| من مذكرآت صبآي |

[وَدْقْ ,]

وش دراهمة الله يصلحتس انا الزكاة والصدقة تحل لي
لي عودة قريبة بإذن الله
,

[طيف الأمل]

ههههههههه خلاص ماأبغي دراهم مع إنها مراهم بس يالله ‏

تعالي أنتي وراك تقولين كلمتين وتختفين ‏...‏ يمال العافيه والجنة البارده ‏

[وَدْقْ ,]

مراهم هههههههههه
اللهم امين ومن قال والدينا والجميع يارب ,
ماعندي وقت مشغوله وفكري مشغول
شويات وأرجع إن شاء الله
بس خلي راسي يصفى
هاه طولت اللحين خخخخخ
,

[طيف الأمل]

جعل مايشغلك إلا كل خير وتيسير من رب العالمين ‏

الله يكتب لك الخير إينما كنت ‏...‏ وتواجدت ‏

مره ثانيه نبغى أطول من كذا ‏....‏ ‏

‏***************‏

يالله ياريسنا توكل على الله وأدلوا بدلوك فنحن بانتظار أم صعرور ‏

ومغامراتها ‏...‏ الله يحفظك ‏

[قلم صريح]

المهم :
ام صعرور ماعادها أم صعرور , بس قوة باسها فيها و كأني حسيت أنها هي اللي تعلم زوجها وشلون يتصرف مع إنه موظف ماهو كبير , جاني زوجها و لزم علي أروح معه البيت , و بعد حيا و تردد أجبرني و قال أنت من جيران أم محمد و حقك كبير علينا , فهمت أنها قايله له عني , بس أكيد ماتبيني أذكر أي شيء عن ماضيها الشقي , تصورت كذا الين قلطوا الأكل و قعدنا ناكل الا هو يقول , أجل أم محمد كانت حايستكم و أنتم صغار , أنا ماصدقت يفتح الموضوع , قلت أقول لك من جبروتها الشيء الكثير , قال , لا أصبر الين نطلع أنا وياك في الحديقة , ضحكت من قلبي ,

[عيون عسليه]

إه هاه وشو ذا مادريت عانوه شكله سباحين زينتن بالحيل

لي وشسموه ذا عوده بعد قراءه المتصفح كله والله يعين عيوني بتتعب

[وَدْقْ ,]

