متابعة متواصلة لأمطـار الرياض , عواصف رعدية ماطرة تضرب الرياض فجر الخميس

[غـلآسـديـر]

اذاعه الريااض :

ساعات قليله لوصول العاصفه الاكبر في التاريخ السعوديه والرياض خاصه
وتحذر من سقوط الاعمده الكهرب واللمبات من شدة سرعه الاامطاار


مطار الملك خالد الدولي يوقف رحلاته

وعدد الوفيات الى الان 75 حاله اللهم اغفر لهم وارحمهم واغسلهم بالماء البارد ،والثلج


اللهم سقيا رحمه لاسقيا عذاب

حسبي الله ونعم الوكيل

[بسمة سدير]

إنّا لله وإنّا إليْه راجعون !


والله الواحد مع هالتّنْظيم السّيء ، ما عاد يمْديه يفْرح بخير ربّه ،


الله يجْعله سقْيا رحْمة لا سقْيا عذاب ،


والله يغْفر للمتوفين ، ويرْحمْهم ،


..


أجل 4 إلى 5 ساعات عشان الواحد يرْجع لبيته !؟


إن كتب الله ، لنا عوْدة بالصّور ،


يعْطيكم العافية جميعًا ،

[غـلآسـديـر]

+

+

+

+

[عبدالله الفـارس]

فيديو إنقاذ سائق شاحنة ( تصوير فيصل آل تويم )

[عبدالله الفـارس]

فيديو ( 3 )

[غـلآسـديـر]

الروضـه والقدس :




















انباء مؤكده عن وفيات وحوادث للسيارات في طريق الدائري الشرقي وخريص واغلاق لبعض الطرق

اصوات الدفاع المدني والشرطه تسمع في حي الروضة والربوة والنسيم

الدفاع المدني يلعن حاله استنفار بكل قطاعاته ويستدعي بعض الافراد للانقاذ

[سمحة الخاطر]

صور لأضرار جامعة الإمام فرع النفل

وأتوقع باقي الفروع اسوء بحكم انها اقدم

[شعيب سدير]

السلام عليكم ..

بصراحة مـا ادري من وين ابدا كلامي ..

خلوني ابدا من وقت خروجي من البيت ..

من الساعة تقريبـاً 10 ونصف الصبـاح ..

كــان عندي مشوار بسيط ثم بعدها توجهة الى موعدي في مستشفى الشميسي الساعة 12 ..

وانا جالس بالانتظار قلت خلني اطلع اشم هوا ( لانهم رطعوني وزود عليهـا احس بكتمه ورطوبه ) ..

الموهيم اني من يوم طلعت ومـاشاء الله مـا اشوف الا ضروس المزن ( متوقفه ) وخلفها السحــاب وهوى بــارد .. وبداية رطوبة .. قلت ايه ان شاء الله اليوم موعودين بمطرة باذن الله .. وصـادفت سبحـان الله ( من الدبور والعجله نسيت الجوال بالبيت ) كــان الان مخيل السحـاب بالجوال .. لكن قدر الله وماشاء فعل ..

الموهيم قلت خلني ادخل لعل دوري وصل .. وهذا الي صاار وبعدهـا طبعـاً مرمطوني بقسم الاشعة يـامـا جااي ياما راايح وتحديد موعد بقسم اشعة الرنين .. ويالله خذ تاخير وانا وقت انتظاري هنـا وهنـاكـ اسمع ناس حولي الي يقول امطار غزيره على الرياض والي يقول برديه قلت ( هاااه ) وانا جالس بهالمستشفى مـا دريت عن شي ( يا شين الي يفقد الجوال )

قلت على الاقل اطل طله اشوف الاجواء برا .. ولا مـاشاء الله كلشن يصب يالله لك الحمد ..

وانا الي ابي اعجلهم من هنا ومن هنــاكـ مــاش مـافيه امل ..

علمـاً بأن جلستي كلها من دخلت الين طلعت من عيادات الشميسي ..

قرابة الـ 4 ساعات ..

والي خلاني اقول كل هالكلام انو الحمدلله الي خلاهم يرطعوني كل هالوقت ..

ولا كـان طلعت واتجهت للشمـال علطول وشفت الكوارث والله يستر وش كـان حصلي ..

وسبحـان الله قبل مـا امشي من المستشفى فتحت رادوا السيـارة على اذاعة الرياض الي الله يجزاهم خير وقتهـا كــانوا يقومون بدورهم على اكمل وجه في نقل الاحداث اول بأول وتوجيه قائدي المركبـات للطريق الصحيح والسالك والي مـافيه خطر باذن الله ..

وفعلن توجهت للبيت بيسر وسهوله ولولا الله ثم جهود اذاعة الرياض في التحذير ونقل الاحداث مباشرة من خلال مراسلينها ومن خلال الدفـاع المدني .. وقائد حركة المرور ( ابو شراره ) هع >> الي يسمع برنامج بكَ اصبحنـا على اذاعة القرآن رااح يعرفه

الموهيم مـا ودي اطول عليكم بالكلام ..

