#@ ســجــلـ حــضــوركـ بــبــيــتـ شــعــريـ @#

[بوح القصيد]

لاماحصل جلسة بليل التعاليل
بطلبك طلبة يالغلا لاتردي
عطني بقايا ضحكتك لاقبل الليل
اسلى بها عن وحشة الليل وحدي
وعطني من خدودك سنا لمعة سهيل
نور عن الظلمى لروحي يقدي

بوحي

[فقيدة امها]

ليت الغلا والشوق تحكيه الاقلام
لكتب غلاتك في سطوري قصيده

واطرب على صوتك به الحان وانغام
وانطق حروف اسمك بصوتي وعيده

[بوح القصيد]

انت الخيال الي لقيتك حقيقة
وانت الصدوق وباقي الناس كذبة
عجل ودور للملاقى طريقة
لعل تجمعنا دروب المحبة

بوحي

[المحارب]

ماهوب انا اللي يقطع الوصل يا زين
لولا الغلا ناسيك وماجيت لسدير
حضور سجلته وجايبلك اللحين
ورد وتحية واحترامن وتقدير

[فقيدة امها]

وتنادينيّ !
واحس إنّ المدى ينسى حضٌور النّاس ،
ملامحهم , سوالفهم , خطاويهم
يتوحّد بـ اسمك عنّ اساميهم
و ذا لو بس تنادينيّ

[بنت الاصول]

الصبر زين وفيه مقضاة ثنتين
تكسب جميل وتاخذ الحق وافي

[بوح القصيد]

هذي بطاقة شوق للقلب تعريف
فيها العلوم الوافيات الأكيدة
عندي كثيرمن الحكي والسواليف
شاعر وعندي كل بيت بقصيدة
اكتب غزل لاهل القلوب المواليف
واكتب عتب لاهل القلوب البيعدة
واعطي لعين الحب عذب التواصيف
من هاجسي اكتب قصيدة جديدة

بوحي

[فقيدة امها]

غلاك عندي فوق مالا يعقلون
ماتخلفه شهب السنين المذهله.

لك منزلٍ بين المحاجر والعيون
متمتع باعلى..وأغلى منزله

[فقيدة امها]

الجو غيم وخابرك تعشق الغيم
دايم تقول إن المطر لمة أحباب

بدلت بغيابك جميع المفاهيم ،،
صار المطر يبكي على لحظة غياب

ريحة ثرى وذكرى غلا فيني تهيم
وابيات شعر واغنية نوح وعتاب

واليوم جو الدار يا صاحبي غيم
اطلب من الله جونا يجمع اغراب

[بوح القصيد]

يالي خذيت من القمر كل نوره
عطني من خدودك شهاب يقدي
لاتترك البحار تظلم بحوره
بيني وبين الموج رحلة تحدي
موج البحر قامت تلاطم نحوره
وسط الظلام اصارع الموج وحدي
عجل ترا المركب تعذر عبوره
تعال دل الي نظره متردي
بوحي

[فقيدة امها]

كتبتك للشعر نبض ونثرتك في الخيال شعور
ورسمتــك صوره في داخــل عيوني معلقها

ونسجت أسمـــك بقلبي وأنت حرفك من ذهب محفــور
وعطيتــك " كلمة " لغيـــرك ما أقدر انطقها

[بوح القصيد]

يانجمة العشاق في ليلة العشق
خوذي من القلب المشقى رساله
قلب على شوف الحبيب يتشفق
يسهرطوال الليل يرجي وصاله
قولي على قلب الغرام يترفق
لايترك الولهان يسهر لحاله

بوحي

[فقيدة امها]

يحدّثُني الحبيبُ حديثَ ود
‏فأبسمُ ثم أطلبُ أن يعيدا
‏
وليس صعوبةً في الفهمِ لكن
‏أحبُّ حديثَهُ حبّاً شديدا

[بوح القصيد]

عسى المسا يمطر على القلب راحه
ويبلل عروقه مسرات وافراح
ويرتاح قلب كاثرات جراحه
ويطيب صدركله طعون وجراح
ويرتاح بال للهواجيس ساحه
والراس من كثرة طواريه يرتاح
والنوم يلقى في عيوني مساحه
تهنابه عيوني من الليل بمراح
لان السهرعنده فضول وبجاحه
يشغلك لين الصبح يسفر وينباح


بوحي

[فقيدة امها]

حتى المكان الي جمعنا سألني
وينه هذاك ،الي حلف مايخليك ؟