيشترى لك برضه .. لكن ما قل ودل .. ويقولك فلوووووووووووووووووسى والمرتب

مع بابا : لو حصل حاجه مثلا و كنتى زعلانه .. بيزعل عشانك ..
مع زوجك : بيزعل منك .. ويلومك ازاى تزعلى اصلا

مع بابا : كلمه حلوه ترضيه ..
مع زوجك : طول الليل تحايلى فيه

مع بابا : وانتى عيانه .. سهران جنبك طول اليوم
مع زوجك : بيروح ينام فى الاوضه التانيه.

مع بابا : لما تدلعى عليه .. بيفرح بيكى
مع زوجك : بيقولك ..اكيد عايزه حاجه

مع بابا : لما تقولى له .. ده حصل كذا وكذا .. بيهتم ويصدقك
مع زوجك : بيقولك .. الموضوع دا وراه ان .. ويشك فى كلامك

مع بابا : لو شافك بتعيطى ها يمسح دمعتك
مع زوجك : ها يقولك يادى النكد

مع بابا : لو حاطه ماكياج فاقع شويه.. ها يقول لك الهادى عليكى احلى .. وانتى احلى من غيره خالص
مع زوجك : ها يقولك شكلك زى عروسة المولد

مع بابا : لو طلبتى دوا من الصيدليه . جرى ها ينزل يجيبه
مع زوجك : ها يسالك بكام الأول؟

مع بابا : لو طلب منك كوباية ميه .. بيقولك لو سمحتى عايز ميه
مع زوجك : يقولك يلا قومى هاتى ميه

لو بتتفرجى مع بابا : على التليفزيون ... ها يسيب لك الحريه تتفرجى على اللى انتى عايزاه
لكن مع زوجك : مافيش قدامك غير يا الاخبار يا الكوره .. يا ميلودى

مع بابا : لو نازل مشوار .. بيعمل ليكى اعتبار ويديكى خبر
مع زوجك : بيختلس عدم وجودك قدامه عشان ينزل من وراكى ولو قفشتيه يقولك انانازل ويقفل البابا بسرعه

لو محتاجه فلوس فى حاله طارئه
مع بابا : ها يديكى من عينيه
مع زوجك : ها يقولك خدى من بابا

لو جالك مكالمه غلط على موبايلك
مع بابا : ها يقولك حصل خير
مع زوجك : ها يتهمك بالخيانه

لو ما فيش فى التلاجه غير ازازة بيبسى واحده ..
مع بابا : ها يسيبها لك بنفس راضيه
مع زوجك : ها يقول معلش انا لازم ابلع او ها يقسمها معاكى

لو اتزحلقتى على الارض
مع بابا : ها يجرى يشيلك
مع زوجك : ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده
مع بابا : ها يقوللك عنك دى تقيله عليكى
مع زوجك : ها يقولك مش ضرورى وجع القلب دا

لو العربيه عطلت بيكى
مع بابا : ها يقولك اقفليها وتعالى وانا ها اتصرف
مع زوجك : ها يقولك متركبيش العربيه تانى

واحد عاكسك فى الشارع
مع بابا : ها يقولك معلش .. وبعدين عنده حق . مانتى جميله
مع زوجك : ها يقولك انتى اللى ماشيه مش محترمه

لو مقدمه على شغل ..
مع بابا : ها يوصى عليكى طوب الارض
مع زوجك : مش ها يتعب نفسه ولا يهمه اصلا وها يقولك يعنى انتى ها تشتغلى وزيره

مع بابا : لو لاحظ انك متخانقه مع اختك .. ها يصالحكوا على بعض
مع زوجك : هيقولك خليهم يولعوا دول عيله عجب

مهما بابا : كان متضايق .. لا يمكن تكلميه وتلاقيه مكشر
مع زوجك : لو متضايق .. الدنيا كلها هتنكد عليكي استحملى بقى



الله يرحمك يا أبى ادعو لابى بالرحمة والمغفرة

[أمورة سدير]

والله كلامك صحيح

يعطيكـ العافيهـ اخي

ومشكووووووووووور،،،