#@ ســجــلـ حــضــوركـ بــبــيــتـ شــعــريـ @#

[المحارب]

عود يدور للمراجل عقب ويش
ما عاد يمدي لو يسوي سوايا
كلن تخلى عنه ما يعتبر ليش
من شاف نفسه انتهت به زرايا
يصك بابه ينفض الخرج من ريش
لا جاه محتاج من عيال القرايا

[بوح القصيد]

شفت لك تصوير يازهرالربيع
في سناب اهل الربيع مصورة
جازي لي فيك الربيع اللي فضيع
قلت اجي لاجوائك اللي معطرة
احسب ان الخط للرياضك سريع
اثر كل دروب روضتك وعرة
ياخسارة كل ماجيتك اضيع
وارجع وكل العظام مكسرة

بوحي

[فقيدة امها]

في لوحة المبدع حكايات و ابعاد
و من لا يفسر لوحتي ما فهمني

الوانها بحساس شاعر و نقاد
في عمقها و جدان فيني رسمني

[فقيدة امها]

خذني شعر ادخل بـ جوك واجاريك
‏واقطف من احساسك خمايل زكيه

‏يطرب شذاها هاجسي.. يوم اغنيك
‏واطلـق عنان.. الحـرف.. والشـاعريه

[بوح القصيد]

وشو علاج القلب لاصار مشفوح
في شوف من ذكره على القلب غالي
لاصار كامل في طباعه ومملوح
واسمه ورسمه داخل الروح عالي
المشكله وان صار ماهوب مسموح
للعين شوفه ويش اسوي بحالي
اما فزعلي هو والحظ والبوح
والا ترا ياالشوق ياعزتا لي
بوحي

[فقيدة امها]

وأنا الذي قد قضَّ شوقي مضجعي
‏وطيوفهم أحيَـت قديمَ توجعي

‏والقلب غادرني ليسكن قربهم
‏تركَ الحنينَ ينوبُ عنه بأضلعي

‏أمعذبي رفـقًـا فإنِّـي لم أزلْ
‏أهفو لهمسك يستكين بمسمعي

‏لازلت ألمحُ نورَ وجهِـكَ أينما
‏وجَّـهْـتُ وجهِي يابهيَّ المطلعِ

[بوح القصيد]

هاك وجداني وخذ صوت القصيد وضمه
وامتلك كل الشعور اللي عنالك بوحه
لاتخلي غيرك يشيل الغلا ويلمه
ثم ترجع تسأل احساس الغلا وش نوحه ؟
بوحي

[فقيدة امها]

الغلا شيٍ گتبه إحساسـي بْـلا أبجديـه
والمشاعر حبرها والصدر دفترهـا المسطّـر
والعيون اللي هدفها غير عن گل البريـه
ودها تحظن طيوفگ لا غدت فالبرد تشعـر
ودها تلمس گفوفٍ دافيه بهـا شاعريـه
ودها تناظر خيالٍ للهدب يلفـي ويسحـر
والسحر ياللي عطا لْهذي النجوم الجاذبيه
يجذبگ له ثم تلقى اسهله يصعـب ويكثِـرْ

[بوح القصيد]

ياليل ياجامع على الود قلبين
عطنا على ماقلت صدق الوعايد
لم الغلا واجمع شتات المحبين
واجمع قلوب اهل الغرام البعايد
مايجتمع بالييل يالليل بردين
برد الشتا والبعد ياليل كايد

بوحي

[بوح القصيد]

يالله في هاليوم حنا طلبناك
تحفظ وطنا عن جميع الفسادي
انت الولي والكون كله بيمناك
تحمي بلدنا عن حسود ومعادي
وبرحمتك يارب حنا رجيناك
تحقق لمنهو سألك المرادي
وتشافي المرضى بعطفك وحسناك
وتصلح لنا الأحوال ياخير هادي
ويالله ذاك اليوم لامن وردناك
انك تنجينا بيوم المعادي
في ساعة الرحمة الهي دعيناك
تقبل دعاء اللي خضع لك ينادي
وازكى الصلاة لمن يبشر بجناك
اللي بعثته هادي للعبادي
بوحي

[فقيدة امها]

آآمين :

سقا الله ليال في خيالي تقول أحلام ..
تغيب وتجيب الذاكرة مامضى منها!

[بوح القصيد]

ياغياب الشمس والوان الشفق
لك معي عادة تكرر كل يوم
تجلب الذكرى لقلب انسرق
تسرق السلوى وتعطيني هموم
دوم تتركني وحيد بلارفق
واتعزوى وسط ليلك بالنجوم
انتظر نور صباحه ماشرق
كن ليلي من سنا الصبح معدوم
بوحي

[فقيدة امها]

المساء يطغى عليه الفخامة
‏جوه جميل وكل مافيه خيالي
‏مساكم شعر و حب و كرامة
‏بوح المشاعر تهدا لكل غالي

[فقيدة امها]

عَلمتني أرسم ( عَطش) وادخل تفاصيله ( سراب)
عَلمتني اسكب ( وله ) مِن جوف يِقتله .. الشعور !

علمتني .. شباكْ شِعرك .. يوم يسألني ، جوآآآب!
ما أسمحْ إنه يلتمس من لهفة أعمـآآآقي .. غرور !

عَلمتني قَد ما أحب ./. أمنح مواويلك .. ، غِيـــآآب
أجدد غصون الهوى .. و َ أَبْقي ... على عُمر الجذور !

[بوح القصيد]

ياسيدي مالي على الشعر سلطان
يسطي على وجدان روحي يتله
تطغي عليه الجاذبية والأشجان
وتسقيه جزلات المعاني بحله
شعر اغني به على زين الألحان
بوح يجاذبني مع كل دله
يطرب له اللي دوم هايم وولهان
اللي عيونه تبكي فراق خله
لعل يسلى خاطر منه تعبان
لامن تغنى في قصيدي وشله
هذا الشعر يحكي احاسيس الانسان
هاجوس فكر بالمشاعر تهله
بوحي استثنائي