#@ ســجــلـ حــضــوركـ بــبــيــتـ شــعــريـ @#

[عاشق هملول]

قلبي خذوه اهل العيون الجريه
بزعمهم ماله من الناس راعي

مسكين قلبي مابقى له بقيه
تقاطعوه اهل العيون الوساعي

لو فيه لي قلب شريته شريه
لاشك ماقلب تشوفه يباعي

... عبدالعزيز العمران ...

[عبدالعزيز العمران]

المشاركة الأصلية كتبت بواسطة عاشق هملول   قلبي خذوه اهل العيون الجريه بزعمهم ماله من الناس راعي مسكين قلبي مابقى له بقيه تقاطعوه اهل العيون الوساعي لو فيه لي قلب شريته شريه لاشك ماقلب تشوفه يباعي ... عبدالعزيز العمران ...

-

مرحبا حبيبنا الغالي عاشق هملول :

الأبيات هذي من كلمات الشاعر محمد بن ناصر السويلم وغناها المطرب

العذب / سلامة العبدالله عام 1385هـ .. الله يحمعنا بهم وبوجهك الطيب

وبأهلنا في المنتدىوالمسلمين أجمعين في جنات النعيم .

تحياتي لك يالطيب الغالي .. ولكل الأهل في المنتدى .

-

[بوح القصيد]

حطت على قلبي من الشوق جمره
هي ولعتها بالجفا داخل الجوف
قفت ووسط الروح مليان حسره
ياشين حزات الجفا وانت ملهوف
بعض الغرام يصير للقلب كسره
مافيه لاعاطف ولافيه معطوف
كسرة قلوب الحب مافيه جبره
يبطي كسيرة عايش لحظة الخوف

بوحي

[عاشق هملول]

ㅤ
‏يَا رَاحِلِينَ ورُوحِي بَين أضلُعِكُم ،
‏
‏مَن لِلفُؤَادِ إذَا مَا اشتَدَّ بِيَ الوَجَعُ !؟

[بنت الاصول]

لكل نفس وان كانت على وجل
من المنية آمال تقويها
فالمرء يبسطها ,والدهر يقبضها
والنفس تنشرها والموت يطويها

[بوح القصيد]

قل العطا يقتل غرام المحبين
ويموت لاصار الوصل شي معدوم
وتبقى العلاقة بينهم بس روتين
ويصير معهم طاري العشق مظلوم
بوحي

[فقيدة امها]

تقـسو عليّ بلا ذنبٍ أتيتُ به
وما تبرّمتُ لكن خانني النغمُ
أعادهُ شجنًا باح الأنين به
فهل يُلام محب حاله عدمُ

[بوح القصيد]

الحشرجة في الحب ماتعني الموت
تعني كلام في الهوى ضاع نصه
هرج تعلق بين الأنفاس له صوت
بوح تعثر بالحـــيا فــيه غـصه
صوت ينادي بالحشا وسط تابوت
تمكنت منه المشاعر ترصه
وده يبوح بداخله شي مكبوت
بس الخجل لخبط مفاهيم نصه
شاعرويكتب في هوى قطعة التوت
يمكن قصيد الشوق يلقى منصه

بوحي

[بوح القصيد]

صحيح لأجل عيون تكرم مدينة
وانا لعينك بكرم الكون كله
لاجلك بلف بحور واركب سفينة
وافرد جناح الشوق فيني وافله
واشر على قلب بيدك رهينة
واقول لأهل الأرض هذا محله

بوحي

[بنت الاصول]

الحيآه ظروفهآ مآهي : تمـآم

والجفـــآ قسّى علي ظروفهـــآ !

لو يموت الصمت مآعاش الكلآم

كل كلمه : تستشير حروفهآ !”

[بوح القصيد]

اكتب قصيدي بين حزة وحزه
يرتاح بالي لاكتبت القصيده
بيني وبين ابيات شعري معزه
حيث انها تمشي على ما اريده
ان صابني من رمح الأيام غزه
يفزع معي ضد الليالي الشديده

نبضي

[عبدالعزيز العمران]

-

-

ما دامت الفرقا علينا مقادير
معذور لوعضيت كف الندامة

لا لا تعذر وش تفيد المعاذير
مسموح ما بيني وبينك ملامة

واعرف ترى حبك شغلني عن الغير
حطيت لك وسط الضماير علامة

-

[فقيدة امها]

ماجور ياقلبي من الضيق ماجور
والله يسامح من نوى في شتاتي

[بوح القصيد]

على هدوء الليل ياخافقي هد
تلقى بجو الليل جو السكينه
خذ راحتك ياقلب فيه وتنهد
واجذب ونينك لين يقضي ونينه
واترك نجوم الليل ياقلب تشهد
وابعدعن اجواء البشروالمدينه

بوحي

[فقيدة امها]

يالله عسى عمرك من الحزن خالي..
‏وحلم رسمته تتهني فيه وترتاح
‏
وعسى الزمن في مقبلات الليالي..
‏يسقيك من كأس السعادة والأفراح