Ii دكّـــــة .. بنــــآتـــ Ii

[إشراقة فجر]

حنين اليوم في مرقدها ياكافي
من التعب
والحسوفه على العزيمه
وجعلها تذكر ولاتعاد

[بقايا الذكريات]

اشراقه فجر ونور الكون تسلمن حبيباتي

وربي يسعد هالوجيه قولن امين

بعدين وش فيها حنين وش الي صاير وصار في هالعزيمه الي جعلها ما تذكر ولا تعاد

[بقايا الذكريات]

اشراقه فجر ابشرك حطيت على القسم علامه

بالطبشور علشان ما اضيع ههههههههههههه

[حنين الذكرى]

المشاركة الأصلية كتبت بواسطة بقايا الذكريات   السلام عليكم تدرون لو اقول لكم ضحكتو الين الصبح هذاك اليوم دخلت ومسيت ما ادري صبحت والى يومكم ادور الموضوع في اي قسم وتوني اطيح عليه بس عساني ما كسرت ضلوع احد احس اني اوجعت احد لا يكو ن حنين لاني احسها نحيفه مره هاه وش اخباركن وعلومكن بشرنني

يالله انك تحيي يقييييييييييييييه ترى هذا اسمك
عساس عرفتي الوصف زين تكفين لاتطبين بسرعه تراني في الدرب
الله يستر تطيحين فيني تشقين طحالي والا شاسلتي
اليمنتس جيتي تنحنحي عشان اقحص
ياوخي العمر واحد والموت حار ياوخيتي اها بس عساس بعد جايتن تطوطحين يدياتس ياسيعة الوجه
وين قهوتس والا عطينا قطة الدكه

[إشراقة فجر]

المشاركة الأصلية كتبت بواسطة بقايا الذكريات   اشراقه فجر ونور الكون تسلمن حبيباتي وربي يسعد هالوجيه قولن امين بعدين وش فيها حنين وش الي صاير وصار في هالعزيمه الي جعلها ما تذكر ولا تعاد

آمين تسلمين يا الغالية
أبد الله يسلمك
منذو زمن وأحنا نتطلبها تعزمنا ماغير تتأمر علينا وتجي فاضيه
أمس عاد عزمتنا معد ورى وحطت مؤونه تكفينا إلى ماله نهايه
عاد نغزها ابليس وطقتها الحسوفه يا كافي
وبتشوفين حطها أرجعي صفحتين لايفوتك
ومن يومها وهي تهذري جعلهاتذكر ولاتعاد

[إشراقة فجر]

هههههههههه
حنيين شكلس منسدحه في باب الدكه
كله شفاحه الله يهديس بس

[جمانة]

ههههههههههههههه
حنين ماتجوزين
مايخالف اليوم منشق بطنتس عقب العزومه
بس جيبي جيكة مويه للضيفه الجديده
واااااخزياه

[حنين الذكرى]

توصيف الدكة يابقيقه خذيه لاعد تعودينها
وترى وصف الدكة سهلن مره هما اليمنتس تيامنتي جعلنا وياكم من اصحاب اليمين تلقين شجرتن على اليسار وفيها ه عصافير
تعديها يقابلتس موترن احمر فيه خرفان الضحايا تعديه بعدين تلقين حواري قدامتس ديرتن كبيره خليها وتعديها بتلي هماه واليمنتس وصلتي لطريقن فيه امطار وغيوم وضباب تعديه بعد بتلي يجيتس مبني كبير فيه قصور افراح وسنع ومستشفيات ولايد وحنة ورنه ماشاء الله خليها عنتس تعديها مرره يايجيتس مقبرتن كبيره الله مير يرحم موتنا وموتا المسلمين يارب سلمي عليهم وكملي الطريق يعدين يجيك لفتن على اليمين تلقين فيها بيت كبير قصر دايم فيه ناس يتعازمون ويحبون الخير ويسمونه الملفى خليتس منه امشي يجيس خط سايدين فيه ناسن يكتبون معاريض ورسايل وفيه البريد تعديه مررررره يجيك على اليسار
ساحه كبيره فيها حدايق عامه للعوائل تعديها امشي سيده بعدها بيجيك اشاره بعد الاشاره فيه كلية تقنية مطوره امشي شوي ولفي يمين بواجهك على اليمين الجناديه تعديها وطوااالي مره بيجيك اخر الطريق سايدين ادخلي يسار
بيجيك مدرسه على اليمين تعديها وخذي يوتير تلقين وكاله انباء كبيره مره تعديها بيجيت مدرسة عالميه في تدرس انقليزي ولغات تعديها مره لين يجيك محطة عبي بنزين وكملي مشوارك يجيك بعد المحطه ب100 كيلو ارض فضاء كنك رايحتن لسدير بعدها بتلقين خيمتن كبيرة مره فيها بدووو حياة خاليه حياة ثانيه اللي يشعر واللي يحمس القهوه واللي يكرم الضيف حياة حلوه كملي طريقك بتلقين في اخر الطريق حوسة اوراق طايره ومتبعثره مطيرها الهواء ايام العجه الله لايعيدها حاولي تهدين شوي عشان ماتزلق السيارة الله لايعديك الشر
بيجيك بعدها تحويله بعد 500كيلو فيه بيت كبير فيه دورين
الدور الاول خليه فيه مطاعم واسواق عوائل روحي للدور الثاني خاص نسائي
تعالي فيه وتلقينا لاتجين الا وانتي معتس قهوتس مفهوووووووم
والحمدلله رب العالمين وصلتي خير

[إشراقة فجر]

[جمانة]

يالله ياحلوين
انا ابروح انام الله ينومني بالعافيه
اشوفكم على خير
(سبحانك اللهم وبحمدك اشهد ان لاالــه الا انت استغفرك واتوب اليك)

[إشراقة فجر]

تصبحين على خير وهذا ان وراك

(سبحانك اللهم وبحمدك اشهد ان لاالــه الا انت استغفرك واتوب اليك)

[حنين الذكرى]

صكن الباب وراكن الله يحفظكن نوم العوافي

[سكوت]

<< داخله على السريع واكيد ماحدن فيه الحين
حبيت ابارك لكم بالعشر
لاتفوتونها !
الله يتقبل منكم صالح الأعمال

استودعكم الله ..

[حنين الذكرى]

هلا بك الله يبارك في عمرك
الله يتقبل منا ومنك صالح الاعمال


على فكره اسمحولي يابنات ماراح ادخل كثير للمنتدى لظروف صحيه اسال الله ان يشفيني ويشفي كل مريض

دعواتكم
وربي راح اشتاق لكم

[جمانة]

المشاركة الأصلية كتبت بواسطة حنين الذكرى   هلا بك الله يبارك في عمرك الله يتقبل منا ومنك صالح الاعمال على فكره اسمحولي يابنات ماراح ادخل كثير للمنتدى لظروف صحيه اسال الله ان يشفيني ويشفي كل مريض دعواتكم وربي راح اشتاق لكم

سلامتك حنون
ماتشوفين شر ان شاء الله
والله الدكه مالها طعم بدونك
الله يردك لنا مثل ماكنتي