#@ ســجــلـ حــضــوركـ بــبــيــتـ شــعــريـ @#

[مذهل]

افـرح إذا شفـت الـفرح فـي مـحـيـاك ..
وتضيـق بـي الدنـيـا إذا شـان بـالـك ..
أعطـيـك عـمري يـاعـسـاهـ يفـداك ..
وش هـي حيـاتـي لـحـظة غـيـابـك

[فقيدة امها]

يهون طول البعد ما دمت سالم
و مهما بعدنا ندا صوتك يرجعنا
تسرح طيوفك في عالمي الحالم
و تصحى الحقايق في غيابك تلوعنا
ولا زلت اغلى الناس و الله العالم

[مذهل]

سلم على اللي تحسبنها إلااا جات
بتعين ضلوعٍ جفتها مداهيل
((يارخصها من عقب ذا الليل بالذات ))
(((ويا غليها غلياه قدام ذا الليل)))
رح قل لها لبلادها (ست) رحلات
تختار وتعجل ومن دون تأجيل

[بوح القصيد]

الجبرجبرالخواطر والكسركسرالقلوب
لانكسرقلب المحبة من بحبه يجبره
كم تعذب هالقلوب الي بعشقتها تذوب
لانجبر جسر التواصل طاري البعد كسره

بوحي

[بقايا الذكريات]

ليه القصايد ما تجيني على الكيف ... مدري علام الشعر بين صدوده
ايام طافت تعترضلي على السيف ... واليوم حجان القصيد معقــــوده
يالشعر وينك وين شعر التواصيف ... وين الغزل والمدح كفت رعوده
سالت نفسي قالت الشعر ما شيف ... يمكن زعل وإلا مضيع اجهوده
يمكن رحل وإن مركم مركم ضيف ... يمسي ولا يصبح حروفه اشهوده
يا الشعر انا طالبك ترجع بذالصيف... ارجع لشاعر ما تعدى احدوده
تعال سامرني على دلـــــــــة الكيف... هات القصيد وقوم كسر جموده

[فقيدة امها]

كل ماجيت انتهي منك ابتديت
وان بديتك باالغلى شفتك نهايه
حرت انا وياك مادري وش نويت
صرت " حلم " ماتحقق به رجايه
ان طلبتك بسألك منك استحيت
.وان نشدتك مانشدتك عن غلايه

[المحارب]

وقت الفجر طيفك معي كان حاضر
ياالله صباح الخير يومي تباشير
صرت النهار اشتاق والليل وباكر
ماردني غير الحيا والمعاذير

[مذهل]

أسآبق مسآي وفي طيوفك أمـد آلشـوف
و أشوفك بروقٍ في مـزون آلولـه رفّـت

[فقيدة امها]

ناديت يا أيام العمر | أفتقد ناس
كانوا وكانوا بالملخص : سنيني

الفقد موجع " والقهر موت الإحساس "
لا من سكت وضاق فيني / حنيني

والغصه اللي تمتلي .. داخلي ياس
ما راق فيني من الهوى (بل عيني)

[مذهل]

ياشوق تكفى لا تخليه يرتاح..
وياشوق تكفى داعبه في غيابي
خله يحس إني معه وين ماراح..
وخله يحس وشلون لذة عذابي

[بوح القصيد]

مكان وطاولة احباب
وجو آمال مسرورة
وعود وما لفى غياب
بقايا ورد منثورة
وليل اهل المحبة شاب
كساه الصبح من نوره
وبال المنتظر ماطاب
حبسه اليأس في سوره
حزين وخاطره منصاب
تروح الروح معذوره
خسارة ظنه الي خاب
ونفس الشوق ماجوره
بوح

[مذهل]

كل ما فيني على وجهي يبين
وكل ما فيك انت تخفية بحذر
فيك قلب ٍ مايعرف إسم الحنين
وفيني قلب لا حكوا فيك إنكسر

[مذهل]

الجود ثوب يستر عيوب الاجواد
والعز مبدأ في صدور المطانيخ
والبخل يهدم صيت شيح له اوتاد
والطيب يرفع عبد كنه ولد شيخ

[فقيدة امها]

يا أجمل الناس في قلبي وفي عيني
يا احلى طيف يمر العين ويشقيها
انا أشهد إن لك غلا مبطي وهو فيني
قصة غريبة ولا أدري ويش اسميها
لو قلت أعزك قليلة ماتكفيني
شعوري أكبر من الدنيا وما فيها

[مذهل]

من يرخصك بيعه مع الناس بتراب
لا تعترف باللي مع الناس باعك
اخلق لنسيانه مع الوقت الأسباب
ولا تعتبر هالأمر قصة ضياعك