السلام عليكم ورحمة الله وبركاته
عودة غريبة
وعودة لامثيل لها
وعودة أجمل العودات
وعودة < اذكري الله لاتنفعلين واجد ههه
هالمره بتكلم عن نفسي وانا بعد مابلغت من الكبر عتيا ( تغيير) بس انا اتكلم انتم ياويلكم تتكلمون الا وانتم صبايا بس .
,
كان يوماً من الأيام وأنآ جالسة فالصالة قرب الدفاية وأمي بعيدة عني الظاهر قليلا ونشاهد التلفاز وأتى أبي بعد قليل وجلس عند الدفاية < أصلح أرسم وصف كروكي ؟
وأنآ فيني من دبلة الكبد دبلات ماأدري وش قالت أمي في ناس نقلوا للرياض قال أبوي وش عندهم الناس ماعاد يبون سدير ففجر أبي دبلة كبدي التي تحوم حول الحمى فقلت أبتآه أبتآه قال سمي يابنتاه قلت سأطرحٌ عليك سؤالاً ياأبتاه تحبُ سديراً قال : لآشك
(على فكرة أبي يتكلم باللغة العربية الفصحى أحيانا وينصحنا بالتحدث بها ايضاً) قلت ماذا أعطتك سدير وماذآ أخذت منها : قال وش لون عطتني (تسن أبي بدى يتنرفز ) قلت أقصد وش إستفدت ليه جالس فيها ؟ قال: ديرة أجدآدي ؛وبدأ يجن جنوني وتثير ثآئرتي ولو مافي عقوق كان جبت العيد من العويل ولو مافي جاهلية كان لطمت الخد ومعطت الشعر ؛ قلت أبتآه إرحمني سوف أموت أجدادك مادخل لهم بالموضوع ماتوا ذهبوا أنت ماشئنك بهم فالسكن ؟؟ قال لي أبتاه : وين نروح , قلت نسكنُ فالرياض ؛ قال ابتاه : يابنتاه أنتي هابلك الرياض مادري وش لاقيه فيه ( على فكرة أبي يتكلم بالكاف واخوتي بتس وب السين ) قلت وماذا لقيتَ من سدير ؟ (سكت ولم يجيني مو إن ماعنده جواب لأن سؤالي ماجازلَ لأبتآه ؛وهوبرأيه جوابه مقنع للأسف ؛ثم قال لأمي عجيب الناس هابلهم هالرياض مادري وش لاقين فيه ؟؛ انا قلت وش يجلسهم هنا لاترفيه ولاشيء يذكر للأسف وش يجلسهم ؛ مايحبها إلآ أنت وأمي وكذآ نفر ؛ ثم ثرت وقلت له : من قالك اني جالسه فيذا متشققه من الوناسه الا غصب علي وين اروح أنت أبوي وهذآ بيتنا وهنآ نقطن للأسف ؛ ناس تروح للرياض لقت حاجاتها هناك هنا ولاحاجة تقضيها زينه كاملة , ضحك أبتاه علي قليلاً ثم صمت و وبلمت وطيرت بوهتي وبقبقت عيونيقلت جايزلك إن كبدي حآيمة ؛ قال ابتاه احمدي ربك على النعمة والعافية قلت قبل لاتقولي حامدته وشاكرته خلنا نسكن فالرياض .سكت أبي ولم يرد علي وهذا طبعه لآيجيب على كل سؤال تطرحه اذا ماجازلَ لأبتي أو يهوجس .
انا فيني أطنان من اليأس أنني أحدث أبي بالهجرة من سدير والسكن في العاصمة الجميلة البهية الخضرة النظرة .
ومرة جاية من برا لقيت أمي جالسةفالصالة تشاهد التلففاز قناة بداية الجميلة وأنآ معصبة قلت يمه عطيني جواب يخليني احب سدير وش مجلسك فيها؟ أقنعي أبوي نروح للرياض ؛ قالت بعض أهلي وعمآنك وجيراننا ومعارفنا هنا ؛ قلت : أمآه رفقا بأعصآبي لآتنفجر وعقلي لآينجن أين أذهب ؟؟؟ اريد جواب يثلج قلبي ويسر خاطري ؛قلت بآقي اقاربك هناك وجيران جدد بعد يمكن احصل بنات على عمري , قالت هنا راحة نفسية الواحد الزم ماعليه راحته قلت ترى بسوق وبهج إرحميني سوف أهج إيه بهج وش فيكم مستنكرين عادي من أبسط حقوقي الهج إذآ لم أهج فأنآ لآفآئدة مني صدقوني بقوة صدقوني غصب صدقوني < بتنجلد ههههههه
اذا لاقيه وناستك هان انا مالقيت شيء هنا ترى اماه اذا صحيت الصباح ولاحصلتيني حلليني ؛ قال الحمدلله والشكر بس ؛ قلت أمآه عندي حل آخر بروح بعثه قالت: الباب مهجوج قلت تتريقين علي قالت : وش قلت انا قلت بروح بعثه تبع شركة تأهلني للتوظيف فيها وعندهم سكن خلاص قالت : انتي مهبوله ؟؟قلت ليه الواحد اذا بحث عن أبسط حقوقة يعتبر فقد عقله ؟ قالت الله يعافيك :لاتجيبين هالسيرة قلت بسوق طيب هههههههه سفهَت فيني, وصعدت الى مملكتي أقلب ونيني .

مره جيت جلست عند أماه قلت أمآه قالت وش عندك قلت تصدقين إنك في نعمة ونعمة كبيره انا اعلم انك لاتشعرين بها والمفترض أنك تسجدين سجود شكر لاتقومين منه قالت وش واهي شوي وتضحك علي قلت إنني فتاة نعم فتاة قالت وش قصدك يعني ؛ قلت تصدقين أُماه لوإني ولد هل شاهدتي ملامحي البريئه هذه لن تعرفينها أبد سنتسينها أي ستمحى من بالك لطول غيابي قالت وين بتروحين ؟ قلت ابسطها لندن اخذ لغة وأدرس هناك ؛ قالت : اشوى انك بنت قلت ادري احمدي ربتس يالله بسرعة وان عيالتس هالملاقيط اولاد مو بنات , قالت : يازينهم عيالي !
قلت أماه : لما تحبين الاولاد اكثر من الفتاة ؟ ههههههههههههههههههه تسني احرجتها قالت من قاله ؟ قلت واضح وضوح الشمس تقدرين الرجل أكثر ولاحس فيك الا انا صدقيني ملاقيطتتس ذولا بيتزوجون ويروحون مع زوجاتهم الا انا لو تزوجت بجي واخدمتس لذا حبيني افضل انامن استحقه ؛ واحس ان ابوي اخو امي تماما فيهم اجوبة صامته لست في محلها ؛ ويحسبونها انها في مكانها الصحيح .
مره قلت لأماه واحنا نتقهوى شاهي قلت هل تعلمين يآأماه ماهي امنيتي الجديده ؟ قالت : ياكثر ماتتمنين قلت : واهي تحققت اصبري خليني اقولتس امنييتي واقولها وانا احلق فالسماء عالية (انا ودي اصبح عالمة يقال لي سماحة المفتية العلامة الشيخة : بنتتس ) ضحكت قالت يالله شدي عزمك وتعلمي الدين ؛قلت أماه :للأسف طموحي هذا بات يأن قالت لما؟ قلت الله يهب العلم لما يشاء ؛ اكتشفت هذه عندما حاولت عدة مرات ولم أفلح للأسف .



