ღ .:. مســـــــــابقة التحــــــــدي بين الشعــــراء والاعضــــــــــاء .:. ღ

[أبو ريان]

قانون في منتصف الشطر الاول ..

ونظام في اخر الشطر الثاني من البيت الثاني ؟؟


ما يمـشي القـانون الا عـلـى ناس &&& وناس لهم سلـطة وتصريح واقلام

لين أصبح القانون ينبي بألافلاس&&& على ضعوف تـمـسـك السير بنظام

وكم واحدا ثبت عـلى الباب حراس&&& واعطى لهم توكيل بصمة والاختام

يقـول انا واضـح وابـاري الساس&&& وهو يخص لبعـض ربعة والارحام

والا انت يا المظلوم خلك بقرطاس&&& واكتب معاريضـك ودونها بالاحلام

[مثل النخيل خلقت]

ابو ريان صح لسانك ..

[أمير سدير]

صح لسانك والله يابو ريان

ماشاء الله عليك مترصد لنا

الظاهر الفوز لكم

لكن خلو الجوله الجايه علي

وباذن الله حنا من بينتصر

[جنون]

ماشاء الله..

هاه اخوي امير سدير..
تكفى يالله ورهم شغلهم..



نبي نفوووووز..


ولو انهم ماشاء الله عليهم مانقدر نتحداهم..

بس راح ننتظر تحديك الجاي اخوي امير سدير..
لاتبطي علينا..
وانتبه لايخلص الوقت ونروح فيها..

[جنون]

ودي بس بتعليق بسيط على كلام شاعرنا ابو ريان..
بالفعل احس الدعوه فيها ظلم لنا شوي..

لازم تشوفون لنا حل..
الشعراء ياخذون الدرجات بالراحه..
انحن نتعب واذا هم جابوها تكون النقاط لهم..
ياليت يكون فيه حل..


ممكن انهم يجيبون لنا كلمات بس مهوب شرط نجيب لهم ابيات..
ممكن تكون الشروط لنا تكون اخف منهم..
بحكم اننا ماعندنا سالفه..
تراي اتكلم عن نفسي لحد يفهم غلط..


ننتظر راي صاحبة المسابقة..

وراي فريقنا المتحدين..


وش رايكم؟؟

[أمير سدير]

ابشر والله

ابي كلمة الغساسنه في منتصف الشطر الاول من البيت الاول

وكلمة الاخيار في نهاية الشطر الثاني من البيت الثاني

[أبو ريان]

ابي كلمة الغساسنه في منتصف الشطر الاول من البيت الاول

وكلمة الاخيار في نهاية الشطر الثاني من البيت الثاني


لو يعود الوقـت سـاعة والغساسنه يرجـعون &&& وترجع الدولة لماضي العهد وتعود الاسوار

وتصبح الديرة حصون وشيدت فيها سجون &&& ومن سكنها ما تعـدى سـيرتة ذكر الاخيار

كان تلقى كل شخـص لا انتخيته لك يعون &&& ومن نخيته في عـصور ماضـية لك يسـتثار

ما يرده لـو يحــده خـندق بوسـطة كـفون &&& يسـتثير الـمـوت لجــلك قـبل لا يصـدر قــرار

ولو يعرف انك ضعيف وكل ربعه يعرفون &&& كان بالفـزعه دعـوا لك قـبل يـدنيـك النـهار

ذاك في وقت قديم وماضي له من قرون &&& ولو يعود الوقت ساعة وكـلنـا نـعـود صـغار

كان تلقانا بسلام ولا نعـز اللـي يخـون &&& والـرجـل فـينا عـزيز وسـيرتـه عــبـر البحار

[هرمنا]

بما ان ابو ريان هنا

وبما ان فريق التحدي بحاجة الى دعم

اعلن انسحابي من فريق الشعراء ..<<< مصدق

وسوف انظم الى فريق التحدي

السبعين عدد .....والسبعين السد الي في الروضة .....والسبعين العضو في منتديات سدير في ابيات على ذوقك يابو ريان

والشرط الوحيد هو انها ماتكون هجاء

[أبو ريان]

سهم الـفنادق عـلى الـسبعين &&& والسوق قفل من اسبابه
وسـد شهـد مـعـركـة سبعـين &&& وسدير كـله تحـكـى بـه
واهدي سلامي على السبعين &&& عـضوا من سدير حـيا به

[أبو ريان]

ههههههههههههه هاذي فيها عشر درجات يعني مزود المدحه والرد في ثواني يعني راحت عليك يا السبعين

[( عابرة سبيل )]

//

فااااااااااااااااااالينها هنا عسى ماشر
وانسحااابـ وحركتاااتـ من وراي
م ر ف و ض

//

( ابو ريااااااااااااااااااان ) ..
صح السانكـ ....
وطاب لنا همسكـ

// بعدين تعاااااااااااااااال انتـ وأمير سدير //
اعترفووووا انكمـ ماقريتوا الشروط...!!

//

اما النتائج ..... لكلا الفريقين ( خمس درجاااتـ )
بدون نقااااااشـــ

//

/

وبـ التوفيق

[مشــاعر]

السلام عليكم..

انا والله من سجلت ماشاركت ,,

فخلوني انسحب أفضل,,

[مثل النخيل خلقت]

كلماتنا لهذا الصباح ..



( شيخ ) في نهاية الشطر الاول من البيت الثاني ..

( النخيل ) في بداية الشطر الثاني من البيت الاول ..

[أبو ريان]

شيخ ) في نهاية الشطر الاول من البيت الثاني ..

( النخيل ) في بداية الشطر الثاني من البيت الاول ..


سلامات عدد مزن سـرى و الخـير يـسقـي به &&& نخـيل ناطـح حـد السـحاب وعذقه مدلي

على من سيرته تذكـر وفعله بالحقـيقة شيخ &&& وله تقـدير في ربعـه وحديـثه دايم يسلي

بوجه له من اشعاري سلامي واحمس البني &&& على جمر الغضا نسهر الين المـذن يصلي

[مثل النخيل خلقت]

صح لسانك اخوي ابو ريان ..


بس انت جاوبت في جولتين متتاليتين ..

اضافة الى اني طلبت كلمة النتخيل وليس ( نخيل ) ..


وبانتظار لجنة التحكيم ..