مبـاركـ لكم جميعـاً هذه الخيرات اللهم اجعلها خير وبركه وأعم بنفعها يـا كريم ..

واجعلهـا متبوعه غير مقطوعه ..

ومـا حصل اليوم في الريـاض .. ومـا يدريكم لعله خير لكشف المستور وفضح للمتساهلين وهو كذلكـ ..

~ ~

وبنسبة للتوقعـات ليوم الغد .. لا زالت الفرصة مهيئة لهطول أمطـار يوم الغد بإذن الله ..

وهنـا تحذير من الارصاد ليوم غداً الثلاثاء ..


( تحذير (1) ليوم الثلاثاء 20 جمادى الاولى 1431 هـ من الساعه 12:30 صباحا الى الساعه 02:30 صباحا ...هطول امطار رعديه تسبق بنشاط في الرياح السطحيه قد تحد من مدى الرؤيه الافقيه الى اقل من 2 كم على المناطق ( الاجزاء الواقعه بين الرياض والشرقيه- الشرقيه )...لذا يجب اخذ الحيطه والحذر.... )


وشكراً

[الكرم والجود]

مشكورين وماقصرتوا نقل الاحداث بالصور والفيديو

الله يرحمنا برحمته

ياناس علينا بالاستغفار عسى الله يلطف بحالنا ولا يواخذنا بذنوبنا
شوفوا اعداد المتوفين بسبب العاصفه والامطار تراهم كانو امس معنا ولا خطر على احد منا ان يصير كل هذا في شوارعنا
الله يغفر لهم
ويصبر اهلهم ويرحمنا اذا صرنا الى ما صاروا اليه


اللهم اعنا على ذكرك وشكرك وحسن عبادتك

[عبدالله الفـارس]

ياهلا بالغالي الحمدلله على سلامتك

ماداومت ؟

أنا داومت وطلعت بدري 2 ونص وليتي ماطلعت نشبت في موجة البَرَد

عند مخرج ابو بكر حي المغرزات و أدخل الحارة و اوقف تحت أقرب مسجد إلين خف البرد و الحمدلله على حفظه ..

[الإكليل]

الحمدلله على سلامة الجميع .

طيب اللي عنده مباراة يوم الثلاثاء وش يسوي

[عبدالله الفـارس]

هذا الفيديو من تصويري للبرد وانا في السيارة

http://www.youtube.com/watch?v=Hl7JeTAyCfI

[شعيب سدير]

يـا هلا بـ عبدالله ..

الله يسلمكـ من كـل شر

لا والله يالغالي مـا داومت كــان نيتي اروح بعد موعدي بالشميسي ..

لكن الحمدلله الي رطعوني ولا رحت وذقت الويل ..

من يوم دخلت البيت وانا ساجد سجود شكر على وصولي بالسلامة ..

طلعت من العيادات الساعة 4 ومـا وصلت البيت الا 6 وربع ..

يعدني ساعتين وربع كله عشــان اصل للبيت ..

وهي بالعادة مـا تاخذ ثلث ساعه ..

لكن مـا اقول الا الحمدلله الي وصلت سالم

ومتردد اروح الفجر ولا مـا اروح لجهة الثمامه على رمـاح على شعبـان تمير ثم منهـا لسدير وشعبانها ويمكن اسير على المجمعه على شقراء على حريملا ثم العوده للرياض .. بشوف وش الي يكون وقتهـا اذا الظروف وخصوصـاً ظروف الطقس تسمح سميت ومشيت انا والوالد واخوي ..

ونسأل الله الاعانه والتيسير

[عبدالله الفـارس]

الحمدلله على السلامة

المشاركة الأصلية كتبت بواسطة   ومتردد اروح الفجر ولا مـا اروح لجهة الثمامه على رمـاح على شعبـان تمير ثم منهـا لسدير وشعبانها ويمكن اسير على المجمعه على شقراء على حريملا ثم العوده للرياض .. بشوف وش الي يكون وقتهـا اذا الظروف وخصوصـاً ظروف الطقس تسمح سميت ومشيت انا والوالد واخوي .. ونسأل الله الاعانه والتيسير

الأرصاد تحذر من الخروج هاليومين خصوصا ً أن فيه موجة ثانية

بكره الثلاثاء على كلامهم , الله يحفظكم

[عبدالله الفـارس]

"أمطار الرياض" تصرع مقيماً


صعقة كهربائية اودت بحياة المقيم
الرياض / خالد العوفي , عدسة / صالح الجميعة
لقي مقيم مصرعه مساء أمس بالرياض اثر تعرضه لصعقة كهربائية تسببت في وفاته فورا , نتيجة الأمطار الغزيرة، وقال شهود عيان ل (الرياض) إن المقيم ترجل من سيارته في شارع العليا العام وعندما اقترب من الرصيف سقط مغشيا عليه بسبب التماس كهربائي ناتج عن أسلاك كهربائية غمرتها المياه , وهرع عدد من المواطنين لإنقاذه ولكن كثافة المياه حالت دون وصولهم إليه بالوقت المناسب.