مايستفاد :
أمي وأبي وش صلة القرابة بينهما( زوجين ؛ اخوين ؛ لاصلة بينهما)
انا وش زودي وش صلة القرابة بين ماذكر انفاً (بنت الجيران,بنت زوجته ؛بنت زوجها؛ ام الثلاثة جميعاً)
ابي وامي يطبقون قاعدة ان سعادتهم في سدير من سعادة ابنائهم ؟!!!
تفضيل حب الرجل اوالفتاة شيء فطري لآإرآدي سلوكي الطبع وجدانيا المنطق ؟!
احب دفايتنا لانها تجلب الدفء والسعادة والراحة والنور ,
العلم يطلب من سدير الى لندن
كم عمري ماذكر انفا ( صبية ؛ عجوزه؛ عانسة ؛لآتـسأل البنت عن عمرها)
,
دوكم ريال فوسط منديل مربوط بخيط حق مكينة سنجر
,

[طيف الأمل]

منتيب صاحيه ‏....‏ غربلتي بميمتك وأبيك الين قالوا آمين ‏

ماخليتي شارده وارده إلا قلتيها دارت روسهم بقرقرتك ‏

لو إنك بنتي كان جدعتك وافتكيت من حنتك وأسئلتك الماصله ‏

[وَدْقْ ,]

المشاركة الأصلية كتبت بواسطة طيف الأمل   منتيب صاحيه ‏....‏ غربلتي بميمتك وأبيك الين قالوا آمين ‏ ماخليتي شارده وارده إلا قلتيها دارت روسهم بقرقرتك ‏ لو إنك بنتي كان جدعتك وافتكيت من حنتك وأسئلتك الماصله ‏

الله يجزى والدينا فالجنة
اشونتس منتيب أمي ولآكآن علوم ووطنية < برا
أي هذي الاحداث من فتره لفتره ومن عقب لعقب
اجل ماتتمنين بنتن زيي ؟
,

[طيف الأمل]

بعد مافتحت عيوني وقبل ماأطلع لدوامي قلت بمر على مذكراتك أقراها مرة ثانيه ‏

والله قعدت أضحك عليك وعلى طريقتك في الحكي ‏...‏ ‏

ياعمري أميمتك الله يجزاها بالجنه صابره على هذرتك مع إنها لذيذه بس تصك الراس ‏

إذا بنتي كل يوم تهذري علي كذا ماأبغاها وكل يوم مطلعه لي أمنيه مرة بتصيرين شيخه ‏...‏ ومرة

بتصيرين ولد ومرة ودس تهاجرين ‏...‏ وهلم جرا *** حلوه صح

لأاوالله طموحاتك فوق هام السحب ‏

وبعدين تعالي أحد يحصل له يسكن في سدير ويعافها ‏...‏ طيب وش رايك نتبادل في السكن ‏

تجين مكاني بالرياض وأجي مكانك فكره حلوه ‏...‏ شاوري روحك وعلميني !!‏

[وَدْقْ ,]

المشاركة الأصلية كتبت بواسطة طيف الأمل   بعد مافتحت عيوني وقبل ماأطلع لدوامي قلت بمر على مذكراتك أقراها مرة ثانيه ‏ والله قعدت أضحك عليك وعلى طريقتك في الحكي ‏...‏ ‏ ياعمري أميمتك الله يجزاها بالجنه صابره على هذرتك مع إنها لذيذه بس تصك الراس ‏ إذا بنتي كل يوم تهذري علي كذا ماأبغاها وكل يوم مطلعه لي أمنيه مرة بتصيرين شيخه ‏...‏ ومرة بتصيرين ولد ومرة ودس تهاجرين ‏...‏ وهلم جرا *** حلوه صح لأاوالله طموحاتك فوق هام السحب ‏ وبعدين تعالي أحد يحصل له يسكن في سدير ويعافها ‏...‏ طيب وش رايك نتبادل في السكن ‏ تجين مكاني بالرياض وأجي مكانك فكره حلوه ‏...‏ شاوري روحك وعلميني !!‏

يحليلك تداومين الله يعينك يارب
ضحكتي فالفردوس يارب
امي تقول لاعاد تجيبين طاري امنياتك هذي الي كل يوم تكررينها هههههههه قلت لك مني مااكررها بس وافقي
ياذي السدير على قولة صديقتي منظولة فيها ههههههههههههههههه صراحة ضحكت مع قوة التكه
أي انا للاسف حصلت لي وعايفتها ؛ وش رايي ؟ تم تم تم تم موافقه على طول مااحتاج مشاوره مع نفسي
الا لاجا الصدق وسكنتي في سدير وقت اجازات طويله تملين خلي عنا بس تعالي اسكني هذا وجهي ان ماهجيتي
للحين اتسائل مع نفسي شلون صابره لحد الان ولانحشت ؟؟
كوني بالقرب
,

