#@ ســجــلـ حــضــوركـ بــبــيــتـ شــعــريـ @#

[بوح القصيد]

يساورني قلق يكبر بداخل رحلة الوجدان
وانا ارتب حقايب سفرتي لاعماق وجدانك
على رحلة تمنتها الأماني والأمل تحنان
وقلب رتب احلامه يبي اجواء تحنانك
ولكن الرجاخايف طموحك يقفل البيبان
وتاقف رحلة الحالم على اعتاب بيبانك
ويبدأ للألم قصة غريب يعيشها انسان
تعب يحكي احاسيسه لعل يحس انسانك
بوحي

[فقيدة امها]

يرخص الشعر كله في طلب.. غالي
مرحبا والقوافي فيك منضومه

من تقهويت عشقك وسط .. فنجالي
خلي الطرف يسهى عن حلو نومه

واقرآ أعذب قصيدي واجمل.. امثالي
وانثرني شتاتً ضاقت به هدومه

[بوح القصيد]

تنهايد المسا قهوة تفوح بزعفران وهيل
تشق دروبها بين الضلوع العوج مقهوره
يصحيها الخلا دايم اذا خيم ظلام الليل
وهي طول النهارتبات وسط الروح مأسوره
تسامرها النجوم الي لقت في صوتهاتعليل
تحسب ان الجريح يغني الآهات وكسوره
نجوم ماغدرفيها الزمان وغرها التمثيل
ولاعانت من طعون الجفاوالصد مغدوره
ولاتدري عن طبوع البشر جملة ولاتفصيل
ولاعاشت احاسيس الغلاوالحب معذوره
احديسهروحيد ومامعه غير العناوالويل
وناس مع حبايبهاتعيش الليل مسروره
بوحي

[فقيدة امها]

كلامك اجمل من سكوتك اذا طال
اسمعك باحساسي ويضحك خفوقي .
شفت المطر ، لابلل وجيه الاطفال
يشبهك .. لا بلل كلامك عرووقي.

[بوح القصيد]

قصة دموع الغيم احلى حكاية
تنزل على خد الثرى وتحكيها
تروي على نبت الربيع الرواية
الين عطشان الزهر يرتويها
وتسولف بعشق الفياض البداية
لاصار براق الحيا يبتديها
يازينها لاصار فصل النهاية
باطيب عطور ورودها منتهيها

بوحي

[فقيدة امها]

وبدا الشتاء وابتدى جو .. الحنين
نرجع لنفس المعاطف و العطر

ياغايبي اتخيلك تردلي بسمة سنين ..
وتقول احبك كثر ماجانا مطر

[بوح القصيد]

حني علينا ياسحابة غلاهم
خلي مطر حبك على القلب هتان
والا عطينا من نسايم هواهم
من ذعذعات الحب والشوق تحنان
لاتحرمين القلب لذة غلاهم
ياغيمة تجمع من الود خلان

بوحي

[المحارب]

حقآ علي امر اللي ذكرته
ذااك المكان ابطيت عنه مده
ما هانت العشرة ولا تركته
اثر الغلا بالقلب بان وده

[فقيدة امها]

أسأل عليك ..
و صوتي تاه في المدى
و مامن مُجيب غير الصدى
يقول باقي على فرقاه حزين ؟
و للحين غارق في الحنين ؟

أسأل عليك ..
وانت عني ما دريت
و بأفراحك ومع ناسك لهيت
يا قو قلبك كيف قسى !
و بهالسهوله عشرتنا نسى

أسأل عليك ..
و يرد صوتي مداي
و يرجع يجاوبني صداي
يا مُنادي من تسأل عليه ؟
لا حياة للي تناديه

[بوح القصيد]

ان كان عندك مقدره تقرا عبارات الكفوف
هذي يديني في يدينك ياحبيبي واقرها
ناظركفوف العاطفة واجمع بها كل الحروف
فكك رموز خطوطها واكشف خبايا سرها
ياعارف اسرار الغلا قلي بعينك وش تشوف
يومك لمست كفوفها وشو تحس بنبضها
قلي امانة وش حكت عن خافق الحب العطوف
ماصرحت لك بالغرام الي سكن في قلبها
المسألة ياقاري الكفين ماتبغى حلوف
كل الكفوف بنبضها تصرخ تقول احبها
بوحي

[بوح القصيد]

اليوم جمعة والدعاء فيه مطلوب
بدعي وانا في ساعة الأستجابة
يالله تغفر ماكسبنا من ذنوب
وتغسل خطاينا بصب السحابة

بوحي

[فقيدة امها]

اجمعينا يا الاماكن صدفه بين العابرين،

اجمعي عيني بعينه لجل يحلى لي النظر

[بوح القصيد]

لاشفت برق الحب في عين غالي
من نظرته بتحس في صدق الإحساس
عنده يصير الحب والشوق عالي
قصده غلاتك غير عن باقي الناس

بوحي

[فقيدة امها]

أجمل ثواني العمر لحظة محبه
تتعانق الأرواح في ساعة الذووق

الليل والقمرا وشخصٍ تحبه
رابعكم الفرحه وخامسكم الشوق

[بوح القصيد]

وش تبيني اكتب لروحك كلام
وش تبي قلي وش الي تطلبه
كم كتبته حب مع شوق وهيام
كم نظمت اشعار عشق مرتبه
مابقى بيت من ابيات الغرام
ياغلاي الا لعينك اكتبه
صادق احساس القصايدلك وسام
وانت تدري اجمل الشعراكذبه
عاد تدري بختصرهاوالسلام
خذ وجودي ولوجودك انسبه

بوحي