... شااااات الشباب ... فقط ... - الصفحة 10

بن جعيثن · 08-07-2005, 11:46 AM

[align=center]ودني جبني ...

هاذي ياطويل العمر بعد عمر طويل لا أعرست ...

اسكن جنب بيت أنسابك ...

ويكون حولك مركز تجاري كبير مرررررة...

ومستوصف حق أسنان...

ومركز كوافيرة ....

وحبذا بعد لو يصير حولكم الحكير لاند مثلا ...

عشان كل المشاوير تطقها كعابي ..

بلا ودني جبني ....

وإلا أريح من كذا وكذا ...

أعرس من دار الرعاية الأجتماعية وافتك ...

تراها ماتعرف ودني جبني ...[/align]

بن جعيثن · 08-07-2005, 11:52 AM

[align=center]الصيدلي ...

خلهم كاد الله يطرح فيهم العقل ..

ويلقون طريقة مثالية لحل مثل هالمشاكل ...

وترانا ديموقراطيوين >>>> مدري وش اسمها بس هي ...

نتقبل الآراء المخالفة ...

وشعاري فيها هو ...

الرأي إذا فيه اختلاف تراه مهوب يفسد للود قضية ...

وشكرا للجميع ....

[/align]

فرفوشة · 08-07-2005, 03:49 PM

عجييييييييييييييب والله
شوفو أنفسكم في البداية
بعدين تعالو تكلموا
خلوني ارجع لقضيتكم الاولى

اضرب لكم مثال بشويش عشان ما يتعور :
في بيتنا السعيد ولله الحمد
أنا البنت وعلى قولتكم فساتين وشباصات
أنا ما أصرف ربع اللي يصرفه اخوي
أنا واخواتي الثلاث ما نصرف مثل اللي يصرفه هو لوحده
تسألون كيف !!
اسمعوا وشلون :
كللللللللللللللللل اسبوع
- قطة الشباب 200 ريال
- سفرة الشباب كل اسبوع 500 ريال
- عازم الشباب على مطعم 700 ريال
<< طبعا موب أي مطعم أغلى مطعم في الرياض الكريم

الحين نجي على اللبس :
طبعا كل شهرين ثوب جديد وشماغ ونعال جديدة
وموب من اي محل وموب أي قماش ولا أي سعر
أغلى شي وأكشخ شي في اغلى محل يشتري منه
وإذا جا العيد يروح يفصل له ثوب بـ 300 ريال
وقبل العيد بيوم يكتشف انه موب حلو
فيضطر انه يغيره ويروح يشتري له ثاني وواحد احتياط
غير النعال بـ 100 والشماغ آخر بصمة بـ 150 اثنين موب واحد
طيب حنا البنات نفس اللبس حق عيد الفطر نلبسه للأضحى
أما هو لأ ليش نفس اللبس لازم لبس جديييييد وغالي هذا أهم شي
ويا ليته يحتفظ فيه بس يوم العيد وبعدها تلقاه في الزبالة << فسقان
أما حنا يالبنات والله انا قنوعات وبدون مبالغة
ما نشتري لبس جديد الا للعيد ونفسه نلبسه في عيد ذو الحجة
ونستخدمه طووووووووووووول السنة إلى العيد اللي بعده
وإن كثرنا شرينا شي بسيط للعطلة عشان العزايم والزواجات
والزواجات ما نشتري لها شب أبو 400 ريال
يكفينا تايور حلو وبسيط بـ 80 ريال 100 ريال

نجي للجوال :
فواتير كل شهر 700 ريال
غير انه كل نص سنة يطلع له جوال جديد وشريحة جديدة
وكلها من الجوالات الغالية ام الف الف وشوي
الفارس والدمعة وبيشتري جوال أبو كمبيوتر بـ 1500
وأحيانا يدعي ان جواله طاح في البالوعة
وهو معطيه واحد من اخوياه يتصدق عليه
ومرات يقول ضاع جوالي وقلت اللي يلقاه أعطيه 200 من حرصه
ولقاه واحد ولا يبي يعطيني اياه إلا بالميتين
وكلها خرط في خرط ما غير يبي فلوس ولاهو قادر يقول ابي

نجي للسيارة :
كل شهر جاينا صاقع له بواحد والغرامة 400 ريال
وإذا كان شجرة في الشارع أو عمود غنارة
جوك الشرطة ممتكلات عامة بـ 700 ريال 800 ريال
غير البانزين اللي يقضى على دجة في الشوارع وفرفة على خرابيط

ويا ليت بعد كل هذا يفيدنا في شي
ما غير صرف فلوس وطق طقيق معنا ونوم وأكل
يعني زي ما يقولون: أكل ومرعى وقلة صنعة
إن قلنا له ودنا لبيت عمي والا خالتي أو مشوار هنا قصير
قال لا ما نيب فاضي لكم جدولي مليان وأنا مشغول