[وَدْقْ ,]

المشاركة الأصلية كتبت بواسطة قلم صريح   المهم : ام صعرور ماعادها أم صعرور , بس قوة باسها فيها و كأني حسيت أنها هي اللي تعلم زوجها وشلون يتصرف مع إنه موظف ماهو كبير , جاني زوجها و لزم علي أروح معه البيت , و بعد حيا و تردد أجبرني و قال أنت من جيران أم محمد و حقك كبير علينا , فهمت أنها قايله له عني , بس أكيد ماتبيني أذكر أي شيء عن ماضيها الشقي , تصورت كذا الين قلطوا الأكل و قعدنا ناكل الا هو يقول , أجل أم محمد كانت حايستكم و أنتم صغار , أنا ماصدقت يفتح الموضوع , قلت أقول لك من جبروتها الشيء الكثير , قال , لا أصبر الين نطلع أنا وياك في الحديقة , ضحكت من قلبي ,

الله يالدنيا صارت أم محمد
الا زين طبخها ؟
هماكم رحتوا للحديقة رجع الماضي الي طمرناه
,

المشاركة الأصلية كتبت بواسطة عيون عسليه   إه هاه وشو ذا مادريت عانوه شكله سباحين زينتن بالحيل لي وشسموه ذا عوده بعد قراءه المتصفح كله والله يعين عيوني بتتعب

أي وينك من زمان خلاص بنسوي احتفال لمرور سنة على الافتتاح
حياك لاتطولين وقراءة ممتعة
بانتظار عودتك
دوتس وردة صناعية
,

[غلآ الروح]

لااااااااااااااااااااااااا !!

لحظه نقف قليلاً !!

المشاركة الأصلية كتبت بواسطة   وبعدين تعالي أحد يحصل له يسكن في سدير ويعافها

ايه اناا اناا والله اناا ..
أبوي يقولي خلاص بنسكن بسدير لااااا رحم الله أبيك ياأبي
وش نسكن قلت احب سدير بس الله يطول بعمرك ماقلت نسكن فيهاا عاد

تخيلي اروح من مدينه وأسكن في قريه وش يحس فيه أبوي

دااايماً نتناقش في هالأمر بس مع الأسف مانطلع بنتيجه !!

[ام القمر]

الله يهديك يازخات احد يعاف يسكن في سدير لو سمعتك بنت عمي ان توديك لشهار على طول بتقول هذه مهيب صاحيه
امنيتها انها تسكن في باريس سدير وانت ماتبينها افا عليك بس
ياحلوك يازخات وحلو سواليفك الي توسع الصدر
الله يعطيك العااافيه والجنة الدافيه والزوج الي يسكنك في سدير جنب اهلك

[وَدْقْ ,]

المشاركة الأصلية كتبت بواسطة غلآ الروح   لااااااااااااااااااااااااا !! لحظه نقف قليلاً !! ايه نقف وليه مانقف نبخرتس اخيرا زرتينا ياطيبة , ايه اناا اناا والله اناا .. أبوي يقولي خلاص بنسكن بسدير لااااا رحم الله أبيك ياأبي وش نسكن قلت احب سدير بس الله يطول بعمرك ماقلت نسكن فيهاا عاد تخيلي اروح من مدينه وأسكن في قريه وش يحس فيه أبوي دااايماً نتناقش في هالأمر بس مع الأسف مانطلع بنتيجه !!

ماتنلامين أبد ويحق لك وبقوة زين في احد نفس معاناتي والحمدلله ,

,

المشاركة الأصلية كتبت بواسطة ام القمر   الله يهديك يازخات احد يعاف يسكن في سدير لو سمعتك بنت عمي ان توديك لشهار على طول بتقول هذه مهيب صاحيه

المشاركة الأصلية كتبت بواسطة ام القمر   خليها تسمعني وتنهار بعد اهي خلاص قفلت معي اصلا , امنيتها انها تسكن في باريس سدير وانت ماتبينها افا عليك بس اجل امنيتها قولي لها تقول زخات لاعاد تتمنين يرحم امتس , ياحلوك يازخات وحلو سواليفك الي توسع الصدر الله يعطيك العااافيه والجنة الدافيه والزوج الي يسكنك في سدير جنب اهلك

الله يوسع صدرك بالعافية والطاعة والإيمان يارب ,

كارهتني يومنتس تدعين علي ياجعلي مانيب قايلة

سسسسسوف أنهااار

,