| من مذكرآت صبآي |

[قلم صريح]

عاد حارس العمارة شايفها و هي تدخل , كان عند الخباز اللي مقابل العمارة , عين على الطابور و عين على باب العمارة أول كان يجون بزارين المدارس وهم رايحن للمدرسة ويرجون وسط العمارة , مقهورين من الاشوام اللي ساكنين بلاط وهم بيوت طيت من يدخلون الين يطلعون وهم شهب , المهم أنه عرفها يوم جا الاسعاف يشيل المعلمه اللي متدربية مع الدرجة, معروفه هي , صعرورها له ظل طول متر , علم المعلمه ان هالك البنت داخله معها سطل يالله تشيله و طالعه وهو فاضي ,

[غـــرور]

وإذا درت المعلمة وش بتسوي ؟!

مسكينه مالها حيلة الا ان تتعوذ من ام صعرور صبح ومساء..

[قلم صريح]

ماعاد رجعت المعلمة للمدرسة , صارت ماعاد تقدر تاقف زين , بس ماثبت على ام صعرور شي ,
المصيبه ان ام صعرور تتكلم في الشارع تقول " أم المشوي أنطقت في البيت , ثاني مره تعذب بنات الحمايل "

[غـــرور]

الحين أم المشوي طلبت منها تكتب الكلمة عشر مدري عشرين مره وسوت فيها هالسوايا

أجل لو تشوف ام الطعمية بتاعتنا تخلينا نكتب قطعة كامله خمسين مرة لا وبالحركات بعد
وش بتسوي بها؟!!

ياليت أم صعرور صديقتي..وتنتقم لي ..

[قلم صريح]

أذكر يوم أنها تطب على العزوبية و تحرق غرفهم و هم نايمين ليش يسكنون في حارتهم , كان أبوها توه دافع غرامة كسر ماسورة الماء العمومية , كسرتها مع حويلان و الأصقه , يبون يرشون الشارع كله غبار ,

[وَدْقْ ,]

وانت المراسل ههههههههه ..

وماشاء الله تطلع من مصايبها مثل الشعره من العجين يالادرها من فتاة ماشاء الله ..
.

[وَدْقْ ,]

المشاركة الأصلية كتبت بواسطة غـــرور   الحين أم المشوي طلبت منها تكتب الكلمة عشر مدري عشرين مره وسوت فيها هالسوايا أجل لو تشوف ام الطعمية بتاعتنا تخلينا نكتب قطعة كامله خمسين مرة لا وبالحركات بعد وش بتسوي بها؟!! ياليت أم صعرور صديقتي..وتنتقم لي ..

ذكرتيني يومني فثاني متوسطة مدرسة الانجليزي خلتني اكتب الوورد ستدي كم مره اذكر عشرين اذا ماخاب ظني ؛ ثم شققت الاوراق قدامي طارت بوهتي قالت يعني تتأدبين يعني ؛ إهي مادرت اني مسويه حركة هذاك الازرق الي يطبع ..
تقريبا انتقمت منها بس اسلوب هجمي ليت ام صعرور خويتي يامال الجنة تجيب العافية ذي ماشاء الله عليها ..
صدق لاقريت مواقفها قلت ياشين الأدب تحسف إني مؤدبة ..

[قلم صريح]

الادب بعض الاحيان مذله , جا أبوها واحد بيشتري البيت , و هي ماتبه يبيعه مستانسه في الحارة تغفص فيني ليل نهار ,
قالت له يوم راح ابوها يجيب الشاهي , شف يالاخو , البيت مسكون و انا اعرفهم واحد واحد , البدوي الضعيف طمر من الروعه و دخل في البيت يدور الباب الا الشايب في وجهه , وين رايح يالخسيس , و تطاقوا وسط البيت ,

[ضياء الفجر]

هي طعيمة بقشارتها٫ عز الله ماعمر راسها صدّع٫ لا ترجا احد ولا تحاول بأحد
تقصر العنوة بذهانة ودهاء ٫ انا من حيني وانا عاشقتن ام صعرور جعل ربي ما يحرم ديرتن منها
فتحت اذهان وحذرت اذهان وخلت العوالم يهتمون بأنفسهم
متابعين لسرد وكأنا نتابع الصوره

[قلم صريح]

ابي متابعه و ردود علشان تنعصر الذاكره و اقول كلش

[غـــرور]

المشاركة الأصلية كتبت بواسطة ||زخـآت المـطـر ||   صدق لاقريت مواقفها قلت ياشين الأدب تحسف إني مؤدبة ..

نفس الشعوور !!

بس أنا فاتت علي أطبع مثلك..

[غـــرور]

المشاركة الأصلية كتبت بواسطة قلم صريح   ابي متابعه و ردود علشان تنعصر الذاكره و اقول كلش

متابعين طااال عمرك بس أظاهر أنك فوق الجدار ماتشوف إلي صافين تحت

[وَدْقْ ,]

المشاركة الأصلية كتبت بواسطة قلم صريح   الادب بعض الاحيان مذله , جا أبوها واحد بيشتري البيت , و هي ماتبه يبيعه مستانسه في الحارة تغفص فيني ليل نهار , قالت له يوم راح ابوها يجيب الشاهي , شف يالاخو , البيت مسكون و انا اعرفهم واحد واحد , البدوي الضعيف طمر من الروعه و دخل في البيت يدور الباب الا الشايب في وجهه , وين رايح يالخسيس , و تطاقوا وسط البيت ,

اهم شيء اعرفهم واحد واحد ههههههههههه

انا تحمست اشوفها بجد ، اهي كملت جامعة او لا .. مادري احس مااظن ماعندها وقت تدرس ،مهجدة الحارة وكل شيء ماشاء الله
تقول قبل لو ماقلتي انك تخافين من ولد خالتك كان قلت انتي مثل ام صعرور يالطيب انا وين واهي وين مافكرت بخططها مجرد تفكير ماشاء الله عليها
.

[وَدْقْ ,]

المشاركة الأصلية كتبت بواسطة قلم صريح   ابي متابعه و ردود علشان تنعصر الذاكره و اقول كلش

متابعين وفرحانين بهذي الشخصية الي ماحصلتش خالص.

[قلم صريح]

كان فيه مزرعة , على طاري السكن , اهلها متأذين منها يقولون مسكونه فهلها طلعوا منها , و عارضينها بلاش 10 سنين للي يحيها , قالت لبوها خل ناخذها , قال انتي مهبوله مانيب قايل انتي صاحيه ناخذها يالخبلا , نعنبوا بليسك ناخذ شي مسكون تكملين علينا لا بارك الله في ذاك اليوم اللي وهقني ابو امك فيها , قالت انت خذها و كان فيه جن مالك دعوى , و بلاش اذا ماجازت لنا نرجعها , ارتخى الرجال و وافق ,