ولا قلبه ميت ولا يحس بمسؤولية أبد ولا يهمه شي
أذكر مرة عطيناه شهادة اختي الثانوية العامة عشان يصورها
رجع الاه مضيعها وما يدري وين حطها فيه ولا هو فاضي يدورها
طبعا اختي فاتها يومها للتسجيل في الجامعة
والله سخر لنا خالي اللي مسكه ودار فيه الرياض يدورها
ولقوها في محل جوالات ناسيها في ذاك
والله ان قلبه ميت ولا فيه مسؤولية أبد

الزبدة :
البنات وش زينهم هاديات وقنوعات
وحنا ما نصرف ربع اللي يصرفه

وبقى كثييييييييييير ما قلته
وما خفي كان أعظم
والله يستر علينا وعليه
وعسى الله يهديه بس
ويصلح قلبه

هاه !!
غيرتو رايكم والا لأ !!

وأنا أقول مو كل الشباب كذا
ولا كل البنات كذا
فيه بنات قنوعات ولا يؤمنون في الإسراف ولا يحبونه
وأنا وحدة منهم قنوعة وحلوة وشطورة

وهذا هو رايي

وزي ما قال س ق م الله يرزقه
( إن يكونوا فقراء يغنهم الله من فضله )
وبس
سلااااااااااااااااامي لكم

فارس_سدير · 08-07-2005, 05:07 PM

اطلعووووووووووووووووووووووو برااااااااااااااااااا ممنوع دخول المغاتير منك له له لها

شريك المشاكس · 08-07-2005, 07:46 PM

الحين يا فرفوشه تسولفين

والا تطرين عند اشاره

غربلتس الله تقولين معروض مهب حتسي

فروووت · 09-07-2005, 01:49 AM

والله اذا كان اخوك كذا
معناتها يهدد الاقتصاد الوطني

فروووت · 09-07-2005, 02:18 AM

ياشباب يسلم عليكم اخوكم عذب السجايا
يكلمني من البحرين
يقول الاجواء من احسن مايكون....
وش رايكم نقود حملة كبرى للبحرين ونسير عليه...ونشوف وش عنده؟.؟؟؟؟

وش وراكم خلونا نشوف الدنيا.........

واللي بيتزوج بعد فرصة يشوف له شيعية ========رخيصة على قد الفلوس

وش قلتم......

شريك المشاكس · 09-07-2005, 10:33 AM

خخخخخخ شيعيه

ذولاك عندهم متعه يعني فريييي

الله يستر عذب السجايا لا يكون في الودوادي

بن جعيثن · 09-07-2005, 11:36 AM

[align=center]بعد المناقشة والمداولة والأستماع لأطرف النقاش ...

بعون الله نحن بن جعيثن أمرنا بما هو آت ...

أولا :

مد أصابعك وناظر ...

صح مهوب كلهم سوا ...

إذن الشباب مهوب كلهم سوا ...

منهم المبذر ومنهم المقتصد وكثير ماهم أعنى المقتصد ...

والشئ نفسه ينطبق على البنات ...

بس أن المبذر في البنات أكثر من الشباب ...

ثانيا :

يغلق النقاش في هذا الموضوع إلى أجل مسمى وإلى أن يتم جلب الخبراء للمناقشة والمداولة ...

لإن هالمحل مهوب محل نقاشات ساخنة نبي شئ هاااااااااااادي فيه ...

ثالثا :

تبلغ الجهات المعنية بهذا القرار ...

رابعا :

على الجهات المعنية العمل بموجب القرار ...

زعيم شاااااات الشباب ::::

بن جعيثن ...[/align]

أمي الحصي · 09-07-2005, 03:27 PM

سلااااااااااااااام كيفكم

سليمان الراشد · 09-07-2005, 10:13 PM

[blink]يازينكم ماقول الا يازينكم[/blink]

فروووت · 10-07-2005, 02:00 AM

والله الظاهر انكم تخافون
مدري من مين؟؟؟

شكلكم متزوجين وخايفين تسافرون....
على كل حال اقعدوا خلوكم بملاهيب سديـــــــــــر

وانا ابروح لخوينا عذب اوسع صدري عنده

الرجال مسوي رحلة تشمل الدول العربية البحرين ثم الامارات ثم مصر العربية

والله فـــــــــــــــــــلة

دكتور المنتدى · 10-07-2005, 10:11 AM

يا سلام عليك بن جيعثن على القرار...

اشوف البنات هالايام حامين في شاتهم واشتغلوا...نفضوا غبارهم

اخوي اسير الحب

روح وترجع لنا بالسلامة وسلملي على عذب السجايا...انا اشوفه هالايام متغيب...عسى المانع خير

شريك المشاكس · 10-07-2005, 11:07 AM

تعالوا لحظه

من قال ان بن جعيثن هو زعيم شات الشباب

لازم فيه ديموقراطيه ونسوي تصويت

الـطـول عـز · 10-07-2005, 08:56 PM

سلام شباشيب كيفكم انا احم واحد جديد عليكم